Search

Sentences 23,272 found

• Kngkingal hngkawas 3 idas do kmphpah bi ka bowxi nhuma mu.

  每年三月，我種的百合花就會開花了。
• Klaway sangi o sknphpah na sangi smpsik ka phpah baun uri.

  長喙天蛾把南瓜花蜜像胡瓜花蜜一樣吸吮。
• Asi kphug kana ka dudux djima ga o knqan bgihur paru snii.

  那竹子的尾端都折彎是被最近颱風所侵襲的。
• Mkmphug baga mu qmrak knan ka knsat kiya o ini kuna tklai.

  那個警察想扭彎我的手抓我，但是他沒有辦法。
• Wada su mquri inu o nphug su sida qhuni ka tmamas knan da.

  你往那個方向，你應該把樹枝折彎留記號給我。
• Mnpida ku tbyaxan kmtuy ka mnarux do ssadu mu ka kmtuy da.

  正忙碌收割時，我生病了，我就雇用人去收割。
• Msnpida ku ptasan laqi mu ini kmpatas o naqih bi kuxul mu.

  我為了孩子該讀書時不想讀書而心裏難過。
• Ttkpiyung na embahang samat o mglbu huling ka seejiq kiya.

  他經常側耳聽獵物的聲音比狗還厲害。
• Tmnpiyut ku muhing smngusul o asi psbu gaing ka ngusul mu.

  我擰著鼻子擤鼻涕時鼻涕就噴出遠處。
• Isu mkla smmalu o npkeeru su smmalu tdruy naqih snalu dha.

  你會修車的，你應該再一次修好別人修壞的車子。
• Saw skplealu pha sowki ka laqi mu o mnlala ku thibaw baga.

  我的兒子老是把柴刀隨意放置而常常讓我割破手。
• Splealu su paataqi baang srakaw ka laqi rbnaw o aji mhuya?

  你把嬰孩睡在容易落下的床緣不會怎樣嗎？
• Tpplhpuh bunga kana do asi ku ekan mdngil sari ka yaku da.

  都在吃鬆脆的地瓜時，我就吃黏黏的芋頭了。
• Tnplug kumay ki o huya uda rmiyax dowras qduriq ngungu na.

  那發現熊的人，他害怕得逃跑差一點墜崖了。
• Ttplug mu seejiq rdrdan tdruy elug paru o aji mnxal balay.

  我發現人被車輾在馬路上不只一次。
• Kina plgan mu ka tmburux rungay ki o wada buun tama su da.

  我一直發現的那單獨的公猴被你父親獵射了。
• Ttpluh na muhing kacing o ksugun bi kacing ka seejiq kiya.

  那個經常穿牛鼻環的人，牛看了很怕他。
• Knplutut na nghak kgguun mnarux ka msapuh ga o mkla balay.

  那醫生很會給病危的病患接氧氣。
• Iya psnplutut tmalang empgeeluk ima ka mslikaw o kika usa.

  不要為了跑接力賽而爭搶，誰跑得快就去。
• Gmnpnpun ku mgrbu ka tminun gupuq o gbiyan do qmhdu ku da.

  我一大早開始編的飯盒，到傍晚時完成了。
• Kkpnru su kari bukung ta o pssli kana ka seejiq alang han.

  你要傳達領袖交代的事，先召集部落的人。
• Seejiq tgpnru bi ga o smkuxul bi smnru kari endaan sbiyaw.

  那常常在講故事的是很喜歡講神話故事的人。
• Spowda su bukung ka dmuuy qsiya pqijing laqi o ana rabang.

  你邀請領袖來主持孩子婚禮的水誓儀式是難得的。
• Gmnpqaya ku brunguy uyung sapah o wada dha daan mangal da.

  我在屋後掛的背簍被別人拿走了。
• Qqpqaya su towkan qnabil o asi su ka smuan samu ka qnabil.

  要是你要在牆壁上掛背網的話，你一定要在牆壁釘上釘子。
• Saw nii lala tbyaxun o empqdu su mhiyug tmkmu baga isu na?

  像這樣那麼多要忙的，你還袖手呆站著嗎？
• Ttpqita dha pskaya mgriq tdruy ka drisaw ga o saw smeisug.

  那常常愛現飆車的男子很可怕。
• Kmnpring qlubung mgay pring dangar qowlit knan ka baki mu.

  我祖父把捕鼠壓陷阱的按扣，當作是捕獵物套腳陷阱的按扣給我。
• Wana tmprqdug sjiqun euda su o ana ima aji mha malu sunan.

  你只會隨便拿小的給別人的話，任何人都不會對你好。
• Mnda phuqil seejiq ki o pshgay ta kulu hmkan bitaq nhdaan.

  那殺過人的，我們把他處以無期徒刑。