Search

Sentences 19,233 found

• Mkkreyray nami kana ka ruwan sapah nami do ungat ka stmaan saw mjijil mshjil da.

  我們全家人身材各個都一樣消瘦時，提重物就沒有人可以依靠了。
• Gnrhang mu tksadu kmaraw djima ka pila o sbarig mu kingal lituk djima lupung mu.

  我受雇清理桂竹使它沒有遮蔭賺來的錢，我買了朋友的一甲地竹園。
• Iya psnrhang kmaraw kingal pusu gitu ngusul msbrabang, ma saw wana haka gitu da!

  不要為了清理一棵野枇杷樹而發生爭執，枇杷樹不是只有一棵而已！
• Ini pnegrhngun tmayan Qpahan Nyusan ka rhngun snalu na do hbaraw seejiq ini kla!

  他做的縣政府大門入口不明顯，很多人不知道！
• Mmrihing ku bi brayaw ka mapa payay do mgay qabang ka nirih mu qbsuran kuyuh da.

  我正要用姑婆芋當圍物揹稻作時，堂姊拿被毯給我當圍物了。
• Ungat ka mdngu djima do gmripuh ku rqcih bngrux ka srajing mu lmaung tntakan da.

  沒有乾的桂竹時，我拿乾碎的五節芒梗用來燃燒新墾地。
• Aji rrmux bling birat laqi rbnaw ka kuwi o sprmux mu bling birat smpuy ka dmayi.

  為了避免蟲進到嬰孩耳內，我就用棉花塞進他耳朶。
• Iya psnrngat knsula jiyun matas laqi su naqih kuxul, masu ini elu psku pila han?

  不要因你孩子缺學費而發出難過的嘆息聲，你怎麼不省錢儲蓄呢？
• Msnrqdug ku mtqnay musa bbuyu ni wada nak ka hiya do ana kingal samat ini angal.

  因為欺騙我要一起狩獵而自己去的，連一隻獵物沒獵到。
• Msnruciq ku tunux snaw mu sknux ini trima mssang ku do “trmai ku haya” sun kuna.

  我因先生頭髒臭沒有洗而生氣，他對我說：「幫我洗呀！」
• Iya psnruqil pucing wada emputuh msaang, ima msa usa ptucing pucing hyaan sunan?

  不要為了獵刀刀莖斷掉而生氣，誰叫你請他鑄獵刀呢？
• Kmrurul ku bi kuyuh o “raraw balay kiya, ungat saw ki ita Truku” sun ku tama mu.

  我想娶兩個老婆時，我父親對我說：「絕對不可，我們太魯閣族沒有這種習俗。」
• Tnrusaw busuk eimah sinaw ka snaw mu ga, qmita laqi na mha matas do ini imah da.

  我先生曾喝酒爛醉，看到小孩子要讀書就不喝了。
• Mangal ngahan tgbrah bi psdka meuyas ka wauwa ki o tsrusuq dowriq qmrak buan na.

  歌唱比賽得第一名的那個小姐，她含淚擁抱媽媽。
• Kmnruus su qmita knan miyah mtmay alang namu o mnda ku kmdadax kari bukung namu.

  你把我進到你們的部落當作是偷偷的，我有經過你們村長的同意。
• Msnruus nami musa nanak tmuba qsurux yayung ka duma nami do mkksaang nami balay.

  我們為了有些人偷偷單獨去河川毒魚而互相叫罵。
• Iya psnruwan sapah laqi su kuyuh ini psblaiq naqih kuxul, mha nak mknhuway malu.

  不要為了你女兒與一家人相處不好而傷心，會自然慢慢好的。
• Msnkhma qcinuh niqan teeci mgrung khma na naqih kuxul do marah marig bgurah duri.

  他因為刨平有釘子的木板刨刀斷裂而難過時，可以再買新的。
• Tklungay ta mduk ka rhngun sapah payi su ga mnarux msa su o ma ungat bi lhbun su.

  你說你要「klung」的關你在生病的祖母家門，你真沒良心。
• Rmuun mu bi rmngaw quri malu qpahun ka laqi mu empdawi ki o pgkmeumal bukuy knan.

  我很敦促我懶惰的孩子做善事，他更加不理我。
• Mslupung su ptasan hiya o raraw bi ka smlupung laqi matas saw empsrijil sunan ha.

  你在學校交朋友時，絕不要與會帶壞你的學生交友。
• Aji su kkneenru psipaq muda elug brah sapah empunu seejiq ga o asi uda rmaraw da.

  避免你多次經過那有精神病的人家面前被打，甘脆繞路走。
• Neenranay ta powda tdruy kacing ka elug eusa qmpahan gaga, kika mha saw maa elug.

  我們讓牛車多次往來那田裡的路走，這樣才會變成道路。
• Mnngani ku qngqaya jiyun mu tmatak ka seejiq ki o ida bi ungat qngqaya ttatak na.

  那說留我要用來開墾工具的人，他大概沒有開墾的工具。
• Ppdusun dha psqama ka bgiya o uqun dha ka buwax na ni rbgun dha sinaw ka bubu na.

  他們拿火把燒虎頭蜂，他們把蛹吃了，成蜂拿來泡酒。
• Kmnpais knan ka lngu maah mgspung qmita wauwa mu o ini dhuq mlaq ana kingal kari.

  曾敵視我的人想要來對我女兒相親，連一句話都說不上來。
• Kkpdagit nak kuyuh ka sbrigun su o meiying brigan pdagit snaw ni mrata ka duma o!

  你只賣女用綁腿，但有些人會找男用和軍用綁腿買喔！
• Msnpril nami qpras hnurah sapah qmpahan mu ka seejiq kiya o “aji yaku” msa dmaaw.

  我們爲了拆水泥房的廢物丟在我田裡發生爭執時，那個人隱瞞說：「不是我。」
• Gisu ku tmppril kmaraw qnhdaan smmalu sapah paru ka sayang o asi ku bi pk2 jiyax.

  我現在在丟棄大樓完工後的清理物，整整花了兩天。
• Mnda hiya nanak lnglungun na ka seejiq ki han, musa pnrhulan do maapspadaw bi da.

  原來自私的人進到教會後，他變得很慷慨了。