Search

Sentences 23,272 found

• Tpplug nami hbaraw seejiq wada saapa rngsux ka shiga o csrusuq nami naqih kuxul.

  昨天我們發現很多人被洪水沖走時，我們難過得流淚。
• Sknpnlaq mu bnaqig gmeuqu qmita ka bnaqig yayung o napa rngsux ka bnaqig yayung.

  我把溪沙誤認為是海沙一樣，其實溪沙是土石流沖刷的。
• Kmnpnru ku quri wada jilun utux ka kingal yami hiya o ini qmqbahang meisug kana.

  我原本想敘述我們那裡有一個人被鬼捉走的故事時，所有的人都很怕不想聽。
• Pqdaani phiyug ini biqi tleengan binaw lupung su paru ga, wana ha niyah na do o!

  讓你親家呆站著沒有椅子坐看看，沒有下一次囉！
• Tnpspdu mtahu bnilaq knrtan qhuni ga o smayan na kmlawa aji ttgaluk sqama sapah.

  那點燃鋸木剰屑的人，很費力地防範以免延燒房子。
• Kmpsru su seejiq o pllayi ka isu han, nasi ini knarux o kika usa msru seejiq da!

  你想打別人的話先打自己，如果不痛就去打吧！
• “Hmut su musa sgqangaw knkla euda hiya o manu brih na ka isu” sun mu ka laqi mu.

  我對我孩子說：「你隨便跟那行事傑出的人，對你有什麼好處哈！」
• Tqqangaw mdakil kana ka laqi dha o rinah saw purik ungat ddakil ka laqi mu yaku.

  他們的孩子長得都很高，我的孩子反而長不高。
• Yaku saw nii msula bi quri djiyun o yaa manu ka ppqaras mu lqian o slhbun ku ba.

  像我這樣什麼都缺乏的，不知道有什麼能使我的孩子高興是我所擔憂的。
• Sqnqbulit mu rnguung mhapuy waray cinun ka qbulit sraw o ini hari psbhgay waray.

  我把九芎樹的火灰當做山黃麻的火灰煮織線時，不太會使織線漂白。
• Sgqluli lngu musa mangal seejiq qnluli ka swayi mu snaw o wada hika hiya uri da.

  我弟弟跟著去搭救溺水的人時，他也跟著溺水了。
• Ana ga mtgqnaniq ka sduman na o “ungat uqun ta” msa dmaaw bsu na ka seejiq kiya.

  置物架上雖露出食物，他因吝嗇隱瞞的說：「我們沒有食物吃。」
• Iya psnqpuji tbowir msluluy ini tuku hmaan, iyah mangal nngari mu hnmaan ka isu.

  不要為了取出大黃瓜籽不夠種而爭吵，你可以來拿我種剩下的種子。
• Qnqral na qmpah qmpahan na ka seejiq ga o bbuyu kana qmpahan ini tklai qmpah da.

  懶惰做他田裡工作的那個人，田裡都長滿草叢得不好做了。
• Msnqrangas nami tnrilan rapit empgeeluk qmburang do musa ku nak isil ka yaku da.

  我們搶著埋伏在飛鼠著落有抓痕累累的地方而發生爭執，我就到別處了。
• Mnblaiq ku ni paah ku musa sgqrinut seejiq do hana mu klaan ka qngqraqil qrinut.

  本來富有的我，自從去跟著窮人在一起後，才知道貧窮的痛苦。
• Sqnquli mu niqan gnealu qmita ka seejiq ki o kla hiya ka paru bi tmraqil seejiq.

  我把那個人看成是很有愛心的僕人，原來他是最會虐待人的。
• Sqnqupang na mkan rmijil quwaq ka malu bi uqan apu o nangi na aji peekan seejiq.

  她把很好吃的柿子像吃有澀味的撇嘴，有意不給別人吃。
• Mgququh hirang mu ka ququh hirang qbsuran su snaw o pnhaal nami qhuni paah laqi.

  你哥哥的肩膀像我的肩膀一樣肌肉凸出，是因我們從小扛木頭的。
• Ana mnarux gusug rumul ka tama mu o gnquru na bi mkan sinaw ka wada madas hyaan.

  我父親雖然得肝癌，因他更愛酗酒而死。
• Ana narux ssibus shmu tmnquru bi mkan lala qmsiya ka tama mu o ki wada na seusa.

  雖然有糖尿病我爸爸糖越吃越多，為此而病逝。
• Msnqusaw nami gmuwang wada na speekan tatat huling ka snaw mu o msaang ku balay.

  我為了我先生把上層的膜給小狗吃而非常生氣。
• Laqi snaw nirih mu qbsuran snaw o sknrabang na knkla matas ka likaw tmalang uri.

  我堂哥的兒子把賽跑傑出也像讀書傑出一樣。
• Mqsuqi bi rabih na do wada ptgrabih paqan seejiq mangal luqih ka saw rabih kida.

  那個愛說謊的人，因他過於說謊就被人打傷。
• Seejiq tmnrajing bgiya ki o tna wada qduriq gaing do ini skla mhraw ka bgiya da.

  挑釁虎頭蜂的那個人，他已逃得很遠虎頭蜂追不上他了。
• Tnraka ku mttalux bi daya hiya hana wada sayang ba ka seejiq msa ku o kla kumay.

  我在上方那裡查看剛走熱度還在的，我以為是人原來是熊。
• Gnratuk mu 3 mneudus babuy rmuhug ka qalu o mtuku mu spcsiyus damat kingal idas.

  我由三頭豬的板油熬成食用油，夠我一個月炒菜用。
• Iya psnrawiq empgeeluk kingal wauwa, niqan duri mgkala malu ka wauwa o klaun su?

  不要為了搶著交往一位小姐而發生爭執，另外有更好的小姐你知道嗎？
• Tnrawiq muda skaya qntaan mu ka rhu ki o ga tjiyal wana pnsa mu tqring qhuni da.

  那隻閃過飛行的遊隼，被我綁在樹頂上的捕獸夾夾到了。
• Mk3 jiyax ini bi pnegrdu knparu quyux ka snii o huya nkala alang nami ka yayung.

  前幾天下了三天不停的豪雨，河川差一點暴漲到我們的部落。