句子列表
共 56,347 句例句。想找特定的字，請使用 查詢。
-
Msnkseiyax nami ttaqi laqi ini skla musa matas.我們為了孩子睡過頭上學遲到而發生爭執。
-
Nkseiyax su nanak mtaqi ini taqi mkdha rabi ga.你會沉睡是兩個夜晚沒有睡覺。
-
Ma su pkseiyax pdawi laqi mha matas?你為什麼讓要上學的孩子過份懶惰呢？
-
Ini hari pnegkseiyax mhapuy ka ina mu.我的媳婦不太喜歡煮的太久。
-
Pnkseiyax mhapuy ka damat o naqih uqan.菜餚煮太久不好吃。
-
Ini bi ppkseiyax pdawi lqian ka tama o spurug na hyaan.爸爸很不喜歡讓孩子閒著懶惰，跟他一樣。
-
Kuyuh mslaput o saw skseiyax sapah dha pslaput.喜歡造謠的婦女喜歡閒閒地到別人家講八卦。
-
Spkseiyax na ptghuy mdawi musa matas ka laqi na.他讓他的孩子與懶惰去學校的在一起。
-
Tgkseiyax bi knkla na ga o mnnarux bsiyaq balay.他反應很遲鈍是因生病很久。
-
Tkseiyax na mtaqi o ungat ttuyan.他一沉睡就叫不起來。
-
Ttkseiyax na msaang laqi na mkseiyax mdawi o mgsmay.他為了責罵沉迷懶惰的孩子用盡心力。
-
Kseeyaxa su mtaqi ka babaw kndaaxan.你午覺不要睡過頭。
-
Kseeyaxan bi mtaqi ka rbagan.夏天很容易睡過頭。
-
Kseeyaxaw su mhapuy ka nhapuy.你煮東西別煮太久。
-
Kseeyaxay su prigaw sapah seejiq ka laqi.不要讓孩子到別人家閒蕩。
-
Kseeyaxi paadawi binaw laqi su ga, sita empmeenu?讓你的孩子閒散懶惰看看，看以後會變得怎樣？
-
Kseeyaxun su mhapuy ka damat o yaa su uqun nanak?你把菜餚煮的很久是你自己要吃的嗎？
-
Ksxanay su mhapuy ka uqun lupung.朋友要吃的不要煮的太久。
-
Iya ksyxani paataqi sapah seejiq ka wauwa, ini su slhbun?不要讓女兒常睡在別人的家，你不擔心嗎？
-
Iya ksiyuk tdruy na ksyuki nnaku.你不要借他的車子借我的。
-
Dmksiyuk qngqaya ni lmutut mangal ka dhiya.他們是借東西就順便拿走的人。
-
Empksiyuk ku patus tama mu ka sbu mu banga.我要去借我父親的槍去射梅花鹿。
-
Gksiyuk mu qarik na ka qmarik ku kukuh qaqay su.我要去借他的剪刀來剪你的腳指甲。
-
Gmksiyuk su kha kamit o hyaun su?你借那麼多的刈刀要做什麼？
-
Gnksiyuk mu tdruy qapi su ka ini ku biyaw dhuq mnsa ku sapah lupung mu gaing bi.我去我遠方的朋友家能很快回來是借你的轎車。
-
Kksiyuk na pila mu o aji mnxal balay.他來借我的錢不只一次。
-
Kmksiyuk ku bi ka ubung su o msiqa ku rrngaw wah!我本來想借你的織布箱，我不好意思開口餒！
-
Kmnsiyuk su piya dhki pila mu ga, klaun su hug?你向我借了多少錢，你知道嗎？
-
Kmsiyuk su kacing mu msakur o iya bi qdlani huaw ha!你借我的牛來耕田不要讓牠渴喔！
-
Knksiyuk na lukus pniri o ini na bqani da!他借的浮織服不還了！
-
Mgksiyuk su kksiyuk na kulu luan knan ka seejiq kiya.那個人像你一樣向我借蒸桶。
-
Mkksiyuk nami bi paga paan qhuni ka mskiyig sapah.我們鄰居常常互借揹柴架。
-
Mkmksiyuk su saw ksyukun o rngaw, iya qsiqa!你想要借什麼你儘管說！不要客氣！
-
Mksiyuk ku 10 qabang su, hilaw lupung mniyah.我要跟你借十件被毯，旅客要蓋的。
-
Mmksiyuk ku bi cimu na o kla ungat ka nhiya uri!本來我要跟他借鹽巴，原來他也沒有！
-
Mnegksiyuk bi ni mnegpksiyuk bi uri ka hiya.他很會借也很會借給別人。
-
Msnksiyuk nami 5,000 pila ini bgay do meysa ku 3 jiyax miyah qmpah da.我為了他借五千元不還，我要求他來還工三天。
-
Nksiyuk su pila na binaw, ngalun suna lala mnrana o!如果你向他借錢看看，他會向你要很多利息喔！
-
Ini pnegksiyuk qngqaya dha ka baki mu o slhbun pslhbun sjiqun.我爺爺不喜歡借別人的東西因為擔心讓別人操心。
-
Ma su asi ka sgksiyuk, hmuya ka kmsiyuk su nanak?你為什麼跟著別人去借而不親自去借呢？
-
Saw skksiyuk qngqaya mu ki o yahan na mnduwa mgay duri.那個老是向我借東西的人也還會好好的歸還。
-
Sknksiyuk na pucing mu ka kmsiyuk buji su.他把向你借箭當作向我借獵刀一樣。
-
Sksiyuk su dnuuy ulan brah ka bubung quwaq o ini eru hug?你借有肺病用過的口罩不會傳染嗎？
-
Smksiyuk bi qngqaya mu kiya o ungat ksiyukan dahang ka hiya.那老是借我東西的人他自己卻很小氣不借給人。
-
Tgksiyuk bi pila mu ki o mgay bi mnrana na uri.常常向我借錢的那個人也會正常給我利息。
-
Tkksiyuk duhung kana do asi ku squri nanak yaku da.都在借木臼時，我就自己雕製。
-
Ga su tmksiyuk manu? Ma kika isu saw sksiyuk ga.你在借什麼？你就是這樣老是喜歡借。
-
Tmnksiyuk slaq mu ka lupung mu o smkla nbaki ka nkira kntuy na.我的朋友借我的水田，當季收獲的稻穀趕上舊的稻穀。
-
Ttksiyuk dha pila mu o aji pxal bi.他們向我借錢不只一次。
-
Ksyuka ta pila na msa ku o ini bi tnjiyal wah!我想向他借錢他堅持不借！
-
Ungat sapah kuyuh ksyukan ka Truku ana paah sbiyaw.太魯閣族從以前就沒有私娼寮。
-
Ksyukaw mu mk3 jiyax psakur ka kacing su hug?你的牛借我犂田三天好嗎？
-
Ksyukay ta kingal iyax sngayan liwas urung su puyan mu sibus.你的大角鍋借我一星期我要煮甘庶。
-
Ksyuki pila mu aji misu ngalun mnrana.你來借我的錢我不收你利息。
-
Ksyukun mu ka sapah su o kingal idas piya pila?我要承租你的房子，一個月多少錢？
-
Ksykanay ta mtbhring bi smbu samat ka puniq.我們把槍借給很有獵能射獵物的人。
-
Iya ksykani ana ima ka tdruy.不要把車子借給任何人。