Search

Sentences 23,272 found

• Sknkrasa na bqrus rudan na kmrasa ka bqrus rudan mu o wada jilun utux ka hiya da.

  他把我祖先的墳墓當作他祖先的墳墓一樣嬉戲時，他因此而死了。
• Kmnslupung su bi knan o mkla ku, kiya ka kiya ni msiqa ku balay, qrinut sapah mu.

  我知道你想跟我交朋友，但我不好意思因我家貧窮。
• Mslupung su ptasan hiya o raraw bi ka smlupung laqi matas saw empsrijil sunan ha.

  你在學校交朋友時，絕不要與會帶壞你的學生交友。
• Knluus risaw kiya o hbaraw ka wauwa smkuxul hyaan, hiya nanak ka ungat lnglungan.

  那熟男有很多小姐喜歡，而是自己無心於女孩。
• “empmkaxa ku sapah seejiq hiya” msa knan ka snaw mu o mtjiyan bi dhuq qmpahan da.

  我先生對我說：「我去別人家那裡會耽擱」，他到田裡時已大白天了。
• Aji su kkneenru psipaq muda elug brah sapah empunu seejiq ga o asi uda rmaraw da.

  避免你多次經過那有精神病的人家面前被打，甘脆繞路走。
• Neenranay ta powda tdruy kacing ka elug eusa qmpahan gaga, kika mha saw maa elug.

  我們讓牛車多次往來那田裡的路走，這樣才會變成道路。
• Mnngani ku qngqaya jiyun mu tmatak ka seejiq ki o ida bi ungat qngqaya ttatak na.

  那說留我要用來開墾工具的人，他大概沒有開墾的工具。
• Smppaci na bi smluhay mtwini rmgrig ka laqi ga o mkla bi mtwini rmgrig sayang da.

  那孩子多次積極的練習熱舞，現在很會跳了。
• Ppdusun dha psqama ka bgiya o uqun dha ka buwax na ni rbgun dha sinaw ka bubu na.

  他們拿火把燒虎頭蜂，他們把蛹吃了，成蜂拿來泡酒。
• Kmnpais knan ka lngu maah mgspung qmita wauwa mu o ini dhuq mlaq ana kingal kari.

  曾敵視我的人想要來對我女兒相親，連一句話都說不上來。
• Ttpangih nami o ini nami rngii ana kingal do ungat taan mhuqil ka dudux sibus da.

  我們常常抓剪蟖，連一個都不留下時，就看不到甘蔗心枯萎了。
• Kkpdagit nak kuyuh ka sbrigun su o meiying brigan pdagit snaw ni mrata ka duma o!

  你只賣女用綁腿，但有些人會找男用和軍用綁腿買喔！
• Kmptpdagit su nkuyuh o asi ka galiq bhgay ni siisan su slung embanah ka siyaw na.

  你想編女用綁腿的話，你必須要把白布的邊緣縫紅毛線。
• Npha nak usik qapal unuh ka bubu na ana mkkray mksa ka laqi na o ida munuh na ga!

  難怪他母親要在奶頭上塗生薑，她的孩子已經走路很穩了還在吸母奶！
• Gmnpnlaq su smbru bi niqan qapur suni miyah su miying bnu tmbalung o hmnjiyal su?

  一大早有閃光你來找海龜下蛋時，你找到了嗎？
• Tppnru endaan dha mqraqil kana do “mnsaw ta ki ita uri” msa ku psbrinah lmnglung.

  都在敘述過去所經歷的苦難時，我心裡回想自己也曾經這樣過。
• “qmpqaya ku birat puqan mu musa qmpahan” msa ka baki mu o “pcingun su da” sun mu.

  我祖父說：「去工作時，我想把菸斗掛在耳朵上。」我對他說：「會被你弄掉喔！」
• Msnpril nami qpras hnurah sapah qmpahan mu ka seejiq kiya o “aji yaku” msa dmaaw.

  我們爲了拆水泥房的廢物丟在我田裡發生爭執時，那個人隱瞞說：「不是我。」
• Gisu ku tmppril kmaraw qnhdaan smmalu sapah paru ka sayang o asi ku bi pk2 jiyax.

  我現在在丟棄大樓完工後的清理物，整整花了兩天。
• Kmnpskrut ku mkuy qnalang babuy ka shiga o asi lu paq qmuyux do asi ku sangay da.

  我昨天想綁緊豬舍圍籬，突然「paq」下大雨我就休息了。
• Mnda hiya nanak lnglungun na ka seejiq ki han, musa pnrhulan do maapspadaw bi da.

  原來自私的人進到教會後，他變得很慷慨了。
• Ppstuq na gasil ngahi ka qsurux paru ga hiya o bitaq ungat brihan ka gasil ngahi.

  那裏的大魚弄斷魚線，直到魚線不勘使用。
• Msnpudung nami pucing naqih endaan na smasu ka msasu ki o ini ku spsasu hyaan da.

  我因煉鐵的人煉的獵刀不好而斷裂，我就不給他煉了。
• Qmnqada ku mnhuqil huling qmpahan dha o mha sknux da msa ku do wada mu rbngun da.

  我本想把狗屍丟到別人的田裡，我覺得會發臭就把牠埋了。
• Qmaguk saw qgupun o ini pnegqaguk pungki ka knxalan sayang, dmuuy kikay qaguk da.

  現代不用畚箕鏟所要鏟的東西，用鏟土機了。
• Gmnqatuk mangal pusu djima rudan ka qbsuran mu snaw o naqih kuxul nami ka dswayi.

  我哥哥奪取了老人家的竹林時，我們做弟弟的不高興。
• Qmnqbulit ku tahut phapuy na waray cinun ka payi mu o kla su ha pha na pusu krig.

  我把祖母拿火灰當做是來煮織線，原來她要放在苧麻根上。
• Mmqmi bi snraki mu mtaqi ka laqi o asi lu lmluul ka huling do mskluwi lmingis da.

  我哄的孩子正要閉眼睛睡覺時，狗突然吼叫，孩子就受驚嚇哭了。
• Msntqnay nami tama musa maduk ka yami qbsuran mu snaw o ini adas knan ka tama mu.

  我與哥哥一起搶著跟父親去追獵時，我父親不帶我去。