Search

Sentences 20,490 found

• “Tayal rkrak baga mu bsiyaq bi ini ku qrak quyu da” msa ka lupung mu.

  我朋友說：「我很久沒有抓蛇，我手癢了。」
• Iya usa sgrmagun eimah sinaw hiya, smkkari namu do empkeekan namu da.

  不要跟著去喝酒有醉意的那裡，你們話多了就會起衝突。
• Pnrmram mu peekan rdanan ka rumul babuy o wada na qmqman biyuq nanak.

  我給老人家用牙齦咀嚼豬肝他只吸吮肉汁。
• Pprngrang mu pghiyi sunan ka tunux kacing o iya bi sliqi ka urung na.

  我要請你取肉成頭顱的牛頭，絕對不要破壞牠的角。
• Iya psnrngrang tunux rqnux empgeeluk, iyah mangal nnaku ka taxa namu.

  不要為了水鹿的頭顱爭搶，你們當中有一位來拿我的。
• Trrpa kana ka tnhiyan mu matas paru ptasan o ini ku teumal hika yaku.

  我大學的同學都做詐騙，我不參與他們。
• Payi mu o sprprak na plamu knan ka gisang na o skaan na mgay knan da.

  我祖母叫我去採她的萊豆嫩莢，她給我一半了。
• Ini bi prqbux qmpah ka tama mu, “knhuway ni knsdani bi ka qmpah” msa.

  我父親鋤草絕不鋤得不徹底，他說：「慢慢來，要徹底的做完。」
• Ana ku dha hyaan o ini bi pruba dhyaan knan ka payi mu, “pgealu” msa.

  不管他們對我怎麼樣，我的祖母不讓我咒詛他們，她說：「好可憐。」
• Gmnrumu ku slaq qabil mu sapah o gmaxan mu gnsal payay hana qnburung.

  我曾攪拌要做牆壁的泥土，我摻了剛收割的稻草。
• Iya psnrumu slaq qabil sapah mssmriq rmumu, mha naqih rnmuan namu da.

  不要為了攪拌做屋牆的泥漿推卸，你們攪拌的不會好喔！
• Nrunug binaw sapah namu qpras ini psai xiluy ga, baax na hmurah kana.

  如果你們的水泥屋沒有加鋼筋發生地震看看，會整個震垮。
• Nruqil liwang qnqan spriq ka payay mu ga, daan mu qmpah do mtbnaw da.

  我的稻作被雜草擠得細長，我鋤草後長得豐碩了。
• Ttruwaq mkan sqmu nhuma mu ka rungay o lala ka wada mu buan puniq da.

  經常來吃我種的玉米七成的猴子，我已經用獵槍射中很多了。
• Nkeabuh su nanak ka mhuma baun, qlingaw su ki da lux su sgeabu mu dga!

  你應該自己帶種子袋種南瓜，你怎麼老是要用我的種子袋呢!
• Tbhrnganay misu rqnux sun mu ka baki mu o “ana rabang ki da”sun ku na.

  我的祖父告訴我說：「我給你捕捉水鹿的靈氣那實在太了不起了。」
• Kmncsdudul ku bi ka mhuma shikuy o ini dhuq hiyi mu da, qun ku mnarux.

  我曾想提早種絲瓜，我因得病身體不行了。
• Ini ppsdalih pgburux lqian na ka tama mu o ki ka “empkkdamat namu”msa.

  我父親不讓孩子在附近分戶，他說：「這樣才會相互思念。」
• Ttdnguq na rmkrak dngaq muhing snaw na o smngusul hyaan ka snaw na da.

  她因經常搔癢先生鼻子會打鼾，就被先生噴鼻涕。
• Rubang mu seelu pila ka laqi o niqan ka mgqowlit utux musa mruq lubuy.

  我本來要為孩子存的錢有人像老鼠一樣弄破錢袋。
• Negagi su ini pqaya ana bilaq binaw musa sapah rudan ga, empqaras su?

  你空手去你老人的家看看，你過意的去嗎?
• Ura nanak tama su, spgigit su na ppatas, nasi saw ki tama mu uri ha.

  好羨慕你的爸爸讓你堅持讀書，我爸爸若這樣的話該多好。
• Tnegluhay qmpah grgar ka seejiq o saw skgrgar kuxul dha tmukuy masu.

  習慣在礫土上耕作的人總是喜歡在礫土上播種小米。
• Musa nami bbuyu o mnegsuwit bi mlawa knan ka tama aji qqduriq samat.

  我們去山林打獵時我爸爸常以口哨聲叫我不使獵物驚嚇跑走。
• Ini na sngqlingi mapa ka samat do spgsuwit kuna uusa mu dmayaw mapa.

  他因無法背完獵物就用哨聲叫我來幫忙揹。
• Mmguquh ku bi kmari pusu erut qnawal o mgrung ka rijig bkaruh mu da.

  我正要挖立電線桿的坑洞時鋤頭柄折斷了。
• Mtghibik smbtan qaraw ka laqi ga,“ima smnbut sunan?”sun mu o ini tgsa.

  看到孩子身上有竹枝鞭痕我問他：「誰打的?」不說。
• “Mqmi ku do o hhici mu sunan ka kana mnhungul dnuuy mu”msa ka tama na.

  他爸爸說：「當我雙眼閉上時會把利器留給你。」
• Pnklaay katu dowras binaw kacing su naqih isil papak ga ni, sita muda.

  你讓你那一邊腳不好的牛通過懸崖看看，看會不會過。
• Pgkarih rngagan ini tduwa skgulun ana manu qpahan wauwa na ka baki mu.

  我岳父給我不能叫她做任何事被講很固執的女兒。