Search

Sentences 27,384 found

• Rbnganay ta mangal rumul mirit ka lupung su paru.

  我們讓你親家多拿一點羊肝。
• Dmpsrabih ana manu kari ga o ini ku sddalih yaku.

  那胡說八道的人，我不接近他。
• Tnsrabung sapah ga o wada kmaalu ssaan na tbarah.

  那房子潮濕有霉味的屋主，先去預備他要遷居的地。
• Qhuni qthur ka tkuran do qmusug na ka radax ksun.

  砍倒的大樹樹幹稱為巨木。
• “rgaki bi smluhay smbu buji” sun kuna ka baki mu.

  我祖父對我說：「要學習用箭射活動靶子。」
• Mrragu lnowman kana ka bbuyu o qixan do ungat da.

  在草叢上滿佈焚燒過的黑灰燼，下雨時就消失了。
• Wada sgragu lhkah napa ga o ini tkla mapa mshjil.

  那跟著揹像灰燼一樣輕的人是他揹不動重物。
• Rgaanay ta peapa ka kingal lubuy buwax payay nii.

  我們讓Ragu來揹這一包的白米。
• Mnegraka bi naqih seejiq ka kana snaw alang nami.

  我們部落所有的男性很會監視壞人。
• Saw skramang ppalah ka snaw o ini hari usa bbuyu.

  總是愛烤火起火激紅斑的男性是不太會去打獵。
• Msaang qmita seejiq ka rungay o mrranaq dqras na.

  猴子看到人生氣時，臉紅得像火焰一樣。
• Qqranaq qtaan ka dqras namu o usa tmalang thiyaq.

  要使你們的臉紅的話，就跑遠一點。
• Mstuq ka samaw o srnaqan mu rusuq prdax ka sapah.

  停電時，我用蠟燭的火焰做家的照明。
• Paarangi bi knan ka seejiq ki o ki qnduriq mu da.

  那把我當儍瓜的人，我就離開他了。
• Rngia su lala siyang knan, aji mu qhduun mkan da.

  不要留給我太多的豬肉，我吃不完。
• Rngiun mu qmarik tduwa mghiyi nanak ka sida mami.

  我把橘子樹修剪，留下能結果的枝子。
• Tgrapit bhgay snbu tama su ga ka lala sbalung na.

  你父親射的白面鼯鼠公鼠多。
• Ma su praraq rmngaw knan, ngalan saku mqpuhir ga!

  你怎麼對我大聲講話，你把我當作耳聾喔！
• Saw skratuk rudux uqan na ka payi mu nngalan ina.

  我親家母總是吃雞板油。
• Seejiq ga o ida wana hiya ka emprrawa alang hini.

  在這個部落吵鬧的人總是他。
• Mgrawa laqi mu rrawa na rngayun snalu ka laqi su.

  你的孩子像我孩子一樣喜歡玩玩具。
• Rwhanay ta quri ppatas paru ptasan ka laqi Truku.

  我們開放讓太魯閣族的孩子上大學。
• Tmrbangay bi ka seejiq ki o ungat malu endaan na.

  說很後悔的那個人是因為沒有做過好事。
• Mkmrbu namu ka musa pngahi o mha ku yaku uri hug?

  你們想夜行去釣魚的話，我也要去好嗎？
• Mnegrbu bi saw ssaun na ka tnhiyan mu musa bbuyu.

  和我一起去打獵的夥伴，很喜歡夜行去所要去的地方。
• Mrrbu nami nanak musa qmpahan ka yami alang hiya.

  我們部落那裡的人，各自夜行去田裡工作。
• Pgrbaanay ta ha ka smmalu biyi rudux baki ta hug?

  祖父的雞舍破曉時我們來幫他蓋好嗎？
• Pnrbung su knan ka btunux paru ki o mk3 mu jiyax.

  你叫我掩埋的那大石頭我花了三天。
• Qulun keeman do trrdax samaw kana ka ruwan sapah.

  只要到夜晚每一戶都會點燈。
• Knrgraw sduman snalu baki su o mdka qwarux qtaan.

  你祖父做的置物架橫條看起來很像黃藤條。