Search

Sentences 27,384 found

• Msnrbug nami sinaw bubu bgiya ungat ka nnaku do marih ku yaku da.

  我們為了浸泡老的虎頭蜂，沒有我的份，我覺得委屈了。
• Mha ku sgrbung pnsinaw masu tama ka sayang, klaaw piimah hici da.

  我現在要去跟著我爸爸掩埋釀小米酒的甕，也許以後會給我喝。
• Lupung mu paru o sprgraw na snaax djima knan ka srakaw na mtgxal.

  我的親家叫我把桂竹剖半來做通舖的橫條。
• Mniq rklu ka qhuni o ini hari pnegrhbiq sida na daan bgihur paru.

  颱風來襲時，在窪地的樹木比較不會斷裂。
• Knrhruh risaw tluung kiyig wauwa ga o wada tgkiwax kana ka wauwa.

  那男孩子坐在小姐身邊磨蹭得使小姐都閃開了。
• Kmnribul ku llbu ribul tama mu o kla na ga skran ka ribul bbaraw.

  我把父親穿的褲子當作是短褲，原來他把長褲捲起來了。
• Duma dmrigaw alang isil ga o musa tgkla knrana alang ni prgan da.

  有些去外地觀光的人，是去勘查地方發展以便學習。
• Srigu mu sari sulay brah na ka baki mu o huya kuna paqi hukut da.

  我在我祖父面前扭屁股，差一點被他用拐杖打。
• Ttrihing na mapa dnngaan samat ka tama mu o ana knux ini csngiya.

  我爸爸經常把要揹的乾獵物圍圍物，連味道都不會漏出。
• Saw skrijil squri na duhung ka seejiq ki o ini ku barig nhiya da.

  雕製木臼總是歪掉的那個人，我就不買他的了。
• Ttrimu na wauwa pskuxul risaw ka nirih mu bubu o ini angal rnimu.

  我阿姨經常介紹小姐給男子，不拿酬勞。
• Mgriqaw dowriq tama su knparu dowriq na ka baki nngalan mu kuyuh.

  我岳父的眼睛大得像妳爸爸一樣。
• Gmnriqu ku smbu rqnux wada mu kmaxan o tayal rawah mu ana sayang.

  我沒有射中被遮住的水鹿，到現在我還是很惋惜。
• Knririh na dxgal baki na ka lupung mu o bitaq hmilit ayus seejiq.

  我朋友繼承他祖父土地的情況，直到竊佔別人土地的界線。
• Mrrisaw kana ka laqi lupung mu, ungat ana kingal mangal kuyuh na.

  我朋友的男孩都是年輕未婚的男子，一個都還沒娶老婆。
• Knrkbuh nbuyas kacing ga niqan wawa ga o bitaq msphug ka tudu na.

  那還有小牛的母牛肚子大得連背脊凹下去了。
• Smrrmagun bi mahan ka sinaw o mimah su kingal qngqung do baka da.

  容易產生醉意的酒喝一口就好了。
• Rmagan su ka musa qmita wauwa o aji empstmay sunan ka tama wauwa.

  你帶醉意去提親的話，女方的父親不會讓你進門。
• Tmnrmram ku mkan nhapuy ka mnarux gupun mu o ini kshiya qnqan mu.

  我牙痛用牙齦咀嚼吃飯沒有味道。
• Tnrmux qrunang ta hika seejiq ki o huya ta sun o prngagay ta hug?

  進到我們獵場的那個人，我們怎麼處理來談談好嗎？
• Gnrnaw mu mgspung tmaan ka bnbun dxgal ki o balay bi sbgay na da.

  我開玩笑的向父親要求那肥沃的地，他真的給我了。
• Mkmrngat su uqan huaw ka muda elug o ima ka empeimah qsiya sunan?

  你在路途中口渴想哀求，誰會給你喝水呢？
• Asi krowraw nak ka paani isu, msaax ku dngur ka apa mu paga yaku.

  你只揹砍短的樹枝就好了，我用背架揹我劈的原木。
• Tnrowraw mami kha gutu ga o smnqit mami prihan na mhuma risah da.

  那堆那麼多橘子樹枝的主人，是他砍了橘子樹要改種梅子。
• Nrpiq su nhari ka qhuni thuun da, aji biyaw hmrinas ka rbagan da!

  你應該趕快砍燒火用的樹枝，夏天快過去了！
• Kmnrprak beyluh iraq qmita baka kbwaxan ka payi mu knrudan na da.

  我祖母老的把長豆的嫩莢看作是可以剝的長豆。
• Pgrpun tdruy knan ka qbsuran mu snaw o ini duuy tdruy ka hiya da.

  我哥哥給我車庫，因他沒開車了。
• Ana kuna rqdgan ka seejiq ki o laxan mu hiya, aji ka mha mnpusal.

  不管那個人對我失信我不理他，不會有第二次。
• Ttrqling na tminun brunguy ka baki mu o kuxul dha bi yahan marig.

  我祖父經常編的小背簍，人人都喜歡來買。
• Ttrqraq dha rnaaw ka seejiq mniyah o sgkhaya embbulang ka dgiyaq.

  外來的人把森林砍得整座山成光禿。