Search

Sentences 20,490 found

• Tmnpgrpaw ku knhuway mkksa ka shiga o qmita ku ga mkrikit ska elug ddaun mu ka quyu shmut.

  昨天黎明我散步時，我看到龜殼花盤踞在我要走的路中。
• Ttppudung dha pucing dmuuy tmatak ka dhiya ga o tglhayan dha dmuuy ini qqbruq ka baga dha.

  他們經常用斷裂的獵刀開墾的那些人，他們習慣用，手不會起泡。
• Msnqada ku grung lungaw qmpahan mu hyaan, huya mu tlayi do asi mu sai qmada qmpahan na da.

  我為了他把破瓶子丟到我的田地差一點被刺到，我就把破瓶子丟到他田裡。
• Qngagay ta ka quyu ga knrikit elug ga msa ku o tgsula ka qaqay mu do paq qmqah ku quyu da.

  本來我想跨過那在路上盤踞的蛇因我的腳不夠力「paq」就踩到蛇了。
• Qmnita ku spi bkian mu saw kuna biqan balung rudux do klaun mu ga tjiyal ka qlubung mu da.

  我夢見我祖父彷彿給我雞蛋，我知道我的陷阱捕到獵物了。
• Qmnrapu knan ka tnhiyan mu matas ki o saw saman do ungat da sun ku dha o kla hmici mdamat.

  抱緊我的那個同學，第二天別人告訴我，他已經過世了，原來是向我留下懷念。
• Mnegqtqit bi lubuy tqrian masu ka qowlit utux emppruq kana ka lubuy do ungat djiyun mu da.

  常咬破我裝小米袋子的家鼠，袋子都咬破時，我沒有可以用的了。
• “mqmrawiq ku djima su prnaun mu mhuma” sun mu rmibaq rmngaw ka tama wauwa o mkla embahang.

  我用隱喻的話對小姐的父親說：「我想取你桂竹長的新根來繁殖」，他聽得懂。
• Babaw ku kmnhama mgrbu mmrqraq ku bi do rmngaw ka tama mu “skeuwit ka mrqraq kmnhama” msa.

  我吃過早餐正要躺下時，我父親說：「吃過早餐躺下會引起體弱。」
• Kmnrurul ku kuyuh lpungan mu o kla su kingal kuyuh ki o dnngaan na luus bi ini usa sjiqun.

  我以為我的朋友有兩個老婆，原來另一位女性是他認養未出嫁的熟女。
• Kmnmsnulug ku mgseesu bi seejiq qmita ka seejiq ki o kla su ha mubung qnnaqih lnglungan na.

  我把我所巧遇的那個人當作是文靜的人，原來他隱藏壞心腸。
• Msnreeru ku laqi mu ini thiyi rngagan musa rmigaw sapah seejiq do mliwang ku qnnaqih kuxul.

  我為了我孩子多次到別人家遊蕩不聽勸，難過的消瘦。
• Iya psnpowsa dahaw rapit empgeeluk qhuni dahaw, hjiq musa qhuni dahaw isil ka taxa namu da.

  不要為了設置飛鼠套頸陷阱而爭搶，你們其中一個退讓，去別的地方設置。
• Iya psnpudung isil baga laqi su naqih kuxul, ida mha tgluhay dmuuy isil baga qmpah hici da.

  你不要因為孩子另一隻手斷掉而難過，以後他一定會習慣用另外一隻手工作。
• Mmqaguk bi quyu mtnrikit babaw ssjiyan ka lupung mu ga, “quyu wa” sun mu do msprah isil da.

  當我朋友正要抓蛇盤著手握的地方時，我對他說：「蛇啊！」就閃到一邊了。
• Qblingaw ta ini ku apa samat ksaw ta ka seejiq msa ku o smknux ssamat do mkmrimu mhulis da.

  我想騙他說我沒有揹獵物時，他聞到有獵物味時，他就微微的笑了。
• Msnqmul nami empgeeluk dmanga laqi rbnaw ka yami qbsuran mu kuyuh o ini sruwa knan ka bubu.

  我跟姊姊為了搶著餵食嬰孩而爭執，母親不准我餵。
• Msnraraw ku qlubung mu mnlala bi ka rqnux do asi mu lahi ka gasil ni smmalu ku nksa mu han.

  很多次水鹿繞過我的套腳陷阱時，我就把陷阱線卸解及先做狩獵的儀式。
• Ttrhiq dha balung ka msalu emu balung o rhiq balung rudux kana ka ga dha tqrian lubuy sudu.

  做蛋糕的經常剝蛋殼，他們垃圾袋裝的都是蛋殼。
• Rguay ta sari sulay pdmhaw ka laqi kuyuh msa ku o tayal saang ka baki mu “masu mrangi” msa.

  本來我讓女兒扭屁股演出，我的祖父氣著說：「你那麼齷齪。」
• Mmrqriq ku bi mhulis qmita mrijil quwaq snliqan utux o hmkan kuna baga quwaq ka tama mu da.

  我看到殘障嘴巴歪的人正要狂笑時，我父親用手遮住我嘴巴。
• Wada ptgrsug mkan sari brayaw nhapuy mu qnilaw tabug mu babuy kritun mhuqil ka seejiq kiya.

  那個人因為吃完我餵豬的姑婆芋的煮飼料，中毒拉肚子而死。
• Tmnkmeumal dmayaw bukung nsgan ka qbsuran mu snaw o ga ngalan mdayaw bukung Qpahan nsgan da.

  我哥哥很積極協助鄉長選舉，現在被聘為秘書了。
• Ppkneywa mu msaang smeisug ka laqi mu saw qhuni rngagan ga do kika hana ga embahang kari da.

  我講他完全無動於衷的孩子，透過嚴厲的責備威嚇時才聽話了。
• “pnmkaxa mu qmpah ka qmpahan mu” msa ka seejiq ki o ga mqneuqu da, “endaan mu shiga na” msa.

  那個人說：「我田地後天就要做完。」他說錯了，他說：「我昨天已經做完了。」
• Gnmumul tmquri tuyan gbiyan ni gmukan ka tgmu, mahun saw saman o mdka pnsaan qmsiya knsibus.

  傍晚把所含的甜粥倒進在葫蘆裡蓋起來，隔天喝起來甜得像加糖。
• Ana pgpaqax bru babuy ptabug knan ka qbsuran mu snaw o ida mu snyaxun bi ktbnaw hici ka bru.

  雖然我哥哥把骨瘦如柴的小豬送給我養，我一定會很在意地將牠養肥。
• Gmnpeysa duhung ni wada na biqan ka seejiq ki o “steeduk na tmikan hlama” msa ka bhangan mu.

  要求木臼且人家已給他的那個人，我聽說他關著門搗糯米糕。
• Kmnpkeeru mhuma bunga qmita knan kmurih ku pusu bunga qmita ku knparu wili bunga ka baki mu.

  我祖父把我翻地瓜根看初生的地瓜有多大，當作是我再一次種地瓜。
• Sknegsuwit mu gsuwit tama embahang uyas kjiyraw do lngu ku mha smtrung tmaan mapa samat da.

  我把鷹隼的聲音當作爸爸的口哨聲，就要去接我爸爸背獵物了。