Search

Sentences 20,490 found

• Qmnqupax ku mimah kingal lungaw sinaw o mdakar ka kuyuh mu.

  我本想把一瓶酒喝光，我妻子阻止我。
• Qulung hbkan rulung mgrbu ka ququq dgiyaq do ida qmuyux da.

  早晨只要山峰被雲覆蓋時一定會下雨。
• Mqmpququy ku mapa paga wahir bunga ka tabug mu babuy saman.

  明天要養豬的地瓜葉，我想用背架裝高來揹。
• Gnquri mu wauwa su ka risaw mu o ini bi psquri ka wauwa su.

  我讓我兒子向你女兒示愛，你女兒不理。
• Pgquri knan daya dxgal ka tama mu “kika pstbiyan mapa” msa.

  我父親給我上方的地說：「這樣下坡背東西很輕鬆。」
• Sqnqus mu msaang knan ka muhing tama su o kla ga daan muda.

  我把你爸爸發出「qus」的聲音，當作是對我的怒氣聲，原來是感冒。
• Gquta mu meysa npguq waray cinun bubu mu ka nnaku ini tuku.

  我不夠的，我經常去要求我母親剩下的織布線。
• Gquwaq mu bunur brunguy pha ka qthur qwarux 3 hnyigan gaga.

  那三條粗的黃藤，我要用來放背簍口的龍骨。
• Ttquwaq na rangah qhuni smbu rapit ka baki mu o nhiya kiya.

  我的祖父經常在樹的洞口射飛鼠，是他的本事。
• Sknraaw mu seejiq rmngaw ka hiya o kla su ha ita nak Truku.

  我把他當作外人來交談，原來是我們自己太魯閣族。
• Tgraaw seejiq tnhiyan mu matas ga o malu bi pnegluban nami.

  我外族的那位同學跟我們關係很好。
• Pgrabung siyang knan ka lupung mu o wada mu speekan huling.

  我朋友送給我發霉的豬肉，我給狗吃了。
• Gnradax mu qhuni blbil ka knthuk kacing mu o aji hmut brax.

  我用了公牛拉巨木時很有力氣。
• Gisu ku tmrajing cinun qabang laqi mu, rjilun na tminun da.

  我在起步織我孩子要織的被毯，他會織的不直了。
• Tnrajing musa qrunang paru ki o lala samat wada dha ngalan.

  那先去大獵區的人，捕了很多的獵物。
• Sgraka mu mk3 jiyax 2 rabi do plgan mu ka gmeeguy tdruy da.

  我監視了三天兩夜，我發現偷車的人了。
• Iya psnramus laqi su naqih kuxul, ini nak pgaya ka laqi su.

  不要因你小孩受傷而傷心，你的孩子自己不遵守禁忌。
• Saw empstrung mkeekan ka seejiq o trramus saang dqras kana.

  那正要鬥毆的人，他們都滿臉凶相。
• Gnrapit mu rmimu ka baki mu o smruwa pqijing wauwa na knan.

  我用飛鼠討好給岳父，他答應他的女兒嫁給我了。
• Kmraraw ku muda ga niqan bnghur hika saman o sita bi tduwa.

  明天我想繞過有黃蜂的地方，不知可否。
• Mgraraw laqi mu raraw na bi musa tmapaq gsilung ka laqi su.

  你的孩子像我孩子一樣拒絕去游海水。
• Kraraw su kdjiyax ka musa ptasan o aji su empskla matas da.

  你到校常常遲到的話，讀書會趕不上了。
• Mmrasi ku bi psramal byakan rqnux o “yahan” sun ku tama mu.

  我正要準備鋪地蓆肢解水鹿時，我父親說：「等一會兒。」
• Emprawah ku gumuk lungaw sinaw mahun lupung mniyah ka yaku.

  我要開來賓要喝的酒瓶蓋。
• Kmnrawah bi marig tdruy ka risaw mu o asi lu wada mrata da.

  我那捨不得買車子的兒子，他突然去服役了。
• Pnrawah mu laqi ka rawah brhug sapah o wada na prdangan da.

  我讓孩子打開家裡鎖頭的鑰匙，被他弄丟了。
• Mirit tnbgan mu o srawah mu ka mgrbu ni shmuk mu ka gbiyan.

  我養的羊早上開放，傍晚關起來。
• Tmnrayi ka seejiq ki o paru bi nngalan na ramus mntakur da.

  打親姊妹夫的那個人，他跌倒嚴重受傷了。
• Emprbruk ku towkan pkmalu mu qnqan drsiq hiyi mu ka sayang.

  今天我要用火焰燻背網來搓治療被漆樹觸到過敏的身體。
• Iya psnrbruk sumiq lukus empgeeluk, hmuya ka mssriyux namu?

  不要為了搶著在火焰上燻衣蝨，你們輪流不可以嗎？