Search

Sentences 23,272 found

• Mmnruway ku musa mtmay sapah seejiq o “ini su qsiqa seejiq?” sun ku msaang bubu mu.

  當我常常進到別人的家時，我媽媽責備我說：「你對那家人不會覺得不好意思嗎？」
• Saw aji mha empruq ka pahung kumay o ppgpahung mu sunan, isu ka mkla mangal pahung.

  避免讓熊膽弄破，我要請你取熊膽，因為你很會取膽。
• Klaun na ka qnsriqu mnarux na do mnegpanguy bi dqras na naqih kuxul ka seejiq kiya.

  那個人知道他有難醫治的病時，他就難過的哭喪著臉。
• Msnplawa nami baki maah mkan nhapuy ka yami qbsuran mu snaw o yaku ka skgulan tama.

  我和哥哥爲了叫祖父來吃飯而發生爭執，結果父親派我去。
• Dhuq ka gbiyan do saw skpowsa musa ngahi tuwil skrian na srayux ka qbsuran mu snaw.

  我哥哥到了傍晚總是去釣鰻魚，用青蛙做餌。
• Tmnpril ku sida qhuni gnrung bgihur paru hnili na ngangut mu o asi ku bi pk2 jiyax.

  我清理颱風堆積在我庭院的斷枝，花了我兩天的時間。
• Pspdagi lukus binaw sapah mqrinut bi ngangah ga ni, kasi suna phyugi sntama baga o.

  捐助衣服給那貧困的啞巴家庭看看，他會立刻對你舉起大拇指喔！
• Gnpteeru su smbarux knan ka kingal jiyax o yahun nami smtuku smka jiyax 2 hiyi hug?

  你來更換我屋頂上層桂竹的一個工作天，我們兩個人用半天來還工好嗎？
• Kmnptgayaw ku ga smluluy ga, “aji isu ka pusu ssluluy” sun ku dha do tayal siqa mu.

  我原本想勸和吵架的人時，他們對我說：「你不是最愛吵架的」，我就很不好意思。
• Mmpudung bi buraw qhuni ka ngalun mu erut qnalang o meeniq inu kida sun ku tama mu.

  我正要拿斷的爛木頭當作圍籬的柱子，我爸爸對我說：「怎麼可能持久。」
• “pdungay ta smipaq xiluy ka pucing tama ta” msa su o ini su kiisug msru ka tama su.

  你說：「我們把爸爸的獵刀打鐵弄斷。」你不怕你爸爸會打你。
• Gnqapur nami musa qmburung payay ka 30 hiyi o qmhdu nami kingal jiyax kingal lituk.

  我們三十位一起群聚割稻，一天割完一甲地。
• Pnqhruy mu phiyug elug hiya sunan aji euda tdruy ka erut qpras o wada mu ngalun da.

  我叫你在那邊的路豎立阻礙禁止車子通行的水泥柱我已經拿掉了。
• Qmnqiri ku elug su wada qmiri dgiyaq hiya ka usa sapah su o kla su ha eusa tmsamat.

  我把你繞到後山的路當作是你回家的路，原來是去打獵的路。
• Gmnqmul meiluq siyang knan msaang ka seejiq kiya o msbbrih ni miyah smahug knan da.

  那氣的把生豬肉硬塞我嘴巴的人，他懊悔的向我陪罪。
• Mqmqpu su unuh kacing o iyah knan, ini mu sngqlingi qmpu kingal jiyax ka kacing mu.

  你想要擠牛奶的話，請你過來我這裡，我的乳牛一天擠不完。
• Ttqtqit na buut ana manu samat gupun na ka seejiq ga o ga emputuh kana gupun na da.

  牙齒經常啃食各種獸骨的那個人，牙齒都斷裂了。
• Kmraaw su kingal klgan seejiq o ini tduwa, Truku o ana bitaq knuwan ida Truku kida.

  你想變成異族的話不可以，太魯閣族自始至終還是太魯閣族。
• Kmnrabuh knan ka malu bi lnglungan wauwa ki o krwahan mu balay ka wada tealax knan.

  把我當作情人心地很善良的那位小姐，我很不捨她離開了我。
• Ttrabung na mkan qnada nngari qnqan ka cyaqung o ki seiyah na llingay biyi qmpahan.

  烏鴉經常來工寮附近的原因是為了吃發霉的廚餘。
• “rgkanay ta smbu nayay ka rqnux” msa ku o “asi ka kingal bali paru” msa ka baki mu.

  我說：「我們用散彈射逃跑中的水鹿」，祖父說：「要用一顆實彈就好。」
• Gnrajing mu quyu hshus ka galiq bnkuy mu tqring sbut o qyutan na ni niqan halus na.

  我用來挑釁眼鏡蛇綁在棍子頂端的布，牠咬了有牠的毒液。
• Isu ka uda ptramas rmisuh embanah lhang tdruy gaga, yaku ka mowda pttuku pkeeru da.

  你來漆那車子的紅色底漆，烤漆我來完成。
• Msnrbagan mnlala miyah bgihur paru wada smeeliq uqun o naqih kuxul kana ka mqeepah.

  因夏天颱風多次來襲毀壞農作，令所有的農人難過。
• Mnrbu ku ka musa mapa wahir uqun babuy ga, ida ki smkaw niya na o dhuq ku sapah da.

  我曾在破曉前去揹餵豬的地瓜葉，太陽還未上升就到家了。
• Kmnrbug ku bi buwax dhquy masu ka sgbiyan o smnguhi ku, asi ku kla mgrbu saw saman.

  傍晚我本想浸泡搗好的糯小米，我忘了，第二天早上才知道。
• Kmrduung su qhuni qtapih ngalun su ubung o iyah miying dgiyaq nami hini, mkndux ba.

  你想取后大埔石櫟做織布箱的話，來我們山這裡找，很密。
• Mrhbiq ku bi sqmu paah saman do “yahi smtuku ka snbrxan mu dhug?” msa ka lupung mu.

  從明天開始我要剝去玉米皮時，我朋友說：「我跟你換的工，你來還工了好嗎？」
• Gnrhruh kuna laqi ini usa tnaqi mu keeman do tksiyuk ku mtaqi bitaq smdangaw hidaw.

  我晚上睡覺被孩子磨蹭睡不著時，就補眠到太陽升起。
• Ungat risaw mu ka yaku o qmita ku risaw su o “nrisaw ta bi kida hki” msa ku smeura.

  沒有兒子的我看見你的兒子時，我羨慕的說：「希望是我的兒子。」