Search

Sentences 23,272 found

• Nqangaw su ka libaw glaqung mu, daan su tkumax do muda tgririh hika glaqung da.

  你應該跨過我設的環頸雉套頸陷阱，被你腳撥開後，環頸雉隨後就經過了。
• Ttqangaw dha psdka tmalang o mgrung qaqay mtakur nuda na mnais qnangaw ka duma.

  他們經常跨欄賽時有的跨到欄跌倒折斷腳。
• Qnqapang dha rmisuh embanah quwaq ka dkuyuh alang hiya o mdka sipil malu qtaan.

  那部落的婦女們口紅擦的很濃，像紅嘴黑鵯一樣好看。
• Qdnqay ta biyi qmpahan ka naqih bi nuda na ki msa ku o ini bi usa lnglungan mu.

  我期待那行惡的人，讓他孤獨在工寮死亡，但是我於心不忍。
• Gmnqduriq ku narux meeru kiyig sapah mu o musa ku mniq biyi qmpahan bitaq malu.

  我逃避了我家隔壁的傳染病去住在工寮，直到他病情好。
• Tmnqlubung ku rbagan ka yaku o shtur ku bgihur do wada qhdu sburaw ka samat da.

  我夏天設的套腳陷阱因颱風受阻，獵物全都腐爛了。
• Pnqnay mu sunan musa smluhay tmapaq yayung ka laqi mu o kika mkla bi tmapaq da.

  我讓我孩子跟著你一起去河裡學游泳，才很會游泳了。
• Qnqrangas na qmarik sneunux ka qriban tunux ki o ungat seejiq musa pqarik hida.

  那亂剪頭髮的理髮店，沒有人去那裡剪了。
• Msnquli nami laqi nirih bubu nami empgeeluk o wada mgeiyax qduriq ka laqi kida.

  我們為了領養阿姨的孩子而爭搶，那孩子跑掉了。
• Iya psnquyux ungat qpahan naqih kuxul, ini quyux do naqih su kuxul duri hay ga?

  不要因下雨不能工作而傷心，不下雨時，你又傷心對不對？
• Gnragu mu qbulit rmisuh ka puwa laqi mu rbnaw o ini biyaw mtucing ka puwa laqi.

  我用了白灰燼來塗抹嬰兒臍帶的末端，嬰兒的臍帶很快就會斷掉。
• Tmnrait bi qqrak na qowlit ka ngiyaw ki o ga tnwawa da, aji su maangal wawa na?

  那抓老鼠很快速的貓在生貓仔了，你要不要牠的貓仔？
• Mmrajing ku bi quyu mlhay o tayal saang ka baki mu “miying su hqilan” sun kuna?

  我正要挑釁百步蛇時，我祖父很生氣的對我說：「你想找死喔？」
• Sknrana mu midaw daun pha lala qsiya midaw ka dhquy do mstmaq ka idaw dhquy da.

  我把糯米像在來米放多的水來煮時，糯米飯會爛爛的。
• Ttrbagan na embbulang qmpah ka qbsuran mu snaw o sqrul qnqan hidaw ka bukuy na.

  我哥哥經常在夏天打赤膊工作，他的背部被太陽晒得焦黑。
• Mnrbuk ku bi dmanga ka laqi o paru do tbrinah rudan dga, ma ki klimu ta msa ku.

  我辛苦養育的孩子大了就忤逆父母時，我覺得很倒楣。
• Kmrdu ku tdruy ngangut sapah nirih mu tama o “ini tduwa, phdagan mu payay” msa.

  我想在叔叔家的庭院停車時，他對我說：「不可以，我要曬稻榖。」
• Musa su sgreyray qmpah hika isu mmanang hiyi o isu stmaun dha ka mshjil qpahan.

  你身材健壯的人去跟身材消瘦的人工作，重的工作他們會依靠你。
• Kmnrhruh ku lupung mniyah qmita laqi mu o kla lupung mniyah ka rmhruh lqian mu.

  我以為我孩子磨蹭客人，原來是客人磨蹭我的孩子。
• Mr5 hiyi embbkuy qaqay psdka tmalang ga, mtakur ka taxa do mtakur ka 5 hiyi da.

  五人六腳賽跑遊戲，一人跌倒五個人一起跌倒。
• Rnahay ta pha qlubung ka bowyak rmaraw bi qlubung kiya, nhuya tgeuqu tjiyal da.

  那很會繞過套腳陷阱的山豬，我們更要設置套腳陷阱，萬一誤踩捕到。
• Gnripuh mu snahug dha knan ka babuy o wada nami keepuan mkan ni mkmalu nami da.

  他們虧欠我贖罪得來的豬，我們殺來一起吃就和好了。
• Gnririh mu pila pnsku tama mu o jiyun matas laqi, ida kika hnici kari rudan mu.

  我承繼我爸爸的存款是要用來給孩子讀書，這是爸爸的遺言。
• Iya psnriyax dowras mtucing kacing su naqih kuxul, khaw isu ka pntucing dowras.

  不要為了你的牛墜崖而傷心，又不是你使牠墜崖。
• Saw skrprik kari na ka seejiq ki o aji mnkla hyaan ka seejiq ga, smnhiyi balay.

  老是說謊言的那個人，不認識他的人會很相信餒。
• Hmici pgrubang dangar karus dgiyaq knan ka baki mu o kika ga mu sdangar sayang.

  我祖父留下設深山小老鼠的石壓陷阱，就是現在我在用的。
• Nrudaw binaw sapah su ga, asi su ka marah smmalu o kika mha niqan ka nniqun su.

  如果你房屋倒塌，你一定要重新蓋才會有住的地方。
• Sprungut kuna btunux psping ngangut sapah ka tama mu o yaasa saw kika hiya uri.

  我父親讓我用鐘乳石裝飾庭院，因為他也是這樣。
• Qmnrusuq ku qmita prdax sapah ka qbsuran mu snaw o kla rdax samaw bilaq dowriq.

  我以為哥哥點亮的是蠟燭，原來是小燈光。
• Sqnrusuq mu prdax sapah ka ayang ga, saw saman do mqalux ka bling muhing mu da.

  我把油燈像蠟燭一樣點亮屋內時，隔天我的鼻孔裡都是黑黑的了。