Search

Sentences 23,250 found

• Kndadax nami mha qmita qlubung ga, asi knarat smpusu ka sisil do lhkah ka kksa nami uri da.

  我們出發去看陷阱，占卜鳥繡眼畫眉首先在右邊時，我們走得也就很輕鬆了。
• Msnreeru ku laqi mu ini thiyi rngagan musa rmigaw sapah seejiq do mliwang ku qnnaqih kuxul.

  我為了我孩子多次到別人家遊蕩不聽勸，難過的消瘦。
• Sknpais su qmita kana ka jiita nanak o ima mqita sunan hici, aji ta xiluy ha ita seejiq ga!

  你把自己人像敵人一樣敵視的話，人不是鐵做的以後誰會照顧你！
• Iya psnpudung isil baga laqi su naqih kuxul, ida mha tgluhay dmuuy isil baga qmpah hici da.

  你不要因為孩子另一隻手斷掉而難過，以後他一定會習慣用另外一隻手工作。
• Mmqaguk bi quyu mtnrikit babaw ssjiyan ka lupung mu ga, “quyu wa” sun mu do msprah isil da.

  當我朋友正要抓蛇盤著手握的地方時，我對他說：「蛇啊！」就閃到一邊了。
• Gmnqapur nami kmbuwax kingal bluhing trabus ka 10 nami hiyi o qhduan nami kingal iyax tuki.

  我們十位群聚剝一個簸箕的花生，花了一個小時剝完。
• Tnqatuk pmblux tapaq paru dgiyaq msdhpa bi sipaw ga o ga na asi pniqi hika bqrus na uri da.

  那獨佔對岸所有大平坦山的主人，他的墳墓就在那裏。
• Qblingaw ta ini ku apa samat ksaw ta ka seejiq msa ku o smknux ssamat do mkmrimu mhulis da.

  我想騙他說我沒有揹獵物時，他聞到有獵物味時，他就微微的笑了。
• Msnqmul nami empgeeluk dmanga laqi rbnaw ka yami qbsuran mu kuyuh o ini sruwa knan ka bubu.

  我跟姊姊為了搶著餵食嬰孩而爭執，母親不准我餵。
• Negrahul su asaw kiristu binaw knxalan Rungay siida ga, ki niyah na qmrak ni ini rnaw msru.

  如果你在日治時期為了基督聚會看看，就馬上被警察抓來毒打。
• Msnraraw ku qlubung mu mnlala bi ka rqnux do asi mu lahi ka gasil ni smmalu ku nksa mu han.

  很多次水鹿繞過我的套腳陷阱時，我就把陷阱線卸解及先做狩獵的儀式。
• Ttrhiq dha balung ka msalu emu balung o rhiq balung rudux kana ka ga dha tqrian lubuy sudu.

  做蛋糕的經常剝蛋殼，他們垃圾袋裝的都是蛋殼。
• Mmrqriq ku bi mhulis qmita mrijil quwaq snliqan utux o hmkan kuna baga quwaq ka tama mu da.

  我看到殘障嘴巴歪的人正要狂笑時，我父親用手遮住我嘴巴。
• Tnrutug habuk ribaw tdruy enlaxan kha ga ayug ga o empriyux bgurah habuk ribaw ka sapah na.

  把那麼多廢輪胎滾動到山谷裡的，是更換新輪胎的輪胎行主人。
• Tmnkmeumal dmayaw bukung nsgan ka qbsuran mu snaw o ga ngalan mdayaw bukung Qpahan nsgan da.

  我哥哥很積極協助鄉長選舉，現在被聘為秘書了。
• Mmkndadal ku bi sari mhapuy bunga siida, phlisan ku tama “kneini su kla mhapuy ga” sun kuna.

  我正要把芋頭和地瓜煮在一起時，我父親取笑我說：「你真是不會煮的料子。」
• Ppkneywa mu msaang smeisug ka laqi mu saw qhuni rngagan ga do kika hana ga embahang kari da.

  我講他完全無動於衷的孩子，透過嚴厲的責備威嚇時才聽話了。
• “pnmkaxa mu qmpah ka qmpahan mu” msa ka seejiq ki o ga mqneuqu da, “endaan mu shiga na” msa.

  那個人說：「我田地後天就要做完。」他說錯了，他說：「我昨天已經做完了。」
• “Euda dha mntaril hakaw utux o tmrngani aangal tunux pais ka laqi snaw” msa ka rudan seuxal.

  以前的老人說：「男孩要通過靈橋的話，就要流汗地獵敵人的首級。」
• Gmnpeysa duhung ni wada na biqan ka seejiq ki o “steeduk na tmikan hlama” msa ka bhangan mu.

  要求木臼且人家已給他的那個人，我聽說他關著門搗糯米糕。
• Kmnpkeeru mhuma bunga qmita knan kmurih ku pusu bunga qmita ku knparu wili bunga ka baki mu.

  我祖父把我翻地瓜根看初生的地瓜有多大，當作是我再一次種地瓜。
• Pnklaani ta ha dmayaw smikul ga blbil tdruy kacing mapa qngqaya steetu elug ka kacing ga hug?

  我們來幫在上坡路拉載貨牛車的牛推一把好嗎？
• Ppdusay ta psqama ka bgiya ga megul knuruh sapah gaga msa su o ini su keisug tgaluk sapah ga?

  你說：「我們拿火把來燒長在屋脊的虎頭蜂窩。」你不怕延燒到房屋嗎？
• Rbagan do, saw skpgrpaw madas kacing psakur qmpahan mdngu ka tama mu, kisa mtleetu karat han.

  夏天時，我爸爸總是在黎明時牽著牛去旱地犁田，這樣天氣還涼爽。
• Mqmqahur ku quri tuma hi o kla su ha ga niqan seejiq do acih ta bi huya sbu seejiq da msa ku.

  我想朝下方丟擲石子時，原來有人在那裡，我覺得差一點丟到別人。
• Msnrhngun nami snalu mu kndgril ini tduwa tmayan napa ka kuyuh mu do slbangan mu smmalu duri.

  因我做的門太窄，揹的東西無法進入而與妻子發生爭執，我重新再加寬了。
• Mmrijil ku bi mkan kingal qapal blbul do “baka da, ma tuyan nbuyas ga” msa mdakar ka tama mu.

  我正要吃一串香蕉超過一半時，我父親禁止我說：「夠了，你的肚子怎麼像葫蘆一様。」
• Mkkneywa bi bsukan msru kyuhan dha ka mswayi 3 gaga o hmici qmada dhyaan kana ka kuyuh dha da.

  那三兄弟各自嚴重的酗酒打妻子，他們的妻子全都棄他們而走了。
• Gnmsnulug mu tgaan tdruy alang paru ka seejiq bi wauwa shiga o kika lupung mu wauwa sayang da.

  昨天我在市區車站巧遇的漂亮小姐，是我現在的女朋友了。
• Tmnruway miying laqi qrinut ddjyagun ka seejiq ki o ga ngalan seejiq prngagan nsgan sayang da.

  那常找需要幫助孤兒的人，現在當選鄉民代表了。