Search

Sentences 20,490 found

• Asi krklu kana ka dxgal mu yaku do tgaaw saw hmaun rklu ka hmaan mu da.

  我的地都在窪地，我種的都是適合在窪地種的農作物。
• Mnrkrak qnqan bkiluh ka wawa kacing mu ga, rsuhan mu qbulit do malu da.

  我那小牛得疥癬發癢，我用火灰擦就好了。
• Ini bi pnegrmagun eimah na ka tama mu, mimah kingal bruq do baka na da.

  我父親喝酒不會有醉意，喝一口就好了。
• Muda sapah mu ka tnhiyan mu matas ki o pprmagun mu peimah, ma nak hiya.

  要經過我家的那個同學，我要讓他喝酒有醉意，就像他一樣。
• Baki mu ungat gupun o sknrmram na mkan luqi tunux babuy ka tmaq beyluh.

  我的祖父沒有牙齒，把豆腐像吃豬腦一樣用牙齦咀嚼。
• Gnrngrang mu btunux tksadu qmdrux ka pila o kingal jiyax 30 kbkuy pila.

  我在石子地受雇砌石牆賺來的錢，一天三千元。
• Nii ku tmrrngrang btunux qmpahan mu qmdrux ungat bi jiyax mu ka sayang.

  我今天正在為我的石子地砌石牆，我沒時間。
• Nrowraw ka gnutu mu o wada dha ngalan ka rowraw ni prihan dha dngur da.

  我原來堆的樹枝被他們取走了，被換成樹幹了。
• Iya psnrqda empgeeluk mhapuy kingal rqda, prqdai nak isil ka duma namu.

  不要為了一個爐灶搶著來煮東西，你們有些人自己另外做爐灶。
• Iya psnrqun pila alang ka bukung namu embbruwa, ima msa gaaw hyaan han.

  不要因你們的村長貪污而吵鬧，誰叫你們選他。
• Pgrsug bi buwax lubuy knan ka seejiq ki o “gisu saku rnagun ga” sun mu.

  給我見底白米袋的那個人，我對他說：「你在取笑我吧！」
• Sknrubang mu rqnux ka rubang durang pada do mngraq sun kuna tama mu da.

  我把水鹿的套頸陷阱圈像山羌的套頸陷阱圈一樣做時，我父親對我說：「白痴！」
• Pgrudan djima knan puyun mu tutu hlama ka lupung mu o ini ku phapuy da.

  我朋友送我老桂竹要煮竹筒飯，我不煮了。
• Prudaw mu sunan ka rpun tdruy snalu bngbang, prihun mu smmalu qpras da.

  鐵皮屋的車庫我要託你來拆除，我要改蓋水泥了。
• Emblaiq seejiq ga, kkrumu qtaan ka hiyi laqi na o sbliqan na bi dmanga.

  富有的人為使孩子的身體看起來嬌嫩，他細心的養育。
• Tmnrumu ku rmangay kntbnaw babuy mu o shngian mu ka rbuk pnmkay tmabug.

  我欣賞我肥嫩的豬，使我忘了照料飼養的勞累。
• Gnrungut su mnarux peekan knan ka sapuh o wada malu hari ka narux muda.

  你給我吃的腫瘤藥，我的病好一點了。
• Truku seuxal o ana mtgruwan ini dpi ka sapah o ungat seejiq hmut mtmay.

  以前的太魯閣族雖然房屋沒關看得到室內，沒有人隨便進入。
• Empruwaq ku mapa kingal lubuy trabus ka yaku, peepaun mu bilaq ka laqi.

  我要揹七分滿麻袋的花生，剩下少的我要讓孩子揹。
• Gnruwaq mu dmgsay ka pniri o qtaan payi mu ga “malu bi dnegsay su” msa.

  我所理經七成的浮織線，我祖母看了說：「你理經的很好。」
• Pnbowli ku ngungu samat pntjiyal baki mu do seedal knan ka bhring na da.

  自從我取了我祖父獵來的獵物尾巴後，他打獵的靈氣附在我身上了。
• Kmnbungu su hirang mu smngahan o mdka usik qapal mqqapal baga su ka isu.

  你譏笑我肩部的腫塊，而你的手長的像生薑一樣。
• Ungat pnegaya na ka snaw ni musa mdkrang o hiya ka paangal tunux pais.

  一個男人不遵守禁忌去馘首反而會被敵人馘首。
• Empsgirang kana ka xlxiluy ga o hyaun namu hi da? Jiyax namu mdawi na!

  那些鐵器都要生銹了你們要怎麼處理?你們還在懶惰!
• Tnegsgas kana bbtunux nii o hiya ka ga dmuuy qngqaya paru gsgas btunux.

  裁切這些石頭的人他才有裁切石頭的大工具。
• Nkguraw bi miyah qmita knan ka risaw ga hki msa ku, yaasa aji mu kuxul.

  我很希望那年輕人不願意來向我提親，因為我不喜歡他。
• Ksnagan ka tama mu o shangut mu pajiq kulung(qulung) ptbrih na knsnagan.

  我煮龍葵湯是為了給我爸爸解酒。
• Mmhapuy ku bi do “yaku ka emhapuy, sglaan su laqi ka isu”msa ka snaw mu.

  當我正要煮時我的先生對我說：「我來煮因妳被孩子纏著。」
• Knkaxa nami malah ka mmgrbu misan o smdangaw hidaw ka musa nami qmpahan.

  冬天我們每天早上花長的時間在烤火，太陽高升了才去田裏工作。
• Mmkayuh ku bi pngahi do “pnghia ta bitaq gbiyan” sun ku qbsuran mu snaw.

  我正要釣一下魚，我哥哥對我說：「我們釣到傍晚。」