Search

Sentences 23,250 found

• Kmpspapak su lmibaw glaqung dgiyaq o yaa wana isu maangal ga! glaqung dgiyaq o asi ka pnswaru.

  你想設置套腳陷阱捕捉藍腹鷳，可能只有你會捕捉吧！藍腹鷳必須用套頸陷阱。
• Asi kpdagit nak snaw ka salu isu sun ku dha o ana kingal klgan pdagit ini kla smmalu ka dhiya.

  他們要我做男用綁腿，是因為他們連一種綁腿都不會做。
• Psnpgrpaw rmqbux qmpah qmpahan mu ka seejiq snadu mu ga o marah ku smadu taxa duri muda qmpah.

  我因為我僱的工人做我田裡的工作不徹底，我重新又僱另外一位去做。
• Tmnqburang ku mirit miyah pusu qsiya ga mu ngalan yudun hi o ini ku rahuq smbu kngkingal rabi.

  我在我接水管的水源頭埋伏山羊，每個晚上都會打中一隻。
• Mqqqral nak tksadu qmpah kingal idas ka dseejiq ka o ini tuku uqun kingal idas ka knsduan dha.

  各自懶惰受雇工作的那些人，他們賺的不夠他們一個月吃。
• Iya psnradax dara msbrabang, qmita ku yaku o ga mrangah ka radax ga o ma ana ki srbangan namu?

  不要為了茄苳樹巨木而爭執，我看那巨木裡面是空心的，你們怎麼連這個都爭執呢？
• Mapa ku payay ga, musa ku sgrihing kmsiyuk qabang bubu mu o asi na bqani knan ka qabang na da.

  我揹稻穀因需要圍物向媽媽借被毯，她就把被毯送給我了。
• Tayal rqdug su knan, “maah ku sapah su” msa su o tmaga ku bitaq ska hidaw o ma su ini iyah da?

  你怎麼那麼會騙我，你說：「我要到你家」，我等你等到中午，你怎麼沒有來呢？
• Ga msnrubug hiyi wauwa empgeeluk smkuxul ka risaw o smkuxul saw tradaw hnyigan risaw ka wauwa.

  男孩爭著向身體細嫩的小姐示愛，小姐喜歡身材好而且帥的男孩。
• Mtgruquh waru ka tama mu ga “ma ungat ruquh waru ka seejiq gaga” sun mu o “niqan ka malu” msa.

  我看到父親的喉結，我跟他說：「為什麼那個人沒有喉結」，他說：「有比較好。」
• Sgnaah ta breenux qmita ka tudu dgiyaq paru ni pnstrngan muhing dgiyaq bilaq o kika kowtan sun.

  從平地看大山的山脊與小山脊的尾端接觸點是叫「kowtan」。
• “Qnawal bbkuy su hakaw o kkuwir misu kingal rikit baka paan.” msa rmngaw qnawal ka brigan hiya.

  那販賣鐵絲的人打電話說：「你要綁橋的鐵絲，我會為你盤捲好一捆你可以搬的。」
• Nmkaxa ka musa su tmatak hrus dxgal hnici rudan hida, aji bi biyaw dhuq jiyax tkuyan masu do o!

  你後天應該去開墾父母留下來的坡地了，播種小米的季節很快就要到囉！
• Ana mgnreeru sunan musa pngahi qsurux gsilung ka swayi mu snaw o ana kingal ini tjiyal ka hiya.

  我弟弟雖然像你一樣多次去海釣，他還是連一隻都釣不到。
• Kmnpspadaw ku pila seejiq alang qmita ka seejiq pnstama alang o kla su ha muda mgay pila rnimu.

  我把部落代表看作是來捐錢給部落的人，原來是行賄。
• “empqdunuq ku mhuqil aji misu pjiyun baga” msa hmici kari lqian ka tama na o yaasa ini ksttama.

  因為孩子對父親不孝順，父親對孩子留遺言說：「我要孤獨而死，不讓你按著脈搏」。
• Mnqral ppyaan tdruy tmaga tdruy qrngul ka lupung mu ki o wada na phrnasan ka tdruy ppaan na da.

  等火車在火車站打瞌睡過的我那個朋友錯過他要搭的車了。
• Iya psnqupax mkan kingal tutu kalat empgeeluk, iyah knan mkan smka tutu nngari mu ka taxa namu.

  不要為了搶著吃光一罐鳳梨而爭吵，你們其中一個來吃我剩下的半罐。
• Tmraraw ppatas hangan dnhqan ka seejiq mqeepah nkana hana mangal qpahun o wada srsan hangan da.

  剛考上公務員延遲去報到的話，被除名了。
• Qrasun na bi ka kuyuh na mdrumut bi qmpah ga han o babaw mnda mnarux tunux do maarbangay mu da.

  他原本很稱讚認真工作的妻子，經過一場腦病變後就很後悔了。
• Msnrisuh ku sapuh nngalan mu paru bi luqih mnarux bi rrisuh na sapuh ka msapuh ki o riqu mu bi.

  我為了那醫生擦我的大傷口很痛而很恨他。
• Ga powsa hangan pgaaw bukung nsgan ka nirih mu tama o ini pnegrukal dmayaw hyaan ka kana alang.

  我大伯登記參加鄉長候選人，整個部落都不會動員幫助他。
• Msnrungay nami miyah mkan sqmu qmpahan ini na sai qmurang ka snaw mu do ini ku kmphuma sqmu da.

  我因老公不去埋伏來吃田裡玉米的猴子而爭執，我不想再種玉米了。
• Saw ka aji dhqun dapil o qntaan ka pdhuq. Saw ka aji dhqun qqnita o lnglungan ka hmrinas smkaya.

  腳步不能到達的地方，視野可以到達；視野不能到達的地方，精神可以飛越。-雨果
• Tksiyak ku peapa tdruy pupuk mnda tgsumux pusu qhuni ka pkil knan, aji ku mnklkil paah pncingan.

  我跛腳是因騎機車飛快衝撞樹頭造成的。
• Kmnkmeumal ku skribug qmita tmbqlit brah buan na ka laqi ga o kla ga mnrbnaw buan na meysa pila.

  我把那更加跪在媽媽面前的孩子當做是纏著媽媽，原來是向媽媽撒嬌要錢。
• Ptasa ta 2 ka patas pnglux msa ku o “manu ka kiya, gquun su dha mangal tunux da” msa ka baki mu.

  我想紋兩條額紋時，我祖父說：「怎麼可以這樣，他們會誤把你出草喔！」
• “pprabuh mu quri wauwa raaw ka risaw mu” msa ka seejiq ki o ida bi ungat malu na quri ita nanak.

  那人說：「我要讓兒子與外族的小姐作情人」，或許不看好自己的族人。
• Tmnrngat ku wawa kumay mangal tnjiyal qlubung o pwlaan nu mnlala msqar puniq ka pqduriq bubu na.

  我為了取被套脚陷阱捉到而發出哀號的幼熊，我先多次鳴槍使母熊逃離。
• Ida paq bi Rulung hnyigan ni dqras na ka seejiq ki o sknRulung mu mlawa o “aji Rulung yaku” msa.

  那身材與面孔長相很像Rulung的那個人，我把他當作Rulung喊叫時，他說：「我不是Rulung。」