Search

Sentences 16,254 found

• Ttrbuq nami kmari pdaan qsiya siyaw elug paru o kingal nami idas da.

  我們挖公路水溝，已經一個月了。
• Snalu mu ka kulu psaan lukus o sprdrat mu lblak psdhriq mdayaw knan.

  我做的衣箱我請我的助手用細砂紙磨滑。
• Tmnrdrat ku lmpax 10 pucing shiga o daun mu psdhriq lmpax sayang da.

  我昨天用粗磨石磨的十把獵刀，今天我要磨滑了。
• Gmrduung ku qhuni qulit krtan qhuni o wada dha krtun qcinuh kana da.

  我去木材廠尋找渾圓的檜木時，他們都已鋸成木板了。
• Iya psnrgrig laqi su ini kmrgrig pskiyux msaang, mha naqih kuxul da!

  不要為了你的孩子不想跳舞而生氣，他會傷心喔！
• Rbqani lnglungan binaw mnarux gusug rumul su ga, mha mrana naqih da!

  為你的肝癌灰心看看，病情會更惡化喔！
• Srigaw su ini ttama sapah ka laqi su o ida empurug sunan ka laqi su.

  你給孩子看你四處遊蕩不待在家裡的話，孩子一定會效仿你。
• Nrihing su brunguy ka mapa bunga da, gluq nak bunga ka lukus su dga!

  你揹地瓜背簍裡應該要圍圍物，你的衣服上都沾到地瓜汁呀！
• Dhuq su pusu dara paru hido wada srijil quri narat ka elug sapah mu.

  你到達大的茄苳樹時，我家的路在向右歪。
• Ana daan punu ka rudux o prinah ptabug knan ka empsbarig wawa rudux.

  雖然流行雞瘟，賣小雞的反而讓我養小雞。
• Mgririh qbsuran mu snaw qmatuk dxgal rudan ka nirih na qbsuran snaw.

  我的堂哥像我哥哥一樣獨佔承續老人家的土地。
• Pnrmagun su peimah ka seejiq ki ga smkkari bi do huya uqi seejiq da.

  你讓喝酒有醉意的那個人話多了，差一點被別人打。
• Mmrngaw bi nuda na maanaqih laqi siida o asi tmbqlit ni lmingis han.

  他正要敘述他小時候的過犯，就先跪下來哭了。
• Laqi Truku sbiyaw o ini bi pnegrngring mhulis, yaasa tnegsaan rudan.

  以前太魯閣族的孩子不會咧嘴大笑，因為老人家教導的。
• Msnrngsux ku wada mapa kingal lituk payay mu o “mhuya ta da” msa ku.

  我為了我的一甲地被土石流沖走說：「我們怎麼過呢？」
• Ini psnrowrak laqi msiqa ka rudan o yaasa ini saw rowrak ka laqi na.

  老人家沒有為了孩子吹牛而羞恥，因他的孩子不會吹牛。
• Musa su sgrowrak seejiq hido mha quru bi saw rowrak ka seejiq ki da.

  你跟著去吹牛的人那裡，那個人會更加吹牛。
• Ini pnegrpla ida qmnpah ka wauwa o ini tgqarat musa pqijing mqeepah.

  皮膚不白皙始終耕作的小姐，不會不習慣嫁給務農的。
• Tmnrpla ku smkuxul wauwa o balay bi kari rudan wa, rbngay ta msa ku.

  我挑了皮膚白皙的小姐來愛，老人家說的沒錯，我後悔了。
• Wada ptgrpun bali mrata mspruq mhuqil ka laqi nirih mu qbsyran snaw.

  我堂哥因部隊的彈藥庫爆炸而死。
• Qqrqdug su duri hyaan o aji su mha mnpusal, yaasa rnqdug su pxal da.

  你要是想再欺騙他的話沒有第二次，因為你騙他一次了。
• Nrubux su damat binaw ini su trima baga ga, aji mdamat ka seejiq da.

  如果你沒有洗手就接觸菜餚的話，別人不會配菜吃了。
• Qulung mtgrudu tqring ka rangah qrul do ida ga ruwan hika qowlit da.

  只要鼻筒樹端洞口看到有窩時，洞裡一定有老鼠。
• Ini pnegrumu baga ka smmalu sapah qpras sayang da, asi tquri bnarig.

  現在蓋水泥屋不用手工攪拌了，就買攪拌好的。
• Spruqil mu knbaraw mhuma rklu ka djima o kika 2 gniban sdamux sapah.

  我使桂竹長得高要種在低窪處，才可以一根切兩段蓋屋頂。
• Qmnruquh qhuni gmeuqu qmita pungu bowyak surul cyadan mu ka tama su.

  你爸爸把我用山豬膝骨做的捲線桿方椎看錯是樹瘤。
• Mmrurul ku bi mangal 5 hnyigan ka sibus o “ini ttuku da” sun ku dha.

  我正想一次拿五根甘蔗時，他們對我說：「不夠了。」
• Wada ptgrutaq waciq musa qmrak qsurux tuday mhuqil ka nirih mu baki.

  我的叔公因抓泥鰍在溼地溺斃而死。
• Iya psnrutug radax qhuni msbrabang uqan uwit, meangal namu luqih da!

  不要為了滾動倒塌的巨木疲累而發生爭執，你們會受傷喔！
• Wada ptgruwaq aangal na pila nkana shmuk kulu ka bukung nyusan nami.

  我們的縣長因貪七成的公款而被關在監牢裡。