Search

Sentences 2,447 found

• Iya psnruqil pucing wada emputuh msaang, ima msa usa ptucing pucing hyaan sunan?

  不要為了獵刀刀莖斷掉而生氣，誰叫你請他鑄獵刀呢？
• Pgrurut egan dxgal knan ka seejiq ki o yaa msa ini kla yaku rudan lngu emprqdug.

  那送我土地攀纏覆盆子的人，他以為我人老了不懂想欺騙我。
• Yaa msa ungat qabang ka yaku ga, spbeybay na hmilaw lqian mu ka beybay qabang na.

  以為我沒有布毯，他拿他破的布毯蓋我的孩子。
• Tmnhaur ku qmita yayung mssipaw o yaa ga hiya ka saw mneudus qsiya na hug msa ku.

  我看了河水暴漲想到河中的活物還在嗎?
• Tklungay ta mduk ka rhngun sapah payi su ga mnarux msa su o ma ungat bi lhbun su.

  你說你要「klung」的關你在生病的祖母家門，你真沒良心。
• Smkneywa na bi msaang rmngaw ka lqian na do rinah ini qbahang kari ka laqi na da.

  多次的嚴厲責備孩子，反而他孩子更加不聽話了。
• “empmkaxa ku sapah seejiq hiya” msa knan ka snaw mu o mtjiyan bi dhuq qmpahan da.

  我先生對我說：「我去別人家那裡會耽擱」，他到田裡時已大白天了。
• Iya pakux laqi bilaq quri baraw qaqay, mspakux rumul ka laqi msa ka kari bhangan.

  不要讓小孩子倒立，聽說肝會翻。
• Tppnru endaan dha mqraqil kana do “mnsaw ta ki ita uri” msa ku psbrinah lmnglung.

  都在敘述過去所經歷的苦難時，我心裡回想自己也曾經這樣過。
• “qmpqaya ku birat puqan mu musa qmpahan” msa ka baki mu o “pcingun su da” sun mu.

  我祖父說：「去工作時，我想把菸斗掛在耳朵上。」我對他說：「會被你弄掉喔！」
• Msnpril nami qpras hnurah sapah qmpahan mu ka seejiq kiya o “aji yaku” msa dmaaw.

  我們爲了拆水泥房的廢物丟在我田裡發生爭執時，那個人隱瞞說：「不是我。」
• Msnpudung nami pucing naqih endaan na smasu ka msasu ki o ini ku spsasu hyaan da.

  我因煉鐵的人煉的獵刀不好而斷裂，我就不給他煉了。
• Qmnqada ku mnhuqil huling qmpahan dha o mha sknux da msa ku do wada mu rbngun da.

  我本想把狗屍丟到別人的田裡，我覺得會發臭就把牠埋了。
• Qqralanay ta tminun ka towkan ga msa su o aji mowsa ana bitaq knuwan ka gasut su.

  你說’’我要打瞌睡編那個背網的話，你的進度到什麼時候都不會完成。
• Mnreyray ku hnyigan mu ga, saan mu pqita msapuh ni mkan ku sapuh do mtbnaw ku da.

  我身材原本消瘦，我去給醫生看及吃藥後就胖起來了。
• Kmnrinah ku ida su ga tbrinah rudan na o ini da msa ka bhangan mu o mqaras ku da.

  我以為你還在更辜負老人家，聽人家說不會了，我就高興了。
• Kana saw sudu ni mnsburaw o qdeani ayug ni rngsxani psinaw msa su o paru mqneuqu.

  把所有的垃圾及所有腐爛的東西倒在山谷裏，讓土石流沖洗是最嚴重的錯誤。
• Mmruhug ku bi trabus nngari nhuma do “iya rhgi, peetung ta mhuma” msa ka tama mu.

  我正要焦炒剩餘的花生種時，我父親對我說：「不要焦炒，我們要補種長不出來的。」
• “gmnbulang mkan wawa qbhni ga, qun knskiyan misan da”msa nkari rudan Truku ka nii.

  「我吃尚未生毛的雛鳥，冬天會發冷」，這是太魯閣耆老說的。
• Kmnskngkingal ku qmlubung bowyak o “Prgani saw tuqir na qmlubung.” msa ka tama mu.

  我本來想要放置少量的山豬陷阱，但我父親說：「沿著牠的足徑去放。」
• Lngisay ta ka laqi klaaw msnbrih ka ungat brihan nuda na msa ku o kisa quru bi da.

  我想用哭著或許可能讓沒出息的孩子懊悔，但是反而更嚴重了。
• Kmpakux ku btunux msa ka risaw su o kla na nangi qrapan qowlit mtaqi lhbun btunux.

  你兒子說：「我想翻石頭」，原來他是想抓睡在石頭下的老鼠。
• Tppealix knan knkla matas kana do “yahan hici, ini ta tnjiyal na” msa ku lmnglung.

  所有的人讀書都超越我時，我心想：「等著瞧，我們尚未正式交鋒。」
• Msnphiyug nami pnskraya peypay Mgay Bari hakaw utux msa ka duma kumay msa ka duma.

  我們爲了掛感恩祭的旗子有的說掛彩虹橋，有的說掛熊來做標記而發生爭執。
• Mnplealu ku pha puniq lhngaw hiya, sita dha ngalun msa ku o daan dha mgay knan da.

  我把槍放置在石穴的明顯處，看看他們會不會拿走時，他們拿給我了。
• Ma ini pstuq mangal mirit ka seejiq ki msa ku o kla su ha gmqhruy dowras qmlubung.

  我想那個人怎麼會不斷捕到山羊！原來是在懸崖邊的窄徑設置套腳陷阱。
• Iya psnqpurus lqian su laqi dha msaang, qmprusan laqi su ni smiyuk ka laqi dha da.

  你不要因你的孩子被別人孩子抓傷而生氣，是你孩子抓傷後他的孩子才報復的。
• Kmnegrahul ku ga namu niqan prngagan alang msa ku o kla namu ga psmiyan Mgay Bari.

  我以為你們在開部落會議，原來你們在舉行感恩祭。
• Kk5 namu jiyax 5 namu hiyi ka musa tmsamat o asi namu ka lmabu lala hari ka buwax.

  如果你們五個人五天的時間去打獵的話，你們一定要多包些白米。
• Knrinah na mkan sinaw ana pdkaran msapuh o bitaq wada ptgusug mnarux rumul mhuqil.

  雖然被醫生禁止反而他喝酒喝得更厲害，一直到因罹患肝癌而死。