Search

Sentences 1,537 found

• Gnrubang mu smpung knparu rubang libaw glaqung ka kingal gasil nii.

  這一條套線是我用來量雉雞套頸陷阱的套線大小。
• Btunux paru ga mlealu dgiyaq sipaw ga o ida rtgun miyah runug paru.

  那在對面的山搖搖欲墜的大石頭，大地震來時一定會滾動下來。
• Nkgukut ta bi ka tgparu ga hki msa ku o ki ka sbgay na ka tama mu.

  我希望那大鍋墊是我的，而我父親正好就給我。
• Lupung mu paru o sqnnpguq na meysa ka ini tuni na o ki bnegay mu da.

  我親家把我還沒有織的線當作是剩餘的來向我要，我就給他了。
• Tnpayay paru kha ga sipaw ga o hiya ka pnrajing bi mhuma alang hini.

  那種大粒稻子的主人是這部落最先種的。
• Saw mha mqaras sunan ka lupung su paru o npleepung su musa tghuy da!

  為了使你的親家對你高興，你應該隨時去拜訪他！
• Npring biyax hiyi ni meuwit bi sayang ka laqi mu o qnqan paru narux.

  我孩子原本身體硬朗，現在虛弱是重病所造成的。
• Npspadaw qngqaya alang hini shiga o seejiq pnaah Alang Paru Taynang.

  昨天在部落這裡捐助物資的人，是從台南市來的。
• Sprqani qbulit lblak phnang smeisug rungay ka qbulit lblak paru nii.

  這大鞭炮放來嚇猴子。
• Qnpstuq na qnawal samaw ka bgihur snii o asi kngkuung ka alang paru.

  上次颱風吹斷的電線使城市都黑漆漆。
• Sqnqada su qngqaya qmada ka laqi ga, saw nii saang su o paru smiyus.

  你把孩子像東西一樣不照顧，你這樣的怒氣是大禁忌。
• Qmuyux paru ni mllabu ka qsiya yayung o qlaa su mhiyug siyaw yayung.

  下大雨河水暴漲時，你別在河邊站著凝視。
• Mnqaras ku balay dmanga ka laqi mu o paru do pqnaqih kuxul rudan da.

  我很高興的養育孩子，長大了卻傷父母的心。
• Tqqaya elug paru ka hbaraw seejiq do mnegspuy elug kana ka tdruy da.

  很多人都在公路上阻擋時，車子都阻塞了。
• Wada ptgrawiq pslikaw tdruy ptgqmul btunux paru mhuqil ka lupung mu.

  我朋友因一閃超速開車撞到大石頭而死亡。
• Ttrbuq nami kmari pdaan qsiya siyaw elug paru o kingal nami idas da.

  我們挖公路水溝，已經一個月了。
• Kmnrijig ku qhuni qmita rijig qwarux ka rijig tucing paru lupung mu.

  我把我朋友的榔頭黃藤握柄看作是木柄。
• Dhuq su pusu dara paru hido wada srijil quri narat ka elug sapah mu.

  你到達大的茄苳樹時，我家的路在向右歪。
• Smmalu namu sapah sryuan ayug o yaa namu ppsrngsux miyah quyux paru?

  你們在山谷出口蓋房屋，豪雨來臨時是要讓房屋被土石流沖走嗎？
• Qulung miyah ka bgihur paru ga, asi kgsilung qsiya ka breenux gaga.

  颱風一來，那平原都會變成湖。
• Kkil mtakur pnaapa tdruy pupuk paru ka lupung mu do asi kkil mksa da.

  我朋友騎重機摔倒時就跛腳走路了。
• Qtaan paah dgiyaq keeman ka samaw alang paru o liqa, liqa msa lmhang.

  晚上從山上看到都市的燈光在閃爍的亮著。
• Msnklxlax ku sibus mu kingal lituk qnqan bgihur paru o asi ku knarux.

  因我一甲地的甘蔗園被颱風摧毀，我就病了。
• Nlxlax mhurah qnqan bgihur paru binaw sapah su ga, mksaw su sgealu o!

  你的家如果被颱風摧毀看看，你會很可憐喔！
• Iya psnpakux tdruy endaan bgihur paru naqih kuxul, aji sprang ka nii.

  不要為了被颱風吹倒的車而難過，這不是故意的。
• Ana kmpatas ptasan paru kana ka seejiq o knkla matas ni pila ka pusu.

  雖然人們都想讀大學，主要的是智能跟錢的問題。
• Npatas nanak paru ptasan ka laqi na, niqa tunux ni niqan pila na uri.

  他的孩子當然會去讀大學，既聰明又有錢。
• Sknpayi na qmita ka paru bi busuq mu, kneungat dowriq na ka payi mu .

  我祖母老得眼睛不好，把大的李子看作是長不好小粒的。
• Prnaun mu tmabug ka ruru paru han, kika iyah peangal ka prnaun su da.

  我先把鵝繁殖，然後你再過來取要繁殖的。
• Npsping su cih ka musa su sapah lupung paru da, ki bi ka lukus su da?

  你去親家的家時，你應該稍為妝扮，你的穿著就這樣了嗎？