Search

Sentences 23,272 found

• Yaha bi han! sqdug misu tmaan do hbikun suna smbut qwarux ni!

  等著瞧!我要告訴父親他會用藤條打你到有鞭痕!
• Sknhidaw mu rbagan thidaw ka misan o saw smrajing kntlxan na.

  我把冬天的太陽像夏天一樣取暖而不夠熱。
• Tama mu o asi khili bi ka laqi na kuyuh ga dha yahan tksiyuk.

  我父親就把最小的女兒讓人入贅。
• Gnhlpis na smmalu ka bngbang o ini baka rmhbiq bgihur sdamux.

  他用薄的鐵皮蓋屋頂無法抵擋颱風的掀開。
• Hmut tghmuk llingis na ka laqi ga o hmbuy ka rusuq dowriq na.

  那個孩子悶著流淚。
• Tmhhnuk ku miying mnhada ka blbul o tgaaw mkray ini khada na.

  我專門找軟的熟香蕉，但都還硬不熟。
• Mkmhrinas ku hyaan ka likaw tminun towkan o ida mu ini sklai.

  我想要超越他織背網，但還是沒有趕上他。
• Kmnhrus qmita dxgal mu do ini na srwaani knan ka wauwa na da.

  他把我的地當作是山坡地時就不答應他的女兒嫁到我們家。
• Tmnhuling nami tmabug o mkla bi embahang kari ka duma huling.

  我們養的狗當中有些很順服。
• Qmita dmphthut rmgriq ka rdrudan Truku o “wig wig”msa kmsiyi.

  太魯閣族的老人看到扭腰擺動跳舞的人就嘔心。
• Gmhthut dmmhaw huling ga smbalas ka seejiq o “mrangi”sun dha！

  只看狗在交配的人會被稱為是「愚蠢的」！
• Bsukan su ka muda dowras o qlahang, tai su ga mtghuya hiya o!

  你酒醉過懸崖要小心，不知會出什麼事喔!
• Mnnarux ku bsiyaq bi do “ma su ini paaisu taan da”sun ku dha.

  因我病了很久，他們對我說：「現在看來不像你了。」
• Kneisug mu bi qmita ka quyu o ki kuxul mu bi qmrak sayang da.

  我原來害怕看的蛇，現在我喜歡抓了。
• Hnuya ka qnita su rudan o emphuya qmita sunan ka laqi su uri.

  你怎樣對待父母，你的孩子也會以同樣的方式對待你。
• Ttkadu na miying tblangan ka rudux ga o mttqiri uyung qmagaq.

  那隻雞在屋後繞來繞去「qmagaq」地叫著是在找雞窩生蛋。
• Nkapih su quwaq lmhlih hyaan binaw, mowl sun suna quwaq do o!

  你癟嘴欺負他看看，他會「mowl」的重拳擊打你的嘴！
• Pnskarat kingal hngkawas o srnabaw, rbagan, krpuhan ni misan.

  一年有春夏秋冬等四季。
• Aji kkkarih hici ka laqi su o ptqlhangi bi rmngaw sayang han.

  避免你的孩子未來不會固執，現在先用心的教他。
• Knkarih na qmpah quyux paru ka seejiq ki o ungat bi mdka wah!

  那個人下大雨認真工作得沒有人能比得上他。
• Tkrhani smtrung kari binaw rudan su ga kasi suna psai baga o!

  對你父母的話固執的反駁看看，他會馬上巴掌過去哦！
• Mnkas hmnang rmgrig sida qhuni ga ka rungay o knthuk paru bi.

  在樹枝跳舞發出「kas」的聲音是大公猴。
• Tkkaxa ttama mkan lumak kana do asi ku sbaang cih ka yaku da.

  所有的人都耗時坐著吸菸時，我就躺著片刻了。
• Mmkbun bi smeeliq brhuwa ayang mu ka seejiq ki o plgun mu da.

  那個人正要破壞我的空油罐成凹形時，正好被我看到。
• Gmnkdadu ku tbyaxun qmpah ka yaku o kika dhuq ku dmanga laqi.

  我到處忙著工作，我這樣才能養得起我的孩子。
• Ttkdadu na miying kadu brunguy o lala bubu rudux ptblngun na.

  他到處尋找舊背簍是因他有很多母雞要生蛋。
• “tmnkdang ku smirug o ini ku hari qi tunux” msa ka payi kiya.

  那個婆婆說：「我戴菖蒲項鍊比較不會頭痛。」
• Paah mntakur dowras do saw asi na kdra hi, ini uda dowras da.

  自從受夠在懸崖跌倒後，他不再走懸崖了。
• Ttkduh na dhuq qbrungan ni wada duri o ida na saw ki kdjiyax.

  他一直都是這樣「kduh」來到割稻的地方又快速地離開。
• Nkeangal bi bhaan ka biyuq qmagas msa ku o ungat kkeangal na.

  我希望薯榔的汁能夠洗掉，但沒有辦法。