Search

Sentences 27,384 found

• Wada lmuun ka buwax bgiya do maaqrahu ka kahat na da.

  虎頭蜂的幼蟲撿光後蜂巢就變成空的了。
• Qqqral qmpah qmpahan kana do asi ku sangay qmpah uri.

  都懶惰做田裡工作時我就休息不工作了。
• Kana qqraqil ga o qraqil arung ka kuxul dha bi qtaan.

  那所有的皮中，他們最喜歡看穿山甲的皮。
• Ini ku psping ni mlu ku mkan ka qmnqrinut qmita knan.

  把我看作貧窮，是因我沒有裝扮和省著吃。
• Ungat ayang gluq ka tdruy do ‘qrit, qrit’ msa hmnang.

  沒有潤滑油的車子會發出「qrit, qrit」的聲音。
• Kana qqrqur ga o niqan qthur, rqling, bbaraw ni llbu.

  那所有的鑽洞器有粗的、細的、長的及短的。
• Sknriwa su daan muda o empaaqsiya nanak ka ngusul su.

  你重感冒，你的鼻子會流鼻水。
• Pnqsqus su lqian su knan o ini qneuqu, yaku naqih na.

  你讓你的孩子對我抱怨沒有錯，是我不對。
• Gqtqit na buut rudux qnqan laqi ka tmabug huling nii.

  他養這隻狗是用來啃孩子吃過的雞骨頭。
• Qciun su ngangut mu ka kacing su o yahi nak qmaguk o!

  你讓你的牛在我庭院排便，你自己來剷掉！
• Msnquduh na ga meurat knrxan ka laqi ga o lmingis da.

  那個孩子為了他的小腿抽筋，痛得在哭。
• Saang na qmita seejiq ka knthuk rungay o quh quh msa.

  公猴看到人時會發出「quh, quh」的生氣聲。
• Nquji ka tunux mu o yaa hmuya pini wada nak ungat da.

  我原來有白髮的不知怎樣自然消失了。
• Qnquji dha ka Amirika o tqjian kana ka laqi ni rudan.

  美國人的白髮連老幼都長。
• Msnqulah nami mqsuqi qlahan o smmriq knan ka snaw mu.

  我們為了採收地瓜過期，我先生怪罪我而發生爭執。
• Qlhanay su peekan bowyak ka bunga, meekan ta manu da?

  不要讓山豬翻土吃光地瓜，我們要吃什麼了呢？
• Ttqupax na mkan kingal tunux babuy o asi bi psnbuyas.

  他吃光了一 個豬頭就拉肚子。
• Qmququh bi pungu na knan ka seejiq ki o qduriq ku da.

  那人想用膝蓋攻擊我時，我就逃了。
• Mnegququy bi napa na saw aapa ka seejiq embiyax gaga.

  那有力氣的人，凡要揹的東西往往會裝高。
• “qmqurang ku tunux pha sneunux snalu” msa ka tama su.

  你父親說：「我想為我的禿頭帶假髮。」
• Ttqurang mu tunux pha sneunex snalu o 15 hngkawas da.

  我經常因禿頭戴假髮有十五年了。
• Qrqun mu smmalu xiluy emanah ka mumung peypay klwaan.

  我要把銅做成圓的旗桿頭。
• Iya usa sgqus muhing ga daan muda hiya, ruun suna da.

  不要跟著感冒打噴嚏的那裡，會傳染你。
• Qsuun su msaang kdjiyax ka kuyuh su o empskila sunan?

  你每天對你的妻子發出「qus」怒氣聲的話，會適應你嗎？
• Saw qusaw ka tunux nalaq esig do ini knarux prqan da.

  頭上的膿包擠破時不會痛。
• Tqqusaw bgu layan kana do mimah ku bgu na ka yaku da.

  他們都在喝綠豆上層的膜，我就只喝湯了。
• Ini pnegquta meysa sjiqun ka laqi o tnegsaan bubu na.

  不會像別人要東西的孩子是他母親敎的。
• Tnquwaq kingal lituk qmpahan ga o ki sbrigan na pila.

  那有一甲地梨瓜的主人，靠這個來賺錢。
• Pnquway qsurux balay knan ka wauwa ki o msiqa qmuway.

  那叫我夾了苦花魚的小姐，因她害羞夾。
• Pquway su knan ka damat o mquway ku nanak yaku uri o!

  你讓我替你夾菜，我自己也要夾啊！