Search

Sentences 15,211 found

• Kmnkmeumal ku skribug qmita tmbqlit brah buan na ka laqi ga o kla ga mnrbnaw buan na meysa pila.

  我把那更加跪在媽媽面前的孩子當做是纏著媽媽，原來是向媽媽撒嬌要錢。
• Iya msnneenru musa qmita wauwa ida ini sruwa naqih kuxul, knrmun, mnlala hari, ida mha sruwa da.

  不要為了多次去向小姐提親不答應而難過，忍耐，多去幾次，一定會答應的。
• Ptasa ta 2 ka patas pnglux msa ku o “manu ka kiya, gquun su dha mangal tunux da” msa ka baki mu.

  我想紋兩條額紋時，我祖父說：「怎麼可以這樣，他們會誤把你出草喔！」
• Tmnrngat ku wawa kumay mangal tnjiyal qlubung o pwlaan nu mnlala msqar puniq ka pqduriq bubu na.

  我為了取被套脚陷阱捉到而發出哀號的幼熊，我先多次鳴槍使母熊逃離。
• Ida paq bi Rulung hnyigan ni dqras na ka seejiq ki o sknRulung mu mlawa o “aji Rulung yaku” msa.

  那身材與面孔長相很像Rulung的那個人，我把他當作Rulung喊叫時，他說：「我不是Rulung。」
• Tgmsnulug ka Truku sbiyaw o ‘ma su saw smdamat’ msa mkdawin ka snaw ni mtmhabuk lmingis ka kuyuh.

  以前太魯閣族人巧遇時，男性互相搭肩、女性互相擁抱哭著說：「好懷念你！」
• Nasi maabukung ensgan ka qbsuran su snaw o kmpspeypay ku phiyug peypay qmpringan rhngun sapah mu.

  如果你的哥哥成為鄉長的話，我想在我的家掛黨旗。
• Kmnpsleetu ku hlama rnbung mtalux qbulit baki mu psleetu nuduh bunga do lngu ku empeysa hlama da.

  我把祖父放涼烤的地瓜當作是放涼埋在熱火灰裡的糯米糕時，我就想向他要糯米糕了。
• Niqan wauwa mowsa sjiqun ka sapah Truku sbiyaw o asi kkneywa tminun qabang pdsun na wauwa ka bubu.

  以前太魯閣的家庭有女兒要出嫁時，媽媽就織很多的被毯當女兒的嫁粧。
• Nklhkah bi hari ka mnarux gupun ta hki msa ku o kisa quru bi mdka wada mksaax ka tunux hnlitan na.

  我以為牙痛能輕點，但反而使我的頭像崩裂一樣的痛。
• Mnegneenru bi meysa pila buan na ka laqi do kseengun bubu na rmngaw, “smlaan ku pila hug?” sun na.

  孩子常常喜歡向他媽媽要錢時，他媽媽罵他說：「我是造幣廠嗎？」
• Mtgneenru bi msru kuyuh ka wana sinaw slpungun na ka seejiq ki o hmici qmada hyaan ka kuyuh na da.

  那常常看到毆打妻子只和酒交朋友的人，他妻子離他而去了。
• Kmpluh ku muhing kacing mu ga, “mqsuqi plhan da” msa ka tama mu o kla su ha nangi na krtan kacing.

  我想穿我牛的鼻洞放牛環時，我父親說：「穿洞的時間過了。」原來他想要宰牛。
• Tai srjingan ka kuyuh ni miyah msa ‘qur, qur’ meuyas uyung ka puurung o laqi snaw ka ga nbuyas na.

  婦女在懷孕時貓頭鷹來屋後叫「qur, qur」時，懷的胎兒是男孩。
• Kmnririh ku puniq dnuuy puru srnabaw o tayal saang ka baki mu “mha su empuru srnabaw da” sun kuna.

  我曾經想承接痛風人使用過的槍枝，我祖父非常生氣的說：「你會得到痛風的！」
• Miri o kika msriqu bi tunan, mkla miri ka kuyuh Truku o kika mowda hakaw utux msa ka kari bnhangan.

  浮織是最難織的，傳說會織浮織的太魯閣族婦女才能通過靈橋。
• Msnnngani nami uqun hmut seejiq ka laqi, msluluy nami snaw mu, ma saw ki tnegsaan su laqi sun kuna.

  我們為了孩子向陌生人說要保留食物給他，先生跟我發生爭執對我說：「妳怎麼這樣教孩子的。」
• “prnaaw mu mhuma ka kingal pusu krig su ga hug” msa ka kari o rnibaq musa qmita wauwa Truku sbiyaw.

  「我要繁殖你的一根苧麻好嗎？」這一句話是以前太魯閣族去提親時的隱喻。
• Kmnruhaw ku gsilung qmita ka ruhaw yayung do “ma lu muda alang ka ruhaw gsilung da” msa ku mskluwi.

  我把海嘯看作是河流湍急的水波時，我驚訝的說：「海嘯怎麼會沖過部落了呢？」
• Mkmmsnulug ku bi ka mnegseesu bi ni kmsdrudan bi wauwa o ‘yahan, laqi su bi niya na,’sun ku bubu mu.

  我很想巧遇文靜且孝順的小姐，我媽媽對我說：「慢一點，你還很小。」
• Aji bi mnsa nngani ku cih uqun seejiq ka emblaiq seejiq ga o maanngani ku cih uqun seejiq sayang da.

  那從來沒對別人說留一點食物給我的富有人，現在變得會對別人說留一點食物給我了。
• Sknnngani misu sngqslan xiluy liwaq ka laqi mu kuyuh o mqneuqu ku embahang, mangal ku xiluy liqa da.

  我把你對我說留銀戒指給我女兒，我誤聽成拿金子了。
• Msnqdal ku knan nngari qnqan saw klabuy qraqil nbuyas bowyak do hksaw ku mnarux nbuyas aji mu eekan.

  我為了他給我吃剩下的山豬肚皮時為了不要吃，我假裝肚子痛。
• Sknruway mu smkuxul ka wauwa mkla bi tminun pniri ga o “wauwa nirih su qbsuran snaw” msa ka baki mu.

  我把很會織浮織的女孩子當作是親戚以外示愛時，我祖父說：「他是你堂哥的女兒。」
• Knkkndadal na pusu pneurung sapah mkuy muhing kacing paqun pupu tunux phuqil ka tama su o mkla balay.

  把牛綁在房子撐木上用斧頭劈牛頭宰殺，你父親最會。
• “Iya psnpnlaq bnaqig ini tduwa saan mgriq tdruy naqih kuxul, pryuxi ribaw bnaqig do tduwa da” sun mu.

  我跟他說：「不要為了沙灘不能開車而難過，車輪換沙灘車輪就可以了。」
• Sknrkbuh mu nbuyas tngi nkan nhapuy ka knshjil kuyuh ki o “aji mu nkan” sun kuna do tayal siqa mu da.

  我把懷孕的婦女看作是飽的大腹便便，她對我說：「不是因為吃」，我對她不好意思了。
• Sknkmeumal mu rmngaw kari niqan brihan sjiqun ka seejiq ki o kla su ha kari na o pqraqil kuxul seejiq.

  我把那個人當做說話加倍造就人，原來是說讓人傷心的話。
• Wada ptgneenru musa murus sapuh kuwi qmpahan mu slaq ini bubung quwaq mhuqil ka seejiq snduan mu kiya.

  我多次雇用去我水田噴灑殺蟲劑的人，因沒有戴口罩而死。
• Iya psnrsug gmeeguy sqmu seejiq ka laqi su wada qrapun knsat naqih kuxul ini su endwai nak tmgsa euda.

  你不要為了你孩子把別人的玉米偷光被警察逮捕而難過，你自己沒有把他教好。