Sentences
56,347 example sentences. To find a particular word, use Search.
Example sentences currently have Chinese translations only.
-
Pgrqbux knan ka lupung mu o msiyang ni shiya bi uqan.我朋友送給我的果子狸很肥，吃起來很鮮美。
-
Ini bi pnegrqbux qmpah ka bubu mu o murug ku hyaan ka yaku uri.我母親鋤草不會不乾淨，我也仿效她。
-
Pnrqbux su pqeepah smadu ka trabus o daan mu kmnru qmpah duri.你雇人鋤草鋤不乾淨的花生地，我重新補鋤了。
-
Ini bi prqbux qmpah ka tama mu, “knhuway ni knsdani bi ka qmpah” msa.我父親鋤草絕不鋤得不徹底，他說：「慢慢來，要徹底的做完。」
-
Iya psnrqbux gmeeguy laqi su naqih kuxul, aji mnurug tmaan na?你不要為了孩子偷東西而傷心，他不是學他父親的嗎？
-
Wada ptgrqbux mhuqil shiga kingal ka yami alang hiya.昨天我們部落那裡有一位因被熊攻擊而死。
-
Qmnrqbux ku qmita qnqan apu ki o kla qnqan rungay.我把柿子當作是果子狸吃的，原來是猴子吃的。
-
Qmprqbux su dmangar o asi su ka srkian qnqan na.你想要用石壓陷阱捕熊的話，你必須用牠吃剩下的當誘餌。
-
Qnrqbux na qmpah qmpahan o tmgeeru kana ka seejiq.他在田地上鋤草鋤得不徹底，人都對他指指點點。
-
Qqrqbux na qmpah qmpahan mu o ini ku sadu hyaan da.他作我田地沒鋤乾淨，我就不僱用他了。
-
Asi qrqbux kana ka ga mkan kngkingal pusu blbul mu hiya.我那裡的每一棵香蕉都是果子狸來吃的。
-
Kana rrqbux ga o snbu ima ka tgparu bi gaga?所有的果子狸中，那最大的是誰射的？
-
Iya usa sgrqbux hika isu, empgeeguy su uri da.你不要去跟著小偷那裡，你也會變成小偷了。
-
Smrrqbux bi qmpah sduan ka seejiq ki o saang na bilaq snadu.那被僱用鋤草鋤不乾淨的人，生氣是因工資少。
-
Sprqbux su gmeeguy ka laqi su o manu pusu na?你讓你的孩子當小偷是什麼原因？
-
Qbsuran mu snaw o sqnrqbux na smbu keeman ka rapit uri.我哥哥在夜晚射果子狸跟射飛鼠一樣。
-
Saw sqrqbux buun na ka tama mu speekan na laqi.我的父親總是射果子狸要給孩子吃。
-
Srqbux ka qrunang o asi ta ka psramal puniq tqrian bali.熊多的獵場我們必須要預備子彈上膛的槍。
-
Tgrqbux nangal tama mu ka wada na brihan qngqaya na.我父親捕到的熊，他賺了賣器官的錢。
-
Tmnrqbux ku mgsbu ka skeeman o lala wada mu kmaxan.昨夜我去射果子狸，有很多沒有射到。
-
Gisu nami tmrqbux nangal baki mu, iyah mkan hug?我們在肢解我祖父捕到的小熊，過來吃好嗎？
-
Tnrqbux tbowki ga o kika snaw bi.那捕到公熊的人是真正的男子漢。
-
Trrqbux qmpah kana do rmqbux ku uri da.都在鋤草鋤得不乾淨時，我也就不鋤乾淨了。
-
Ttrqbux na ka baki mu o asi spug hngkawas mangal 2 tbowki.我祖父經常捕熊，每年捕到兩隻公熊。
-
Trqbxa su qmpah payay mu ha!你不要把我的稻作鋤不乾淨哈！
-
Trqbxan bi ka pida mkan apu rungay.果子狸正在吃野柿子時常常被射擊。
-
Trqbxaw mu dmuuy smbu yaku ka patus nii.這把槍是我用來射擊熊的。
-
Trqbxay su ka laqi su.別讓你的孩子做小偷。
-
Trqbxi pdangar tmgsa ka laqi snaw.教男孩子設置捕熊的石壓陷阱。
-
Trqbxun mu psbu keeman ka laqi mu sanw.我要讓我的兒子在夜晚射果子狸。
-
Trqbxanay su qmpah ka laqi ha!別讓你的孩子鋤草鋤不徹底哈！
-
Trqbxani binaw laqi su ga, sita manu brih na?你讓你的孩子做小偷看看，看他會得什麼好處？
-
Rqci o mdka djima sqama bi thuan.乾的五節芒莖像桂竹一樣很容易燃燒。
-
Dmptrqci smungu nhapuy ungat qhuni ka alang hiya.那部落的人，用乾的五節芒莖燒火煮食沒有木材。
-
Empaarqci ka psrajing mu mtahu yaku.我要用乾的五節芒莖來起火。
-
Grqci mu smqit ka pucing nii.這把獵刀我要用來砍乾的五節芒莖。
-
Lawman ka mmaku o asi qrqci kana ka msngari hiya.五節芒叢燒起來的話，留下的都是乾的五節芒莖。
-
Tmnrqci ku ka yaku o ungat bangah na.我燒的五節芒莖沒有火碳。
-
Rqda Truku sbiyaw o pstrung pteetu 3 btunux.以前太魯閣族的爐灶是用三個石頭做的。
-
Seejiq empaadawi o saw rqda mhiyug ini qeepah.懶惰的人像爐灶一樣豎立不做事。
-
Dmprqda 3 btunux ga o kiya ka Truku.用三石做爐灶的那些人就是太魯閣族人。
-
Dmptrqda ga o lala klgan rqda smlaan dha.做爐灶的那些人，他們做的爐灶很多種。
-
Emprqda ku snalu qpras ka yaku.我要做水泥爐灶。
-
Emptrqda nami paah sayang ka yami lupung mu uri da.我跟我的朋友從現在也要做爐灶了。
-
Gmnrqda qpras ka qbsuran mu snaw o ini biyaw empska thuan.我哥哥做的水泥爐灶燒火起來很快就會龜裂。
-
Gmrqda ku o nuduh dxgal ka kuxul mu bi smmalu.我做爐灶時，我喜歡用紅磚來做。
-
Gnrqda mu tahut hngak o kika brihan mu lala pila.我製造瓦斯爐賺了很多的錢。
-
Grqda mu Truku pteetu kana ka btunux mshuyuq gaga.那些尖型的石頭，我都用來做太魯閣族的三石灶。
-
Negay baki mu ka rqda tahut hngak o maarqda mu da.我祖父送我的瓦斯爐已成為我的了。
-
Ga qmhqil qmpah kana o mgrqda mhiyug dmmhaw ka empaadawi.都在拼命的做事，那懶惰的人就像豎立的爐灶站著觀望。
-
Mkmprqda su puyan mrata o asi su ka prqda liwas paru.你想做部隊用的爐灶，你必須做大鐵鍋的爐灶。
-
Mnegrqda bi tahut hngak ka knxalan sayang da.現代的人很喜歡用瓦斯爐。
-
Msnrqda mhiyug nanak ini qeepah ka snaw na do wada qduriq paah sapah ka kuyuh na da.她為了先生像爐灶一樣站著不做事，妻子就離家出走了。
-
Sapah ga mtgrqda ga o smlaan rqda.那露出爐灶的家是製造爐灶工廠。
-
Nprqda su nanak ka puyan su qnilaw babuy da, ana ha ini su dhqi?要煮豬飼料的爐灶你應該自己做，你連這個都做不到嗎？
-
Pgrqda tahut hngak knan ka tama mu o smnalu ku bgurah sapah.我父親送我瓦斯爐是因我蓋了新房屋。
-
Ini pnegrqda thuan ka knxalan sayang da, asi duuy rqda snalu.現代的人不會用起火的爐灶，用製造的爐灶了。
-
Btunux pnrqda Truku o ini ksburaw ana bitaq knuwan.太魯閣族的三石灶永遠不會腐爛。
-
Pprqda mu sunan ka rqda liwas urung o 3 hug?我請你做三個雙耳大鐵鍋的爐灶好嗎？
-
Manu saan su prqda mhiyug rhngun dha hiya, qmaya su euda dha o ini su kla?你怎麼去人家門口那裡站著，你礙到別人做事你知道嗎？