Search

Sentences 13,689 found

• Tmnqburang ku mirit miyah pusu qsiya ga mu ngalan yudun hi o ini ku rahuq smbu kngkingal rabi.

  我在我接水管的水源頭埋伏山羊，每個晚上都會打中一隻。
• Mqqqral nak tksadu qmpah kingal idas ka dseejiq ka o ini tuku uqun kingal idas ka knsduan dha.

  各自懶惰受雇工作的那些人，他們賺的不夠他們一個月吃。
• Mapa ku payay ga, musa ku sgrihing kmsiyuk qabang bubu mu o asi na bqani knan ka qabang na da.

  我揹稻穀因需要圍物向媽媽借被毯，她就把被毯送給我了。
• Tayal rqdug su knan, “maah ku sapah su” msa su o tmaga ku bitaq ska hidaw o ma su ini iyah da?

  你怎麼那麼會騙我，你說：「我要到你家」，我等你等到中午，你怎麼沒有來呢？
• Mtgruquh waru ka tama mu ga “ma ungat ruquh waru ka seejiq gaga” sun mu o “niqan ka malu” msa.

  我看到父親的喉結，我跟他說：「為什麼那個人沒有喉結」，他說：「有比較好。」
• Niqan ttutuy su keeman o nruus su nanak ka mtutuy, tayal hnang su mskluwi mtutuy kana ka laqi.

  晚上你有事起床的話應該偷偷的起床，你聲音那麼大驚醒了所有的孩子。
• Sgnaah ta breenux qmita ka tudu dgiyaq paru ni pnstrngan muhing dgiyaq bilaq o kika kowtan sun.

  從平地看大山的山脊與小山脊的尾端接觸點是叫「kowtan」。
• Nmkaxa ka musa su tmatak hrus dxgal hnici rudan hida, aji bi biyaw dhuq jiyax tkuyan masu do o!

  你後天應該去開墾父母留下來的坡地了，播種小米的季節很快就要到囉！
• Ana mgnreeru sunan musa pngahi qsurux gsilung ka swayi mu snaw o ana kingal ini tjiyal ka hiya.

  我弟弟雖然像你一樣多次去海釣，他還是連一隻都釣不到。
• Kmnpspadaw ku pila seejiq alang qmita ka seejiq pnstama alang o kla su ha muda mgay pila rnimu.

  我把部落代表看作是來捐錢給部落的人，原來是行賄。
• “empqdunuq ku mhuqil aji misu pjiyun baga” msa hmici kari lqian ka tama na o yaasa ini ksttama.

  因為孩子對父親不孝順，父親對孩子留遺言說：「我要孤獨而死，不讓你按著脈搏」。
• Gmnrimu ku rudan lmingis ka yaku o naqih bi rmuan, ini pdka laqi biqan ta emu do ini lingis da.

  我安撫哭泣的老人很難，不像小孩子給糖果就不哭了。
• Ga powsa hangan pgaaw bukung nsgan ka nirih mu tama o ini pnegrukal dmayaw hyaan ka kana alang.

  我大伯登記參加鄉長候選人，整個部落都不會動員幫助他。
• Msnrungay nami miyah mkan sqmu qmpahan ini na sai qmurang ka snaw mu do ini ku kmphuma sqmu da.

  我因老公不去埋伏來吃田裡玉米的猴子而爭執，我不想再種玉米了。
• Saw ka aji dhqun dapil o qntaan ka pdhuq. Saw ka aji dhqun qqnita o lnglungan ka hmrinas smkaya.

  腳步不能到達的地方，視野可以到達；視野不能到達的地方，精神可以飛越。-雨果
• Tksiyak ku peapa tdruy pupuk mnda tgsumux pusu qhuni ka pkil knan, aji ku mnklkil paah pncingan.

  我跛腳是因騎機車飛快衝撞樹頭造成的。
• Iya msnneenru musa qmita wauwa ida ini sruwa naqih kuxul, knrmun, mnlala hari, ida mha sruwa da.

  不要為了多次去向小姐提親不答應而難過，忍耐，多去幾次，一定會答應的。
• Knpkdra na ini peekan qsiya knan ka seejiq kiya o mnlala bi spgrung na kacing ka yudun qsiya mu.

  那個人讓我受苦沒有水喝，很多次地讓他的牛弄壞我的水管。
• Tmnrngat ku wawa kumay mangal tnjiyal qlubung o pwlaan nu mnlala msqar puniq ka pqduriq bubu na.

  我為了取被套脚陷阱捉到而發出哀號的幼熊，我先多次鳴槍使母熊逃離。
• Ida paq bi Rulung hnyigan ni dqras na ka seejiq ki o sknRulung mu mlawa o “aji Rulung yaku” msa.

  那身材與面孔長相很像Rulung的那個人，我把他當作Rulung喊叫時，他說：「我不是Rulung。」
• “pnklaanay ta qrqahur paru ayug mdngu mtalux hidaw rbagan ka kacing” msa su o ini su gealu qmita?

  你說你要讓牛在炎熱的夏天越過滿是石頭的大溪谷，你看牠不可憐嗎？
• Mtgklung bi mduk rhngun sapah kdjiyax ka swayi mu snaw do ga asi jyani qaraw smbut sulay bubu da.

  常看到我弟弟「klung」關門時，媽媽就拿細竹枝抽屁股。
• Tgmsnulug ka Truku sbiyaw o ‘ma su saw smdamat’ msa mkdawin ka snaw ni mtmhabuk lmingis ka kuyuh.

  以前太魯閣族人巧遇時，男性互相搭肩、女性互相擁抱哭著說：「好懷念你！」
• Ttpeypay dha pskraya klwaan o qpangan rnisuh matas peypay kana ka keelgan qngqaya jiyun tmgjiyal.

  他們將國家的標誌彩繪在所有戰爭武器上。
• Niqan wauwa mowsa sjiqun ka sapah Truku sbiyaw o asi kkneywa tminun qabang pdsun na wauwa ka bubu.

  以前太魯閣的家庭有女兒要出嫁時，媽媽就織很多的被毯當女兒的嫁粧。
• Pmkaxa ka jiyax qrasan pnhyugan su sapah, kika mha niqan jiyax dha miyah teumal ka lupung ta paru.

  把新屋落成的日子訂在後天，我們親家才有時間來參加。
• Tai srjingan ka kuyuh ni miyah msa ‘qur, qur’ meuyas uyung ka puurung o laqi snaw ka ga nbuyas na.

  婦女在懷孕時貓頭鷹來屋後叫「qur, qur」時，懷的胎兒是男孩。
• Kmnririh ku puniq dnuuy puru srnabaw o tayal saang ka baki mu “mha su empuru srnabaw da” sun kuna.

  我曾經想承接痛風人使用過的槍枝，我祖父非常生氣的說：「你會得到痛風的！」
• Rkbul o kingal qpuruh gluq mniq ruwan pihu mirit ngalan sapuh mkan, duma mirit ka niqan, aji kana.

  羊糞石是在羊胃裡的一個硬塊可以拿來當作藥材，不是所有的山羊有，只有少部份有。
• Qulung mtgrulung mqalux ka pusu karat do mqaras balay “ida mquyux da” msa ka bsiyaq bi aji qnixan.

  只要看到東邊起烏雲時，那久久沒有下雨的當地人高興的說：「一定會下雨了。」