Search

Sentences 27,384 found

• Msnqluway ku uwit qqeepah snaw mu o naqih bi kuxul mu.

  我為了我丈夫工作無力很難過。
• Mkkeuruy namu ka risaw ni wauwa o iya qmi dowriq namu.

  男女青年互相觀察時不要盲目。
• Qmnqnay ku sunan ka musa marig damat o tna su wada da.

  我想過跟你一起去買菜時，你已經走了。
• Tqqnay musa lmamu mami ka dhiya ga o saun dha gmbarig.

  都在一起採橘子的那些人，是他們要拿去賣。
• Qnyanay mu huling su mkla bi tmsamat ka huling mu hug?

  我的狗跟著你很會狩獵的狗一起去好嗎？
• Gnqngqaya na smmalu asu skaya ka qngqaya o lala klgan.

  他用過來製造飛機的機械有很多種。
• Tqqpras elug kana ka alang ga o pdaan dha mgriq tdruy.

  那部落都鋪水泥路是供他們開車用的。
• Tqprsanay ta phiyug sapah ka laqi su msalu sapah gaga.

  你那建築師的孩子，請他蓋水泥房。
• Qnqpu na biyuq unuh kacing ka baki mu o mslikaw balay.

  我祖父擠牛奶的動作很快。
• Ana mtgqpuji ka birat na o ini na tpqjii ka lupung su.

  雖然你朋友耳朵露出耳屎，也不挖乾淨。
• Pqplahi su bi ka qrunang su, aji su meekan samat do o!

  絕對不要把你的獵場弄成光禿，你吃不到獵物囉！
• Ini bi pqqung mkan lumak knan paah ku laqi ka tama mu.

  我從小父親絕不讓我抽菸。
• Qmnqqung ku mkan sinaw qmita hyaan o kla biyuq beyluh.

  我把他當成是在喝酒，原來是在喝豆漿。
• Gnqrak na kuyuh o shmuk kulu 15 hngkawas ka snaw kiya.

  那個男士因性侵女性坐牢十五年。
• Gqrak mu mhraw babuy mnlatat qnalang ka huling sayang.

  我現在要用狗追捕逃出圍籬的豬。
• Mgqrangas qowlit qqrangas na mkan bunga ka brihut uri.

  松鼠也像老鼠一樣亂啃地瓜。
• Pnqrapu mu pduuy pyian ka laqi mu o ini skila knan da.

  我讓孩子給祖母緊緊守著不放，不再適應我了。
• Isu tama ga qrhuan su ka ruwan sapah o manu kkmalu na?

  你身為父親的在家那麼頑固的話，有什麼好處呢？
• Tmnqrinut su seejiq dmayaw o aji hmut qaras dha sunan.

  你贊助貧窮的人，他們對你很高興。
• Pnqrqur na mnan ka bling elug o 3 hngkawas qmhdu nami.

  他請我們挖隧道花了三年，我們就完成了。
• Karaokey peeyasan ruwan sapah o qriyay ta qqruy hnang.

  家庭卡拉OK我們裝設隔音。
• Saw sqsqus ana aji qsqsun ka tama su o mqsuqi bi kida.

  你的父親連不該抱怨的總是抱怨，那樣太過分了。
• Qmnqsul su knan o aji ku msiyuk, ma saw ungat utux da.

  你捏了我，我不會還手，又不是沒有神明看。
• Kana qqtahi ga o simil ka niqan lamit sulay qqiyut na.

  那些所有的螞蟻中，基氏細猛蟻的尾巴會螫人。
• Tnqthur bi 50 pusu dara ga o 70 hngkawas hnmaan na da.

  那五十棵粗的茄苳樹的主人，他種了有七十年了。
• Qthra su mangal ka sibus embanah ha, ngali rqling uri.

  不要只挑粗的紅甘蔗，細的也要拿。
• Iya psnquduh empgeeluk, ma saw wana Quduh ka risaw da?

  不要為了Quduh而爭搶，難道男孩子只有Quduh嗎？
• Mmqulah ku bi do asi lu mtakur mnarux ka taxa nami da.

  我正要採收地瓜時，我們當中一位突然病倒了。
• Wada sgqulah bunga lupung na ka laqi su tabug na ruru.

  你的孩子跟著他朋友去採收地瓜拿來養鴨。
• Tqmii nhari gmabal ka qmpahan su gaga, mha mrana do o!

  你趕快去拔你田裡的咸豐草，會長得茂密喔！