Search

Sentences 23,272 found

• Muda maanaqih nkari na nanak ka seejiq o mdka huling mkan duri pnbrih na.

  那個講話打自己嘴巴的人，像狗一樣又回頭吃吐的穢物。
• Musa ku cih mtruwas sapah lupung mu do sknpeydang kuna miying ka bubu mu.

  我稍微去朋友家一下，母親就把我當作失蹤來找。
• Mnblaiq bi ka seejiq ki o yaa hmnuya pini ga maapeysa uqun siyaw elug da.

  原本富有的那個人不知怎麼了在路邊乞食了。
• Qulung su pgrahuq lupung mniyah o wana ha niyah na sapah su ka lupung da.

  只要你得罪朋友的話，你的客人大概也只來你家這一次了。
• Tnpgrpaw mksa duyung qmpahan slaq mu shiga ki o yaa bi ima o ini mu klai.

  昨天黎明經過我田畦的那個人，到底是誰我不知道。
• Rbagan do mgphing pusu qsiya mu likaw na emphing ka pusu qsiya lupung mu.

  夏季我朋友的水源地快速的枯竭，像我的水源地一樣。
• Tmnpiyung ku babuy gmbarig ka yaku o sgimax mu hika piyung bowyak uri da.

  我賣豬耳朵時，也把山豬的耳朵混合賣。
• Kmnpklug ku tminun su pniri ptgsa ka shiga o yahan ku tuhuy lupung mu da.

  昨天我想趁著你在織浮織時去向你學習，我被來訪的朋友耽擱了。
• Swayi mu snaw ga, mtgplabu mu nngalan luqih bukuy do “hnyaan su?” sun mu.

  我看到我弟弟背後包紮的傷口時，對他說：「你是發生什麼事？」
• Ttplawa na mha maduk ka tama su o pgrbu bi asi uda kngkingal ruwan sapah.

  你父親要去追獵就一大早挨家挨戶地叫。
• Mnpleepung miyah runug ka shkawas o lala sapah wada mtakur ka alang nami.

  去年地震來的頻繁，我們部落的房屋倒塌的很多。
• Tmnplhpuh ku mdngu djima psrajing mu mtahu misan ka yaku o mk 3 ku jiyax.

  我花了三天去砍乾易斷的竹子做冬天起火用的。
• Ppmblux misu haya ka tdruy qapi o tgmalu bi hana mntmay paah klwaan isil.

  我替你訂的是剛從國外進口最好的轎車。
• Wada ptgpowsa durang mirit, tuqir mirit dowras mtucing mhuqil ka tama na.

  他爸爸因去山崖上的山羊窄徑設置套頸陷阱墜落而死。
• Tmnpqita ku narux brah mu ka shiga o “naqih hari narux su” msa ka msapuh.

  昨天我去看肺病時，醫生告訴我說：「你的病情不太樂觀。」
• Hbaraw ka seejiq do asi nami qpqsul tluung ka dmmhaw gmgrig ni meuyas da.

  很多人時，我們就擠坐觀賞歌舞了。
• Iya psnpril gnsal payay qmpahan bunga su msaang, skmalu bunga ka gnsal o!

  別爲了丟稻草在你地瓜園裡而生氣，稻草使地瓜長得好喔！
• Msnpring ku wana yaku giman na pring ka seejiq ki o huya mu psai baga da.

  我爲了那人專找我的把柄，我差一點動手了。
• Tmnpriyuk ku ubal gmaaw marig o 3 ka huling rngayun sapah ni 3 ka ngiyaw.

  我選購了捲毛的三隻寵物狗和三隻貓。
• Emprpaw ku qmburang brihut mkan bsrux msa su o asi su ka kndadax csmanan.

  你想在破曉埋伏松鼠來吃構樹果的話，你必須在凌晨就出發。
• Prqdgay ta peekan pnegsahu ka huling msa ku ga, sknxan na do laxan na da.

  我想把毒藥隨便給狗吃時，牠聞後就放棄了。
• Saw skpshnuk mhapuy uqun pntryian ka seejiq ki o ini ku skuxul mkan yaku.

  那個人總是燉婚宴的食物，但我不喜歡吃。
• Tmnpspadaw pila sapah snliqan bgihur paru snii ki o Qpahan nsgan Bsuring.

  捐助房屋被最近的颱風毀壞的是秀林鄉公所。
• Babaw mnkan nhapuy ka baki mu o srsan mu haka pulas idaw mtqiri quwaq na.

  我祖父吃完飯後，我幫他擦拭繞在他嘴巴上的飯粒。
• Msnpunu nami ina mu ini tduwa dha snaw na do lngu mu psaun sapah na duri.

  我為了我媳婦拒絕和先生行房，於是我就想讓她回娘家。
• “pqqada ta” sun mu ka kuyuh mu o ini bi sruwa, “ima duri ka snaw mu” msa.

  我對妻子說：「我們來離婚」，她堅持不同意，她說：「我的丈夫還有誰？」
• Ttqala nami dmmhaw rgrig Mgay Bari Truku o asi gqsahur nuda rudan sbiyaw.

  我們站著觀賞太魯閣族感恩祭舞蹈，祖先的文化觸動人心。
• Qmnqaras ku qmita Mgay Bari dhyaan o kla su ha ga kmrut kacing mkan rayi.

  我以為他們在慶祝感恩祭，原來是在宰牛吃婚宴。
• Pnqarat mu qratan laqi ka laqi mu o knlutut mkla matas ptasan tgbilaq da.

  我托托兒所照顧的孩子，接著就會讀小學的書了。
• Sqnqaraw mu djima psrajing mtahu ka qaraw skuy o kneungat qaraw djima mu.

  我把箭竹枝當作桂竹枝來生火，是因為我沒有桂竹枝。