Search

Sentences 15,211 found

• Kmrut ta kacing o ppqsul mu sunan ka bgay Bari, mnmanu ka qslun o ini ku kla yaku.

  我們殺牛時，我要託你取各部位當祭品的，要取什麼部位我不懂。
• Kmnegrahul ku ga namu niqan prngagan alang msa ku o kla namu ga psmiyan Mgay Bari.

  我以為你們在開部落會議，原來你們在舉行感恩祭。
• Iya psnraraw muda sapah su quri wauwa naqih kuxul, niqan ini tuku knmalu su hyaan.

  不要因為小姐繞過你家而傷心，因你對她不夠好。
• Msnrgraw ku srakaw dngiyah smqit rbnaw djima ka snduan mu do ini mu biqi snadu da.

  我因雇用的人把做客床的橫條砍了桂竹的新竹，我就不付他工錢了。
• Gnriqaw mu msaang ka kana laqi mu ga, ana ku ini rngaw qmita dowriq mu do mkla da.

  我對所有孩子瞪著眼生氣，雖然我不說，他們看了我的眼睛就知道。
• Mmririh ku bi sapah nniqan lupung mu o tnbsqran seejiq sun ku dha do asi ku ktali.

  我正好要承續我朋友住過的家時，有人對我說：「曾經有人上吊」，我就很驚嚇。
• Mkmriyux ku kingal wawa kacing su malu ghak o manu ka kuxul su o rngagi ku, tduwa?

  我想交換你好品種的仔牛，你喜歡什麼告訴我可以嗎？
• Trruqil knbaraw kana laqi na ka tnhiyan mu matas o tgaaw saw putuh knlbu ka nnaku.

  我同學的孩子都是瘦瘦高高的，我的都是矮矮的。
• Ga msnrurul smbu rungay ka dhiya ki o “yaku” msa ka taxa o “yaku” msa ka taxa uri.

  他們在為了一發一次射中猴子而發生爭執，其中一位說：「是我射的」，另一位也說：「是我射的。」
• Mmkuwah ku bi payay pnhdagan siida, asi lu ‘kluk’ rulung mnkuung do ki nalax mu da.

  我正要耙開要曬的稻穀突然「kluk」這樣烏雲密佈時，我就立刻放棄了。
• Kmnlhlah ku djima bnkuy su lngu ku maangal kingal hnyigan o ini usa baga mu mangal.

  我本來想解開拿一根你捆的桂竹，我下不了手。
• Ttnreeru mu musa psapuh narux laqi o ida ku gduh gduh kngkingal jiyax musa pspuhan.

  我多次給孩子看病，每一天「gduh, gduh」不斷的到醫院 。
• Mmnruway ku musa mtmay sapah seejiq o “ini su qsiqa seejiq?” sun ku msaang bubu mu.

  當我常常進到別人的家時，我媽媽責備我說：「你對那家人不會覺得不好意思嗎？」
• Saw aji mha empruq ka pahung kumay o ppgpahung mu sunan, isu ka mkla mangal pahung.

  避免讓熊膽弄破，我要請你取熊膽，因為你很會取膽。
• Klaun na ka qnsriqu mnarux na do mnegpanguy bi dqras na naqih kuxul ka seejiq kiya.

  那個人知道他有難醫治的病時，他就難過的哭喪著臉。
• Msnplawa nami baki maah mkan nhapuy ka yami qbsuran mu snaw o yaku ka skgulan tama.

  我和哥哥爲了叫祖父來吃飯而發生爭執，結果父親派我去。
• Tmnpril ku sida qhuni gnrung bgihur paru hnili na ngangut mu o asi ku bi pk2 jiyax.

  我清理颱風堆積在我庭院的斷枝，花了我兩天的時間。
• Pspdagi lukus binaw sapah mqrinut bi ngangah ga ni, kasi suna phyugi sntama baga o.

  捐助衣服給那貧困的啞巴家庭看看，他會立刻對你舉起大拇指喔！
• Gnpteeru su smbarux knan ka kingal jiyax o yahun nami smtuku smka jiyax 2 hiyi hug?

  你來更換我屋頂上層桂竹的一個工作天，我們兩個人用半天來還工好嗎？
• Kmnptgayaw ku ga smluluy ga, “aji isu ka pusu ssluluy” sun ku dha do tayal siqa mu.

  我原本想勸和吵架的人時，他們對我說：「你不是最愛吵架的」，我就很不好意思。
• Mmpudung bi buraw qhuni ka ngalun mu erut qnalang o meeniq inu kida sun ku tama mu.

  我正要拿斷的爛木頭當作圍籬的柱子，我爸爸對我說：「怎麼可能持久。」
• Qmnqiri ku elug su wada qmiri dgiyaq hiya ka usa sapah su o kla su ha eusa tmsamat.

  我把你繞到後山的路當作是你回家的路，原來是去打獵的路。
• Kmraaw su kingal klgan seejiq o ini tduwa, Truku o ana bitaq knuwan ida Truku kida.

  你想變成異族的話不可以，太魯閣族自始至終還是太魯閣族。
• “rgkanay ta smbu nayay ka rqnux” msa ku o “asi ka kingal bali paru” msa ka baki mu.

  我說：「我們用散彈射逃跑中的水鹿」，祖父說：「要用一顆實彈就好。」
• Gnrajing mu quyu hshus ka galiq bnkuy mu tqring sbut o qyutan na ni niqan halus na.

  我用來挑釁眼鏡蛇綁在棍子頂端的布，牠咬了有牠的毒液。
• Isu ka uda ptramas rmisuh embanah lhang tdruy gaga, yaku ka mowda pttuku pkeeru da.

  你來漆那車子的紅色底漆，烤漆我來完成。
• Msnrbagan mnlala miyah bgihur paru wada smeeliq uqun o naqih kuxul kana ka mqeepah.

  因夏天颱風多次來襲毀壞農作，令所有的農人難過。
• Mnrbu ku ka musa mapa wahir uqun babuy ga, ida ki smkaw niya na o dhuq ku sapah da.

  我曾在破曉前去揹餵豬的地瓜葉，太陽還未上升就到家了。
• Kmnrbug ku bi buwax dhquy masu ka sgbiyan o smnguhi ku, asi ku kla mgrbu saw saman.

  傍晚我本想浸泡搗好的糯小米，我忘了，第二天早上才知道。
• Mrhbiq ku bi sqmu paah saman do “yahi smtuku ka snbrxan mu dhug?” msa ka lupung mu.

  從明天開始我要剝去玉米皮時，我朋友說：「我跟你換的工，你來還工了好嗎？」