Search

Sentences 23,250 found

• “trplaun mu psbhgay ka laqi mu” msa su o asi su ka emblaiq.

  你說：「我要讓我的孩子皮膚白皙」，你必須是富有的。
• Prqriq mu miyik sunan ka masu mu kingal labu qabang ga hug?

  我一包被毯的小米，請你用腳搓使小米粒脫落好嗎？
• Srqruq qbhni ka dxgal nami o yaasa lala hiyi qhuni uqun na.

  我們土地上白頭翁很多，是因為牠要吃的樹果很多。
• Trrqsug qsurux yayung kana ka laqi do ki nusa mu pngahi da.

  孩子都對溪魚引起食慾時，我就立刻去釣魚了。
• Knparu dapil bowyak ga ptuqir daya hiya o srqsgun mu balay.

  在上方那裡山豬走過的腳印大得引起我的食慾。
• Tmnrsug su mkan sinaw bsukan saw gagi gagi mksa uri isu ga?

  你也喝酒喝到精光，酒醉走路時，你踉踉嗆嗆的嗎？
• Pnrubang su psalu knan ka gasil tbabaw o wada mu qhduan da.

  你託我做樹上套腳陷阱的套圈，我已經做好了。
• Nrucing qulit binaw kana ga pnlaq ga ni, pglkun dha mangal.

  如果海邊都是檜木的漂流木看看，人們會搶著撿拾。
• Gbiyan dga asi qruciq kana ka hiyi laqi mu do trmaan mu da.

  傍晚時，我孩子的全身都髒了就幫他洗澡。
• Tnrudan hiyi sangi kha ga o smluun na tuyan ni sahug qsiya.

  有那麼多老胡瓜的主人，他要做葫蘆和水瓢。
• Kmnrudaw ku biyi kacing o asi ku lu mtbiyax mangal uqun da.

  我想要拆除牛舍時，我突然忙著收割了。
• Knrudu pngasuy dxgal mu hi o asi spug kngkingal pusu qhuni.

  我土地裡的毛毛蟲繭多得每一棵樹都有。
• Saw skruhug ratuk rungay ka maangal rungay msiyang bi gaga.

  那很會捕肥猴子的人，總是炸猴子板油來取油。
• Ttrulu na smmalu ka nirih su qbsuran o ungat psdkaan likaw.

  你堂哥經常製作斗笠快得無人能比。
• Pprungay su ptakur pknarux laqi ini pspuhi o ini su slhbun?

  你讓孩子生病昏倒沒有治療，你不擔心嗎？
• Gmnrungut ku btunux ka yaku o hlayan mu hbuy qsiya llhngaw.

  我找鐘乳石時，我在滴水的各個石穴中找到了。
• Rnugan bi ka ga nami niqan hiya o mkmusa ku tbarah yaku da.

  我們住的地方常會發生地震，我很想遷居了。
• Emptruquh ku qhuni ka sayang, yahun mangal lupung mu saman.

  明天我朋友要來拿的樹瘤，今天我去砍。
• Mkmrurul ku marig 2 ka tdruy kacing o psramal mu ka kingal.

  我想一次買兩台牛車，一台是備用的。
• Mtrurul tjiyal kingal dangar mu ka brihut o tayal qaras mu.

  我一個壓陷阱一次捕到兩隻松鼠，我好高興。
• Qulung wada ka taxa ta da ga, asi qrusuq dowriq kana dqras.

  只要我們當中有一個人過世就都會淚流滿面。
• Rsqanay ta dowriq mqaras ka qnhdaan matas gqringan laqi ta.

  我們以喜極而泣的慶祝研究所畢業的孩子。
• Tnkanan su payay ngangut ka duhung o rutug pstmay sapah da.

  你在庭院搗過米的木臼，把它滾動到屋內。
• Mnegruus bi hiya nanak musa pngai ka nirih mu qbsuran snaw.

  我堂哥喜歡偷偷的單獨去釣魚。
• Qmnruwaq ku qmita tminun su bluhing o kla su hana ga pnpun.

  我把你編簸箕看成七成，原來你才開始。
• Mdka mruyuk qtaan hnyigan na ka nirih su qbsuran snaw gaga.

  你那堂哥的姿勢看起來好像在潛伏的樣子。
• Nrxrax btunux binaw dxgal su ga, wana masu nanak tkuyun su.

  如果你的地滿是石頭看看，你只能播種小米。
• Nsgeagiq binaw kngkla ta matas ga, naqih bi kuxul mu yaku o.

  我們讀書的成績不齊看看，我會很難過。
• Pnealang nami na kruh dxgal ka rudan nami o msula nami uqun.

  祖先使我們居住在貧瘠的地方，食物匱乏。
• Knplealay nami kndadax ga, ini qgu rudux na o miyah nami da.

  我們出發，在雞還沒有叫以前我們就先來了。