Search

Sentences 175 found

• Mgrbu mha qmpahan do tppspdu rnduung gamil qrul kana ka yami hiya.

  我們那裡早上要去田裡時，都點燃蛇木作成的蛇木棒。
• Gmruyuk ku musa psisil mgrbu suni o smpusu narat ni gmsiyuyk iril.

  今天早上潛伏去占卜鳥時，一群在右邊叫，另一群在左邊回叫。
• Mha ku tmruyuk smbu brihut ga mkan apu nhuma mu ka mgrbu bi saman.

  明天一大早我要去潛伏獵射來吃我所種的杮子果的松鼠。
• Alang nami o skndadax nami mgrbu bitaq gbiyan ka psmiyan Mgay Bari.

  我們部落的感恩祭從早上開始到傍晚。
• Ttlsik na lmpax qngqaya jiyun qmpah ka gtgut sapah mu o ida mmgrbu.

  我隔壁經常一大早磨利用來工作的農具。
• Asi kprpaw musa mksa psbiyax hiyi mmgrbu kana ka seejiq alang nami.

  我們部落的人每天早上破曉時都去運動。
• Srsganay su bi mimah ka tnegmuan baki su, gimun na mgrbu saman do o!

  你不要把你祖父的甜粥喝光，他明天早上會找哦！
• Mgrbu suni o tmrrawiq ku skaya walu pswaray o hlayan mu ka pusu na da.

  今天早上晀望閃過飛行的蜜蜂時，我找到牠的窩了。
• Ga miyah rmhbiq mkan sqmu hi ka rungay o saay ta qmburang mgrbu saman.

  在那邊來拔除玉米吃的猴子，我們明天早上去埋伏。
• Ini tduwa sknrigaw dangar qowlit saan rmigaw mmgrbu ka qlubung dgiyaq.

  設在山裡的套腳陷阱，不能像捕老鼠的石壓陷阱一樣每天早上巡視。
• “kmrait ku mtutuy mgrbu” msa ka seejiq ga o smdangaw hidaw ga mtaqi na.

  那人說：「我想要早上很快起床」，但太陽升高了他還在睡。
• Nramas qtaan mgrbu ka dgiyaq Klbiun ga o thdagan do leexan bi qtaan da.

  早上看起來模糊的奇萊山，日照以後看起來就很清楚了。
• Knkaxa nami malah ka mmgrbu misan o smdangaw hidaw ka musa nami qmpahan.

  冬天我們每天早上花長的時間在烤火，太陽高升了才去田裏工作。
• Gnpngpang ku kmhama mgrbu ga, nangi na smdangaw hidaw do tayal uray mu da.

  我早餐沒胃口吃不多，太陽剛剛升起時，我很餓了。
• Mgrbu ga, nangi na mtgrhang ka karat do tbbrang nami musa qmpahan kana da.

  早上稍微天明亮，大家就都忙著去田裡工作。
• Gmnpriyux ku plukus laqi tnrima gbgbiyan ka yaku ni mmgrbu do bhaan mu da.

  我每天傍晚替孩子洗澡換下來的衣服，我每天早上就拿來洗。
• Iya psnruus mtutuy mgrbu musa qmpahan hyaan msaang, knruus nak ka isu uri.

  不要為了他偷偷的早起去耕作而對他生氣，你自己也偷偷的早起。
• Gmnkaxa ku munuh laqi rbnaw ka mmgrbu do smdangaw hidaw ka dhuq ku qmpahan.

  我早上花時間給嬰孩餵奶時，太陽高掛我才到田裏。
• Aji kkraraw musa ptasan ini skla matas ka laqi su o ttui mmgrbu bi kdjiyax.

  避免你孩子到校上課遲到，每天要很早叫醒。
• Tmnratuk ku rungay ka sgbiyan o ana bitaq mgrbu ida niqan knshiya quwaq mu na.

  昨天晚餐我吃了猴板油，直到早上餘味猶存。
• Slpax mu haya mgrbu ka pucing tama mu o knegbiyan na siida ssipaq na bowyak da.

  我早上幫我父親磨獵刀，當天傍晚他就用來殺山豬了。
• Kmnrbug ku bi buwax dhquy masu ka sgbiyan o smnguhi ku, asi ku kla mgrbu saw saman.

  傍晚我本想浸泡搗好的糯小米，我忘了，第二天早上才知道。
• Ga mgrahul mgrbu qmbahang kari bukung ptasan ni mha mtmay tgsaan ruwan ka laqi matas.

  學生在舉行朝會聽校長訓話後進教室。
• Mluway hiyi na ka seejiq ki o psbiyax hiyi mkksa mmgrbu kddjiyax do embiyax hiyi na da.

  原本身體虛弱的那個人，每天晨運健身時，他身體健康了。
• Babaw ku kmnhama mgrbu mmrqraq ku bi do rmngaw ka tama mu “skeuwit ka mrqraq kmnhama” msa.

  我吃過早餐正要躺下時，我父親說：「吃過早餐躺下會引起體弱。」