Search

Sentences 15,211 found

• “psgmrangay ta ka elug paan bunga”msa su o aji empnkala ka kuyuh da.

  你說：「我們把揹地瓜的路挖成土牆」，這樣婦女就無法過了。
• Tnegluhay qmpah grgar ka seejiq o saw skgrgar kuxul dha tmukuy masu.

  習慣在礫土上耕作的人總是喜歡在礫土上播種小米。
• Ini na sngqlingi mapa ka samat do spgsuwit kuna uusa mu dmayaw mapa.

  他因無法背完獵物就用哨聲叫我來幫忙揹。
• Qmita ku ga pgukut ququy dgiyaq ka rulung do ini ku phidaw payay da.

  我看見烏雲罩著山頂時我就不曬穀子了。
• Mmguquh ku bi kmari pusu erut qnawal o mgrung ka rijig bkaruh mu da.

  我正要挖立電線桿的坑洞時鋤頭柄折斷了。
• “Mqmi ku do o hhici mu sunan ka kana mnhungul dnuuy mu”msa ka tama na.

  他爸爸說：「當我雙眼閉上時會把利器留給你。」
• Knhrapas Mgay Bari ga, kmbrih saw nuda Truku sbiyaw o saw sndamat wah!

  感恩祭儀表演的意義是恢復過去太魯閣族的生活很值得懷念的！
• Kmpkangi ku qmrak msa su o usa gmbling djima, ini biyaw ttmay na hiya.

  你想捉蝙蝠的話就去把竹子打洞，牠很快就會進到那裡。
• Kmnkaxa ku tmaga lupung mu o “ana su ini taga maah ku nanak” sun kuna.

  我想過要等我朋友一天，他對我說：「我會自己來不用等了。」
• Kmnkdut ku qmlubung bitaq ayus qrunang su hiya o ini tuku gasil mu da.

  我原想放套腳陷阱直通到你的獵場，但我的陷阱線不夠了。
• Emptkeupu tmukuy masu ga o hmut mssngari kntuy dha kngkingal hngkawas.

  那合夥播種小米的他們每一年豐收有餘。
• Pnkmeumal na ini qpahi ka qmpahan na do hmut mmaku ini tklai qmpah da.

  他更加不工作的田地，滿是五節芒草叢不好耕作了。
• Kmnkraaw ku bi yayung ka shiga o ungat ka garang na do embrinah ku da.

  昨天我很想涉水過河，但是沒有寬闊水淺的地方，所以我就折返了。
• “Ana su kmrasa tunux bqrus mu o aji ku empkrasa sunan” msa ka baki mu.

  我祖父說：「雖然你在我的墳墓上嬉戲，我不會來嚇唬你。」
• Ppkray mu dxgal psakur rbagan ka kacing mu knthuk o msbruba quwaq wah!

  夏天我用公牛犁硬的土地時，口出泡沫餒！
• Msnksiyuk nami 5,000 pila ini bgay do meysa ku 3 jiyax miyah qmpah da.

  我為了他借五千元不還，我要求他來還工三天。
• Mmkuwir ku bi gasil tunun mu towkan siida, asi ku lu tmayan lupung da.

  我正要捲起背網的織線時，朋友突然來訪了。
• Nkuyuh bi ka laqi gisu ta shjilun nii da hki msa ku o asi ka utux wah!

  我期待這次懷的如果是女兒那該多好，但要靠運氣。
• Msnkslagu ku snaw mu wana yaku smriqan na peapa napa o naqih kuxul mu.

  我為了我先生空手不揹東西只叫我揹，我很傷心。
• Mmlamu ku bi pila pntucing dha ga “Iya tlung pntucing” msa ka tama mu.

  當我要撿拾別人掉落的錢時，我爸爸說：「不要碰那掉落的錢。」
• Kmnlaput ku bi ka yaku o huya kuna psrui ka tama mu do ki nalax mu da.

  我很想多嘴，差一點被父親打就馬上放棄了。
• Nangi na mtglhlah ka negul mu waru huling ga, ki pnskrut mu mkuy duri.

  稍微看到拴在狗頸部的繩子鬆開了，我立刻又綁緊。
• Nasi su ppliwaq knan ka huling o maadas ku patus ka ssiisug mu huling.

  如果你叫我驅趕狗時，我要帶槍來嚇牠。
• Kmnlubuy ku laqi kingal hngkawas ga, balay bi dmuuy ku laqi sayang da!

  我想了一年給嬰兒做吊袋，現在我真的生了！
• Gmnluqi ku tunux kacing ka yaku o ini mu qdlani laqi, kika kari rudan.

  我取的牛腦不給孩子吃，這是老人家說的。
• Tmnlutut ku matas hangan dha o hbaraw ka ini mu klai matas hangan dha.

  我寫家族的名字時，有很多我不認識不會寫。
• Msnmkaxa nami ka hiya ni saman msa ku ka yaku do mkeekan nami kari da.

  我們為了他說後天而我說明天時，我們就吵架了。
• Aji kkpakux tdruy su ka bgihur paru o iya pniqi leexan bi daan bgihur.

  避免你的車被颱風吹翻，不要停在迎風的地方。
• Qulung miyah ka bgihur paru do tppakux qhuni ngiraw kana ka yami hiya.

  只要颱風來襲時，我們那裡的人都去倒立香菇木。
• Npaqax nak liwang binaw kal bi laqi su ga, sita khnu qnnaqih kuxul su.

  如果你的獨生子骨瘦如柴看看，看看你有多難過。