Search

Sentences 45,800 found

• Kmrasi ku gmiya ka pqbangan mu mtaqi keeman.

  晚上我搭帳篷睡的地方想用茅草鋪地蓆。
• Asi krawa nanak psaan pratu tuni ka isu hug?

  你就只編放碗的籃子好嗎？
• Grawiq mu bubu sangi ka mara ku qaraw djima.

  我架竹枝用來讓胡瓜莖爬。
• Mgrawiq bubu sangi spara ka bubu shikuy uri.

  絲瓜長的藤莖也像胡瓜長的藤莖一樣要做架子。
• Ini pnegrawiq hmaan ka btakan, mtqapur hmru.

  麻竹種下去不會長新根，它是集中長的。
• Smrrawiq bi sapah wauwa ka hbaraw laqi snaw.

  兒子很多的常常要交往很多小姐。
• Saw skrbagan sbrigan dha huda ka msalu huda.

  做冰的人總是在夏天賣冰品。
• Gmnrbnaw ku lmamu tmurak ka damat ska hidaw.

  我挑嫩的黃瓜做中餐的菜。
• Msnrbnaw pihiq snliqan utux lmingis ka bubu.

  母親因嬰兒畸形而哭泣。
• Wada ptgrbnaw gmrahuq laqi ka swayi mu snaw.

  我弟弟的孩子還小的時候就夭折了。
• Dmrbruk muduh qsurux ga o ga mtgeaguh eekan.

  那用火焰烤魚的人是急著要吃。
• Mgrbruk su rrbruk na mayig samat ka baki mu.

  我的祖父跟你一樣用火焰燻獵肉。
• Mgrbu do mtutuy kana ka mneudus babaw dxgal.

  到了黎明，地上的動物都起來了。
• Emprbug ku kingal brunguy apu ka yaku saman.

  明天我要悶熟一個背簍的柿子。
• Sknrbug mu blbul rmbug brunguy ka bukuh uri.

  我把木瓜也像香蕉一樣在背簍裡面悶熟。
• Mrbung ku quyu tndxgal pnhuqil mu ka sayang.

  我現在要去掩埋我打死的百步蛇。
• Rbqanay ta haka smlaan sapah lupung su paru.

  我們幫你親家挖蓋房子的地基。
• Prdaxan ka samaw do maardax ka dowriq samaw.

  電源開了燈泡就亮了。
• Gmnrdrat ku btunux smbarig o 15 hngkawas da.

  我賣粗磨石已經十五年了。
• Malu bi srdrat kmaguh rkrak ka baga mqeepah.

  農夫粗糙的手掌很好用來抓癢。
• Mgrdu mu qnbsiyaq na rmdu napa ka lupung mu.

  我的朋友卸下揹物跟我一樣久。
• Musa ku sgrdu brigan mari qngqaya hika yaku.

  我因著會降價賣東西的店而去買東西。
• Tgrdu bi kari na ga o msqdang hari tunux na.

  那說話斷斷續續的人是有點失智。
• Mgrduung bi dgiyaq nami hini ka dgiyaq namu.

  你們的山脊很像我們這裡的山脊一樣。
• Srduung mu dgiyaq steetu ka skbiyax hiyi mu.

  我身體健康是因為登山脊。
• Mgreyray snaw na saw reyray ka kuyuh na uri.

  他妻子的身材像她丈夫一樣消瘦。
• Mnarux ka pnreyray hiyi laqi mu kingal gaga.

  我那一位孩子身體因生病而消瘦。
• Rreyya su hnyigan ka isu baka bi hnyigan ha.

  你身材剛好的就不要減肥成消瘦。
• Rryanay ta peekan babah seejiq ka sapuh nii.

  這個藥讓肥胖的人吃成消瘦。
• Gmrgraw ku aki djima ka ngalan rgraw srakaw.

  我挑選老的桂竹做床的橫條。