Search

Sentences 20,490 found

• Mnda hiya nanak lnglungun na ka seejiq ki han, musa pnrhulan do maapspadaw bi da.

  原來自私的人進到教會後，他變得很慷慨了。
• Qmnqada ku mnhuqil huling qmpahan dha o mha sknux da msa ku do wada mu rbngun da.

  我本想把狗屍丟到別人的田裡，我覺得會發臭就把牠埋了。
• Qmaguk saw qgupun o ini pnegqaguk pungki ka knxalan sayang, dmuuy kikay qaguk da.

  現代不用畚箕鏟所要鏟的東西，用鏟土機了。
• Gqapang mu leexan bi qtaan ka patas pgkla psdka tmalang kana alang nsgan Bsuring.

  秀林鄉運的海報，我要張貼在所有的部落明顯的地方。
• Gmnqatuk mangal pusu djima rudan ka qbsuran mu snaw o naqih kuxul nami ka dswayi.

  我哥哥奪取了老人家的竹林時，我們做弟弟的不高興。
• Qmnqbulit ku tahut phapuy na waray cinun ka payi mu o kla su ha pha na pusu krig.

  我把祖母拿火灰當做是來煮織線，原來她要放在苧麻根上。
• Mmqmi bi snraki mu mtaqi ka laqi o asi lu lmluul ka huling do mskluwi lmingis da.

  我哄的孩子正要閉眼睛睡覺時，狗突然吼叫，孩子就受驚嚇哭了。
• Msntqnay nami tama musa maduk ka yami qbsuran mu snaw o ini adas knan ka tama mu.

  我與哥哥一起搶著跟父親去追獵時，我父親不帶我去。
• “pqquli knan kingal laqi su kuyuh hug?” sun mu smiling ka nirih mu qbsuran kuyuh.

  我問我表姊說：「你的一個女兒給我領養好嗎？」
• Mgqupax eekan kingal asu qnilaw babuy mu ka babuy na o mdka bi ka kkdakil na uri.

  他的豬把一槽的飼料吃光光像我的豬一樣，牠們長得也一樣快。
• Qmnqusaw ku nalaq esig qmita nalaq qaqay baki mu o “nalaq bntaqan samu” sun kuna.

  我把祖父腳上的膿包看作是膿瘡的膿包，他對我說：「因是被釘子刺的膿包。」
• Saw skradax rnguung gmisil qmpahan ka tama mu o kingal bi hngkawas do msburaw da.

  我父親總是在田地用山黃麻巨木橫擺做土堰，一年就腐爛了。
• Qmita mgdurug kuyuh mu ka nirih mu bubu do pgragu qbulit knan risuh mu puwa laqi.

  我阿姨看我妻子生孩子，就給我白灰燼來擦嬰兒臍帶的末端。
• Tmnraraw hlmadan ka mniq alang nanak han o musa alang paru do mggeuqu hi duma da.

  在本部落時，拒絕親屬的婚姻關係，到了都會時，有些會互相誤認交往。
• Wada ptgrdu tdruy qapi qiri elug buan tdruy paru mapa btunux mhuqil ka lupung mu.

  我的朋友因開計程車在彎路停車，被載石頭的大卡車撞死。
• Mnreyray ku hnyigan mu ga, saan mu pqita msapuh ni mkan ku sapuh do mtbnaw ku da.

  我身材原本消瘦，我去給醫生看及吃藥後就胖起來了。
• Kmnrijil qmita tnunan mu bluhing ana mtumun bi o nangi na aji ngngalan pnblux na.

  把我編的簸箕雖然是圓形看作是歪的，他有意不要他訂的。
• Tnrimu wauwa knan ka seejiq ki o qrasun mu balay, kuyuh mu o nuqu baka hari yaku.

  我很感謝介紹小姐給我的那個人，因為他介紹給我的妻子比我還優秀。
• Kmnrinah ku ida su ga tbrinah rudan na o ini da msa ka bhangan mu o mqaras ku da.

  我以為你還在更辜負老人家，聽人家說不會了，我就高興了。
• Wada mtgriyax dowras bnhraw huling ka bowyak do asi mu sai mapa driq dowras hida.

  我看到被狗追趕掉落懸崖的山豬，我就到懸崖底部揹牠。
• Tmnrsung mkan sruhing nhuma su ka mirit ni pada o lala wada tjiyal qlubung mu da.

  把你種的山蘇吃光的山羊和山羌，很多被我設的套腳陷阱捕到了。
• Mmruhug ku bi trabus nngari nhuma do “iya rhgi, peetung ta mhuma” msa ka tama mu.

  我正要焦炒剩餘的花生種時，我父親對我說：「不要焦炒，我們要補種長不出來的。」
• Msnrurut nami pakaw smbut smluluy ku snagan mu do “yaku nanak msbut da” sun kuna.

  我因砍荊棘攀纏的地方而向我先生嘮叨時，他說：「我自己砍好了。」
• Tmnrutaq ku sminaw kacing tnreeru langu rutaq do mteejiyan ku ka musa qmpahan da.

  我因清洗牛在池塘打滾身上的泥濘，我天很亮才去耕作。
• Saw aji qqgqguq daan rngsux ka qmpahan mu hiya ga, naa huya ksun o tgsai ku hug?

  為了使我的田地不被土石流沖成坑洞，怎麼做請你U+654E我好嗎?
• Mtgkala mu tdruy qrngul mowsa Taypaq ptasan paru laqi na ka rudan ga o ana rabang.

  我看到那父母讓他的兒子乘火車到台北的大學讀書，很羨慕。
• Kmnkhma mu qcinuh qhuni ka pucing do “ini psdhriq kiya, duuy khma” sun ku tama mu.

  我把獵刀當作刨木板時，我爸爸對我說︰｢那不會刨平，用刨刀。｣
• Kmnkil ku qmita kksa nirih mu tama o kla seejiq mndka bi nirih tama mu hnyigan na.

  我把繼父看作是跛腳走路的那個人，原來是身材長得跟我繼父很像的人。
• Kmnskngkingal ku qmlubung bowyak o “Prgani saw tuqir na qmlubung.” msa ka tama mu.

  我本來想要放置少量的山豬陷阱，但我父親說：「沿著牠的足徑去放。」
• Kmnlingay sapah na gmeuqu qmita lingay mu o yaasa mndka hari qtaan ka lingay nami.

  他把我家的四周誤認是他家的四周，是因為我們家的四周很相似。