Search

Sentences 27,384 found

• Aji su kkrbangay nuda su saw ungat bi brihan o qlahang nanak.

  避免你後悔所做的沒有意義，你自己要小心。
• Gnrbnaw mu smqit dudux bhngil tabug mu kacing ka sowki kawir.

  我要用鐮刀砍芒草的嫩葉餵牛。
• Btunux paru qmnaya ngagut mu o wada mu sprbung 5 hiyi seejiq.

  擋在我庭院的大石頭，我叫五個人來掩埋了。
• Mapa ku blbul o rrdu mu rhngun sapah su, embgay ku cih sunan.

  我用背簍揹香蕉要在你家門卸下，會給你一點。
• Payay tnikan ga o rgrig bluhing pseanak isu ka dmux ni buwax.

  那搗好的稻穀，你用簸箕來篩穀粒與米粒。
• Tgrhang bi lnglungan na ka seejiq ga o yaasa malu bi nuda na.

  心裡很舒暢的那個人，因為他做人處事很好。
• Rhbiqi skribut binaw kukuh qaqay su ga, kasi su kbaka hiya o?

  你的腳趾被絆倒腳指甲掀開脫落看看，你就會受不了了？
• Ttrhibung na lhang rmisuh lukus ka bubu su o hiya ka mkla ba.

  你母親經常把衣服染成黃色，她最會了。
• Nrhiq su nanak ka mkan blbul da, ana ha ki ini su klai rmhiq?

  你吃香蕉應該自己剝皮，你連這個都不會剝嗎？
• Ana hmuya ini bi pnegribaq lnglungan na ka bukung alang nami.

  我們的領袖無論怎樣不會心情低落。
• Rbaqi rmngaw kari binaw rudan Truku ga, kuxul dha bi bhangan.

  你跟太魯閣族的老人用隱喻說話看看，他們很喜歡聽。
• Mrijil pnsaan na liwas rqda ka bubu mu o puyan na tutu hlama.

  我媽媽把放在爐灶上的大鍋不平，她要煮竹筒飯。
• Msnrijil ku snquri na duhung do ini mu brigi ka pnblux mu da.

  我為了他雕製的木臼歪掉，我訂的不買了。
• Ma su prijil gmabul brunguy napa bunga laqi, mowda msuwiq da!

  你怎麼把孩子要揹在背簍的地瓜裝歪了，會掉出來喔！
• Sknrijil mu qmita ka rawa tninun su o kla dowriq mu ka naqih.

  我把你編的籃子看成是歪的，原來我眼睛不好。
• Wada ptg5 bnghur qyutan mhuqil ka seejiq mkmalu nami bi kiya.

  我們很要好的那個人因被五隻黃蜂螫到而死。
• Dmprimu tnrqdug o piya hiyi ka mrimu o ngalan dha rnimu kana.

  接受賄賂的人有幾位行賄的人，他們都拿賄賂。
• Iya psnrimu aangal lala dnuuy rudan, tai nak nsgan rudan hug?

  不要為了多得父母的財產而討好，就照著父母的分配好嗎？
• Psruwa qnnaqih ni lingis ka srimu mu saang tama do smruwa da.

  我以道歉及哭泣向生氣的父親討好時，他就原諒我了。
• Nrinah su qthur binaw ida su ga qthur ga, aji su empeeksa da!

  你在胖的如果再更胖的話，就走不動了！
• Tgrinah bi mdrumut matas ka laqi o rinah mrana knkla dha uri.

  那越認真讀書的孩子，他的成績也越來越好。
• Tnriqi xiluy salu sapah qpras kha ga o msalu 3 sapah tntunan.

  那折彎那麼多鋼筋蓋水泥屋的主人，他要蓋三棟樓房。
• Tnririh tama na saw busuk eimah sinaw ki o mgkala ka hiya da.

  那承接他父親酒醉的人，他更厲害了。
• Tnrisaw mnatas paru ptasan ga o wada hi kana dnuuy na ppatas.

  那位大學畢業年輕未婚男子的父親，他把所有的錢花在學費上。
• Sknriwa mu qihung mkan ka riwa ngiraw o ini pndka knshiya na.

  我把香菇當作雞肉絲菇吃時，它的美味不同。
• Nangi na wada psriyax dgiyaq ka hidaw do ki knegbiyan uri da.

  太陽稍微下山，傍晚就到了。
• Iya psnrklu ayug empgeeluk phiyug sapah, tbnuun namu sunu da!

  不要為了爭搶在山谷的窪地蓋房子，你們會被坍方覆蓋了。
• Pgrkrak nhapuy sari knan ka lupung mu paru o msiqa ku rmngaw.

  我的親家給我吃沒煮熟刺癢的芋頭，我不好意思說。
• Trrkrak glu pkmkan dha samat ga o tbbrang wada bbuyu kana da.

  他們都有想吃獵肉的慾望，都一起去狩獵發出衝進草叢聲。
• Isu snaw ga strung su ana manu msriqu uda o krmun iya kiisug.

  你身為男人的，不論遇到什麼困難要勇敢不要害怕。