Search

Sentences 23,272 found

• Saw sqquduh risaw kuxul na ka wauwa ga o “kika tduwa bi stmaan” msa.

  那小姐總是愛上結實的男子說：「才是可依靠的人。」
• Malu na qtaan ka quji do “mqmquji ku ka yaku uri” msa ka risaw gaga.

  那年輕人看白髮好看就說：「我也想有白髮。」
• Gmnququy ku dgiyaq pdeeda ana inu o ini ku kmusa sapah knmalu qtaan.

  我在山頂上俯瞰任何地方，好看的景觀使我不想回家。
• Knshjil nbuyas ina mu o ggqur mu embahang uyas puurung ka laqi snaw.

  我媳婦懷孕時，我要聽貓頭鷹「qur」來認出是男孩。
• Saw skrabuh kuxul na ni ini kmpatas ka risaw mu o naqih bi kuxul mu.

  我的兒子總是為了情人而不想念書，我很難過。
• Wada ptgradus mgrung hakaw djima mtucing dowras mhuqil ka lupung mu.

  我朋友因乾易脆的竹橋斷掉墜崖而死。
• Sknragak mu smbu glaqung breenux ka glaqung dgiyaq o ini tduwa buan.

  我把藍腹鷴當作雉雞一樣在飛行中射擊時，不容易射中。
• Saw skragak qmuyux ka srnabaw msa su o mqneuqu su, quyux smlxi kiya.

  你一直認為春天會下對流雨，你錯了，那是梅雨季。
• Grkaa su pais babaw dowras ha! msluung su do emptucing su dowras da!

  你不要在懸崖上監視敵人哈！你打瞌睡會墜崖喔！
• Mkmpramas ku cih pgkla sunan ka nuda wauwa kiya o qlhangi nanak hug?

  我想大略的告訴你有關那女孩子過去的行為，你自己要謹慎好嗎？
• Tnramil pakaw jiyun psdka tmalang kha ga o brigan ramil ka sapah na.

  有那麼多賽跑用的釘鞋的主人，他家是鞋店。
• Gnrangi ini mu endwai smku ka rumul uqun baki o huya jili ngiyaw da.

  我留給祖父吃的肝，沒有好好的收藏，差一點被貓叼走。
• Gmnraraq meuyas hini ka risaw ki o ini hari sdlihi wauwa alang nami.

  曾在這裡唱歌高聲嘶喊的男子，我們部落的小姐不太接近他。
• Qnraraq kari na ka Akang o mdka ga msaang, mskluwi lmluul ka huling.

  Akang的說話聲大得像在罵人，狗都驚嚇得吠。
• Tmnrasi mkan payay nhuma mu hika qowlit o lala bi wada mu ngalan da.

  把我種的稻作吃得凌亂的老鼠，有很多被我捕到了。
• Msnrawa tbgan rungay empgeeluk marig do wada embtraw ka taxa dha da.

  為了要買養猴子的籠子而爭搶時，他們有一位負氣走了。
• Tmnrawiq ku snkyaan bnghur pswaray o ini mu biyaw hlayan ka pusu na.

  我晀望閃過飛行的黃蜂時，我就馬上發現牠的窩。
• Kryiun su ka risaw ga o keuruy nanak, saw su aji mha msa rbangay ta.

  你要把那男孩子當做你的姊妹夫的話，自己觀察，避免你後悔。
• Knrbruk na muduh ranaq hiyi kacing o ini pndka nuduh bangah knshiya.

  他用火焰燻烤牛肉跟用木炭烤的味道不一樣。
• Ini kmrbung bunga uqun misan ka hiya o ga gmutu lala bi sari lhngaw.

  他不想掩埋冬天要吃的地瓜，因他在石穴裡堆了很多芋頭。
• Gnrbuq mu tksadu dhug pusu sapah qpras o kingal jiyax 30 kbkuy pila.

  我挖洋房地基賺來的錢，一天三千元。
• Ttrbuq nami kmari pdaan qsiya siyaw elug paru o kingal nami idas da.

  我們挖公路水溝，已經一個月了。
• Snalu mu ka kulu psaan lukus o sprdrat mu lblak psdhriq mdayaw knan.

  我做的衣箱我請我的助手用細砂紙磨滑。
• Tmnrdrat ku lmpax 10 pucing shiga o daun mu psdhriq lmpax sayang da.

  我昨天用粗磨石磨的十把獵刀，今天我要磨滑了。
• Gmrduung ku qhuni qulit krtan qhuni o wada dha krtun qcinuh kana da.

  我去木材廠尋找渾圓的檜木時，他們都已鋸成木板了。
• Gnreyray mu hnyigan smais ka ribul o ini tduwa krbulan qthur seejiq.

  我照身材消瘦縫的褲子，胖的人不能穿。
• Pgrhiq knbuwax trabus knan ka qpaan qalu trabus o spha mu pusu mami.

  榨花生油的工廠給我的花生殼，我施在橘子根部。
• Srigaw su ini ttama sapah ka laqi su o ida empurug sunan ka laqi su.

  你給孩子看你四處遊蕩不待在家裡的話，孩子一定會效仿你。
• Dhuq su pusu dara paru hido wada srijil quri narat ka elug sapah mu.

  你到達大的茄苳樹時，我家的路在向右歪。
• Mmrikit ku bi qnawal do “yaku mrikit na, sangay isu” sun ku laqi mu.

  我正要盤捲鐵絲時，我的孩子對我說：「我來盤捲，你休息吧。」