Search

Sentences 1,565 found

• Alang nami o gmpspruq bi qbulit lblak phnang ka muda pstrung risaw ni wauwa.

  我們的部落常會在舉行婚禮時放鞭炮。
• Msnqalang nami kacing sqalang na dxgal mu o smayan mu rmngaw do hdlan na da.

  我們為了他的牛欄做在我土地上，我費盡心力的勸說他才遷移了。
• Gmnegaus ku snkrigan kyikuyuh alang hini o ki ka wada mu psbragan pusu mami.

  我收集了這個部落女人剮麻後的餘皮，用來堆爛在橘子的根部。
• Niqan kingal alang nami ka tmnpeapa asu skaya muda rmigaw mtqiri babaw dxgal.

  我們部落有一位搭飛機環遊世界。
• Gmnpida nami yahan bgihur paru musa tmakur qhuni hnmaan ngiraw ka alang hiya.

  我們那裏的部落趁著颱風來時，把種過香菇的段木弄倒。
• Tmpklug nami msangay rbagan laqi matas musa pngahi yayung ka yami alang hiya.

  我們部落那裡正值孩子放暑假時去河川釣魚。
• Ttpnlaq na tmalang ka seejiq ga o mdka na tmalang hmut elug qmpahan likaw na.

  他在海灘跑步就像在一般田裡的路一樣快。
• Rnisuh matas hnyigan pada ga o ppragak mu psluhay pstalang buji laqi na snaw.

  那山羌的圖案，是我用來訓練他兒子射箭的活動靶子。
• Qmnlqluq erut qnalang mirit gmeuqu qmita pteetu ku erut knrudan na ka baki mu.

  我祖父老得誤把我在豎立羊舍圍籬的柱子，看作是在拔除柱子 。
• Seejiq pnsnulug su shiga ki o mgmsnulug mu sbrigan siyang alang paru suni uri.

  昨天你巧遇的那一個人，我剛剛也在市區的豬肉攤巧遇。
• Tnneenru bi tmeegu uqan hini shiga ki o yaa pnaah alang inu pini, ini mu klai?

  昨天多次來這裡挑釁打架的人是從哪個部落來的，我不知道？
• Tgnkala bi skaya qnalang ka rudux mu ki o qriban mu pahing do asi na kbaka hi.

  我那很會飛躍圍籬的雞，我把牠的雞翅剪了以後牠就沒轍了。
• Tpppadus tutu djima smmalu kana ka alang do smalu ku tutu ayang samaw yaku da.

  部落都在做桂竹筒火把時，我就做媒油燈了。
• Wada daan mapa rngsux kana ka sapah dha do tppanguy lingis kana ka alang hiya.

  他們的房屋都被土石流沖走時，那個部落的人都難過得哭喪著臉。
• Tpphug basaw kana ka alang nami hiya sayang o tmaga ku kciyan mu masu ka yaku.

  我們部落現在都在採收小黍，而我在等待我小米的採收期。
• Pnpkbarah kndadax knddaxan tmalang ka laqi na o hiya ka mangal tgbrah bi duri.

  他的孩子在起跑點臨時起跑，而他又得第一名。
• Gmnrukal kana kngkingal alang ka bukung nami nsgan Bsuring mqaras jiyax Truku.

  我們秀林鄉鄉長動員了鄉民來慶祝太魯閣族日。
• Tmnkneywa bi qqpah na mhuma pnegalang supaw ka seejiq o ga mnarux uqun rbuk da.

  那過度工作種植蘋果的人，因過勞而生病了。
• Kmndka mhuma pajiq kana ka seejiq alang hiya ga, maapajiq kana ka breenux paru.

  那部落的人都種菜，整個大平原都是蔬菜。
• Tppalit likaw tmalang kana ka 5 laqi na o ana kingal ungat saw ki laqi mu yaku.

  他五位孩子都跑得很快，我的孩子連一個都沒有像他們。
• Ttpgrpaw dha ttalang ka dhiya ga o bitaq mtmring saw bili mring kana lukus dha.

  他們那些經常在黎明跑步的人，跑到他們衣服都流汗濕透。
• Qmnpihiq munuh ana mkkray tmalang laqi na ka bubu ga o yaasa kingal bi laqi na.

  那母親把已經會跑步的孩子當做嬰孩來餵奶，因為他只有一個孩子。
• Mnegpspadaw bi qngqaya seejiq ka seejiq ki o qrasun bi qmita seejiq alang nami.

  喜歡捐助物資給人的那個人，受到我們部落的讚揚。
• Ttqangaw dha psdka tmalang o mgrung qaqay mtakur nuda na mnais qnangaw ka duma.

  他們經常跨欄賽時有的跨到欄跌倒折斷腳。
• Qnqapang dha rmisuh embanah quwaq ka dkuyuh alang hiya o mdka sipil malu qtaan.

  那部落的婦女們口紅擦的很濃，像紅嘴黑鵯一樣好看。
• Mr5 hiyi embbkuy qaqay psdka tmalang ga, mtakur ka taxa do mtakur ka 5 hiyi da.

  五人六腳賽跑遊戲，一人跌倒五個人一起跌倒。
• Iya psnruhaw gsilung wada mapa alang namu naqih kuxul, mnsaw ki alang nami uri.

  不要因你們的部落被海嘯沖走而傷心，我們的部落也經歴過。
• Gnpaci na qmpah alang ka bukung alang o plutun dha gmaaw bukung alang pxal duri.

  村長為部落活躍服務的回饋，是他們繼續選他做下一任的村長。
• Spaq ku tmapaq baga hbaraw bi seejiq dmhaw ka likaw mu tmalang o msiqa ku balay.

  很多觀眾為我跑得快鼓掌，令我不好意思。
• Laqi snaw nirih mu qbsuran snaw o sknrabang na knkla matas ka likaw tmalang uri.

  我堂哥的兒子把賽跑傑出也像讀書傑出一樣。