Search

Sentences 23,250 found

• Emptkeupu tmukuy masu ga o hmut mssngari kntuy dha kngkingal hngkawas.

  那合夥播種小米的他們每一年豐收有餘。
• Klkilay su msa smhangan ka kmlkil han, qeyl su hiya, kmlkil su uri da.

  誰叫你辱罵跛腳的，你活該，你也跛腳了。
• Spklit na hnlitan knrxan qnyutan bnghur ka huling na o aji hmut rngat.

  他的狗被黃蜂螫到引起「klit」這樣刺痛大聲哀嚎。
• Kmnkraaw ku bi yayung ka shiga o ungat ka garang na do embrinah ku da.

  昨天我很想涉水過河，但是沒有寬闊水淺的地方，所以我就折返了。
• Ppkray mu dxgal psakur rbagan ka kacing mu knthuk o msbruba quwaq wah!

  夏天我用公牛犁硬的土地時，口出泡沫餒！
• Pkrayay powda kacing binaw dxgal baki su ga ni, sita suna ini kseengi!

  你那祖父的土地讓牛經過弄硬看看，看他怎麼罵你！
• Gnkriway dha qmada qngqaya msluluy o wada gmrahuq kingal malu bi laqi.

  他們因吵架摔了東西使他們失去了一個可愛的孩子。
• Msnksiyuk nami 5,000 pila ini bgay do meysa ku 3 jiyax miyah qmpah da.

  我為了他借五千元不還，我要求他來還工三天。
• Mmkuwir ku bi gasil tunun mu towkan siida, asi ku lu tmayan lupung da.

  我正要捲起背網的織線時，朋友突然來訪了。
• Mmlamu ku bi pila pntucing dha ga “Iya tlung pntucing” msa ka tama mu.

  當我要撿拾別人掉落的錢時，我爸爸說：「不要碰那掉落的錢。」
• Nangi na mtglhlah ka negul mu waru huling ga, ki pnskrut mu mkuy duri.

  稍微看到拴在狗頸部的繩子鬆開了，我立刻又綁緊。
• Pnlngug na dmuuy psluhay ka puniq baki mu o spsuwil na mgay knan kida.

  我爺爺用來訓練我瞄準的槍送給我做紀念了。
• Muda ptglsik pucing thibaw paru bi nngalan na luqih mhuqil ka tama na.

  他的父親因很鋒利的刀割到傷口太大而死。
• Kmnlubuy ku laqi kingal hngkawas ga, balay bi dmuuy ku laqi sayang da!

  我想了一年給嬰兒做吊袋，現在我真的生了！
• Tmnlutut ku matas hangan dha o hbaraw ka ini mu klai matas hangan dha.

  我寫家族的名字時，有很多我不認識不會寫。
• Nsluung su binaw tluung su babaw ngahu dowras ga, sita manu hlayan su.

  如果你在懸崖邊緣打瞌睡看看，看你會發生什麼。
• Aji kklxlax msburaw ka samat o iya lwai bsiyaq musa rmigaw ka qlubung.

  避免獵物腐爛肢體脫落，巡陷阱時不要拖太久。
• “Manu ka pnkmmanang kana laqi su?” sun mu smiling ka hiya o ini rngaw.

  我問他：「是什麼使你的孩子身體健壯的？」他不說。
• Jiyax ga tmnbnaw laqi na lmingis do smdangaw hidaw ka musa qmpahan da.

  他忙於安慰孩子在哭，所以太陽已升起才去田裡工作。
• Neenraaw ta smsaang ka seejiq mnegseesu ga msa su o ida saw hiya hiya.

  你想要多次惹怒那穩重的人，他還是無所謂。
• Nklaun mrata pais ka alang ta msa o ga embrbur bi kana ka seejiq hiya.

  聽說敵軍會登陸我們的部落，那裡的人都騷動起來了。
• Msnpajiq bi empgeeluk smbarig mkeekan kari ka ga mskiyig brigan pajiq.

  相鄰的菜販因爭搶叫賣而發生爭執。
• Ga mkmpangih lmingis ka laqi su ga o ida niqan gspngun na ini su biqi.

  你的孩子想扁嘴哭的樣子，一定是有求於你而你不給。
• Msnpangih ungat qnrak mu pnsmiyah na ka payi mu do mnbngux smka jiyax.

  我祖母因我沒有抓到她所期待的剪蟖，而對我生悶氣半天。
• Npaqax nak liwang binaw kal bi laqi su ga, sita khnu qnnaqih kuxul su.

  如果你的獨生子骨瘦如柴看看，看看你有多難過。
• Paux binaw kulu paan qngqaya ga ni, sita ga hiya ka pakung dhug sapah.

  把那個裝貨的木箱倒立看看，看固定房屋的ㄇ形釘有沒有在那裡。
• Mniyah sgpbaya smquri duhung knan ka seejiq ki o aji tkkla bi baga na.

  那來跟我雕製木臼的新手，他的手藝不怎麼靈巧。
• Ana asi hyai rmngaw ungat bi pspgriq lnglungan na ka seejiq krhu kiya.

  那頑固的人無論對他說什麼，都沒辦法讓他回心轉意。
• Kmnphug ku bklit qlubung mirit ka shiga o splawa ku dha musa maduk da.

  昨天我想扭彎捕捉羊的套足陷阱固定器時，他們叫我去追獵了。
• Pnpida mu tmgitu pqburang hyaan ka rungay o 3 tgaaw knthuk ka buun na.

  我叫他趁著枇杷成熟時去埋伏猴子，他射了三隻都是公的。