Search

Sentences 15,211 found

• Kmpgrpaw ku gmduyung phmaan mu bunga o asi lu ‘maq’ quyux paru do ini ku usa da.

  我想做田畦要種地瓜時，突然「maq」下大雨，我不去了。
• Qmita ku dapil kumay wada hini sayang bi do emplug ta bi kumay da msa ku meisug.

  我看到熊剛剛走過的腳印時，我害怕得可能會發現熊。
• Tpplug nami hbaraw seejiq wada saapa rngsux ka shiga o csrusuq nami naqih kuxul.

  昨天我們發現很多人被洪水沖走時，我們難過得流淚。
• Kmnpnru ku quri wada jilun utux ka kingal yami hiya o ini qmqbahang meisug kana.

  我原本想敘述我們那裡有一個人被鬼捉走的故事時，所有的人都很怕不想聽。
• Ptgprpaw ptbiyax na mksa skribut mkeangal kukuh sntama tluling qaqay ka tama mu.

  我父親爲了在破曉時急著走，絆到腳拇指甲因而脫落。
• Qmnqala mhiyug qmita knan ini ku tduwa tluung niqan esig sari sulay mu ka dhiya.

  他們把我因臀部長膿不能坐，看作是站著凝視。
• Tqqangaw mdakil kana ka laqi dha o rinah saw purik ungat ddakil ka laqi mu yaku.

  他們的孩子長得都很高，我的孩子反而長不高。
• Yaku saw nii msula bi quri djiyun o yaa manu ka ppqaras mu lqian o slhbun ku ba.

  像我這樣什麼都缺乏的，不知道有什麼能使我的孩子高興是我所擔憂的。
• Nii nami tmqqaras mnangal tgkingal hangan psdka qurug puqan ka qbsuran mu kuyuh.

  我們在慶祝我姊姊得高爾夫球賽冠軍。
• Sqnqnay mu kksa mrata gmeuqu qmita ka tqnay msbkug mkksa laqi matas paru ptasan.

  我把大學生列隊一起走路，誤看成是士兵行軍一樣。
• Iya psnqpuji tbowir msluluy ini tuku hmaan, iyah mangal nngari mu hnmaan ka isu.

  不要為了取出大黃瓜籽不夠種而爭吵，你可以來拿我種剩下的種子。
• Msnqrangas nami tnrilan rapit empgeeluk qmburang do musa ku nak isil ka yaku da.

  我們搶著埋伏在飛鼠著落有抓痕累累的地方而發生爭執，我就到別處了。
• Mnblaiq ku ni paah ku musa sgqrinut seejiq do hana mu klaan ka qngqraqil qrinut.

  本來富有的我，自從去跟著窮人在一起後，才知道貧窮的痛苦。
• Msnqusaw nami gmuwang wada na speekan tatat huling ka snaw mu o msaang ku balay.

  我為了我先生把上層的膜給小狗吃而非常生氣。
• Tnraka ku mttalux bi daya hiya hana wada sayang ba ka seejiq msa ku o kla kumay.

  我在上方那裡查看剛走熱度還在的，我以為是人原來是熊。
• Gnratuk mu 3 mneudus babuy rmuhug ka qalu o mtuku mu spcsiyus damat kingal idas.

  我由三頭豬的板油熬成食用油，夠我一個月炒菜用。
• Mmrihing ku bi brayaw ka mapa payay do mgay qabang ka nirih mu qbsuran kuyuh da.

  我正要用姑婆芋當圍物揹稻作時，堂姊拿被毯給我當圍物了。
• Ungat ka mdngu djima do gmripuh ku rqcih bngrux ka srajing mu lmaung tntakan da.

  沒有乾的桂竹時，我拿乾碎的五節芒梗用來燃燒新墾地。
• Mqmriqaw ku lqian mu hmici rmuba o pgealu laqi msa ku ni mhici ku smblaiq hyaan.

  臨終時我想對孩子瞪著眼咒詛，想起來孩子可憐，我要留下平安給他。
• Kmririh su kuyuh kmptuhan ga o prngat su siida ga, sai mgay qnslan ka nniqan na.

  你想要娶寡婦殺豬時，取一點豬的各部位包起來到先夫的墳墓給他。
• Aji rrmux bling birat laqi rbnaw ka kuwi o sprmux mu bling birat smpuy ka dmayi.

  為了避免蟲進到嬰孩耳內，我就用棉花塞進他耳朶。
• Iya psnrngat knsula jiyun matas laqi su naqih kuxul, masu ini elu psku pila han?

  不要因你孩子缺學費而發出難過的嘆息聲，你怎麼不省錢儲蓄呢？
• Msnrqdug ku mtqnay musa bbuyu ni wada nak ka hiya do ana kingal samat ini angal.

  因為欺騙我要一起狩獵而自己去的，連一隻獵物沒獵到。
• Msnruciq ku tunux snaw mu sknux ini trima mssang ku do “trmai ku haya” sun kuna.

  我因先生頭髒臭沒有洗而生氣，他對我說：「幫我洗呀！」
• Kmrurul ku bi kuyuh o “raraw balay kiya, ungat saw ki ita Truku” sun ku tama mu.

  我想娶兩個老婆時，我父親對我說：「絕對不可，我們太魯閣族沒有這種習俗。」
• Pgrurut egan dxgal knan ka seejiq ki o yaa msa ini kla yaku rudan lngu emprqdug.

  那送我土地攀纏覆盆子的人，他以為我人老了不懂想欺騙我。
• Kmnruus su qmita knan miyah mtmay alang namu o mnda ku kmdadax kari bukung namu.

  你把我進到你們的部落當作是偷偷的，我有經過你們村長的同意。
• Iya psnruwan sapah laqi su kuyuh ini psblaiq naqih kuxul, mha nak mknhuway malu.

  不要為了你女兒與一家人相處不好而傷心，會自然慢慢好的。
• Yaa msa ungat qabang ka yaku ga, spbeybay na hmilaw lqian mu ka beybay qabang na.

  以為我沒有布毯，他拿他破的布毯蓋我的孩子。
• Tmnhaur ku qmita yayung mssipaw o yaa ga hiya ka saw mneudus qsiya na hug msa ku.

  我看了河水暴漲想到河中的活物還在嗎?