Search

Sentences 2,295 found

• Gmnnruway meysa cimu knan ggbiyan ki o sneiyax da, yaasa luhay mu biqan.

  每天傍晚來向我要鹽巴的那個人，他習慣了，因為我常給他。
• Ttpanguy dha qnnaqih kuxul wada sliqan bgihur ka nhuma dha o saw sgealu.

  他們因農作物被颱風摧殘而難過得哭喪著臉，真的好可憐。
• Msnpeysa nami pdayaw alang snliqan bgihur o ini kmdayaw ka mklawa alang.

  我們為了被颱風摧毀的部落祈求幫助，村長不想幫助而爭執。
• Kkpihu kacing ka qmeuqun su o asi su ka tmaga niqan seejiq kmrut kacing.

  要是你想吃牛胃的話，你必須等有人殺牛。
• Msnprqdug biqan ka tama mu o saan na pbrinah mgay ni malan na mgay duri.

  我父親為了被隨便給，他就退回又多給。
• Mnpurah bi qnsjiqan ka wauwa o dmuuy laqi do mdka phpah wada msqlung da.

  原來美的很豔麗的小姐，產後像花一樣的枯萎了。
• Sniyuk mu gnealu rudan mu o sbliqan mu balay qmita ka spqaras mu dhyaan.

  我報答父母親對我的愛是我把他們照顧得好使他們高興。
• Ini psnquta empgeeluk meysa uqun buan dha ka laqi o niqan nanak endhiya.

  孩子不會向他們的母親搶著要東西吃，是他們有自己的。
• Msnragak nami empgeeluk smbu bowyak do tna pkulaw qndriqan ka bowyak da.

  我們為了搶著射逃跑中的山豬時，山豬早就逃很遠了。
• Qmita ku laqi msnrapit ini dha tuku uqan do “kla ta sbu lala ga” msa ku.

  我看孩子們因飛鼠肉不夠吃而爭執，我說：「我應該獵多一點。」
• Wada ptgriyux qngqaya qnqan mnarux brah mhuqil ka nirih mu tama tgswayi.

  我小叔因為把患肺病用過的食具換來用，得肺病而死。
• Mnrpla knbhgay qnqan mnarux bsiyaq bi ka bubu mu o gisu embanah hari da.

  我媽媽因病了很久皮膚像蒼白一樣，皮膚漸漸紅潤。
• Iya psnruway wauwa alang hini empgeeluk, niqan duri ka ruway alang hiya.

  不要為了這部落裡親戚以外的女孩子爭搶，那邊的部落還有親戚以外的女孩子。
• Spbahu su bhaan lukus ka lukus su o trmuxi bi kukul, nhuya niqan pila da.

  你的衣服帶去洗衣店前，先查口袋可能有錢喔!
• Msnbsbas sqmu na qnqan bgihur kngkingal hngkawas do asi csearih mhuma da.

  為了每一年他的玉米都被颱風吹爛而灰心不種了。
• Dmhici laqi sapah musa qmpahan ka dbubu ga o niqan payi dha emklawa laqi.

  那些去工作的母親把孩子留在家裏有婆婆照顧。
• Lngu niqan kari rngaw mu sunan gmneicing ku dowriq qmita o ini saku qtai.

  我原來有話要對你說，我用眼睛對你示意，但你沒有看到我。
• Mmkaxa bi ka meiyah ku da msa ka seejiq ki o niqan tbyaxun sapah na duri.

  確定說後天要來的那個人，家裡又有事要忙。
• Gmnnkala ku dgiyaq Klbiun do qtaan mu ka nniqan rudan ta Truku Truwan da.

  我登上奇萊山時，就看見太魯閣族祖先住過的Truku Truwan部落了。
• Iya psnpangih quwaq laqi su snliqan utux naqih kuxul, saw ki laqi mu uri.

  不要因你孩子天生扁嘴而難過，我的孩子也是這樣。
• Tmnpspadaw pila sapah snliqan bgihur paru snii ki o Qpahan nsgan Bsuring.

  捐助房屋被最近的颱風毀壞的是秀林鄉公所。
• Tmnpsru kari knan ka rudan mu ga, kika niqan saw nii malu nuda mu sayang.

  我的父母教訓過我，今天才會有這樣好的行為。
• Tgqdunuq mhuqil ga o ungat seejiq mduuy baga na niqan naqih mnarux meeru.

  那孤獨死亡的人，是因有傳染病沒有人敢去按脈搏。
• Ga msntqpuruh mniq kingal nniqan “hini” msa ka duma o “hiya” msa ka duma.

  為了同聚居在一個地方有的說：「這裡」，有人說：「那裡」而起爭執。
• Msnquru ku bi ini kdakil babuy mu ana sbliqan tmabug do ki knrut mu kida.

  因我好好養的豬越養越長不大時，我就宰了。
• Mtgragu ka ngangut sapah do klaan mu msa niqan seejiq lmnaung tntakan da.

  我在庭院看到黑灰燼時，就知道有人在焚燒新墾地了。
• Kmprdax ku rusuq ka qmita patas keeman o yaasa mkray biqan pila ka samaw.

  我晚上想點蠟燭看書，因電費很貴。
• Prhang mu pgeelug sunan ka elug eusa mu qmpah o knuwan ka niqan jiyax su?

  我請你清理我去工作的路，你什麼時候有空？
• Sknrmagun mu qmita kksa na mkinig ki o kla uqan tqral aji mntaqi skeeman.

  我把那走路搖晃的人看作是有醉意，其實是昨晚沒睡而想睡覺。
• Iya phngani lnglungan ka nuda su mqraqil, knrmun, niqan mqraqil ta kana o!

  你經歷困難時不要失望，要忍耐，我們都會有苦難喔！