Search

Sentences 13,689 found

• Msnlqluq nami samu tksadu ini bgay snadu mk5 jiyax ka seejiq msadu ki o naqih bi kuxul mu.

  我為了雇我們拔除釘子的人，五天沒有給工資而難過。
• Knnngani ku uqun knan ka seejiq ki o wada mu biqan do ini kuna shngii ana bitaq knuwan da.

  那說留給我食物的人，我給他之後，他永遠不忘記我了。
• Ini su sai rmigaw nhari ka qlubung su ga, empaapalit nanak nngari qnqan kumay ka mirit su.

  你不趕快去巡視你的陷阱的話，你的山羊可能會被熊吃到只留下碎肉。
• Ttppudung dha pucing dmuuy tmatak ka dhiya ga o tglhayan dha dmuuy ini qqbruq ka baga dha.

  他們經常用斷裂的獵刀開墾的那些人，他們習慣用，手不會起泡。
• Hana mlatat rhngun mha pqijing ka wauwa o ini tduwa sqnqaras ina hana nangal mtmay rhngun.

  剛要出嫁的新娘不能像剛入門的媳婦一樣高興。
• Qmnita ku spi bkian mu saw kuna biqan balung rudux do klaun mu ga tjiyal ka qlubung mu da.

  我夢見我祖父彷彿給我雞蛋，我知道我的陷阱捕到獵物了。
• Wada ptgrnaw brah hbaraw seejiq mkaraw qhuni mtucing paah baraw mhuqil ka psdmhaw bi kiya.

  那愛現的人因玩笑在眾人面前爬樹從樹上掉落而死。
• Kmnrurul ku kuyuh lpungan mu o kla su kingal kuyuh ki o dnngaan na luus bi ini usa sjiqun.

  我以為我的朋友有兩個老婆，原來另一位女性是他認養未出嫁的熟女。
• Msnreeru ku laqi mu ini thiyi rngagan musa rmigaw sapah seejiq do mliwang ku qnnaqih kuxul.

  我為了我孩子多次到別人家遊蕩不聽勸，難過的消瘦。
• Iya psnpowsa dahaw rapit empgeeluk qhuni dahaw, hjiq musa qhuni dahaw isil ka taxa namu da.

  不要為了設置飛鼠套頸陷阱而爭搶，你們其中一個退讓，去別的地方設置。
• Gmnpspadaw dnuuy seejiq saw sgealu 5 hiyi smsaa bi kndsan seejiq ka niqan bi gnealu seejiq.

  很有愛心的那個人，專門白白捐給五位生活窮困的人。
• Tnqatuk pmblux tapaq paru dgiyaq msdhpa bi sipaw ga o ga na asi pniqi hika bqrus na uri da.

  那獨佔對岸所有大平坦山的主人，他的墳墓就在那裏。
• Qblingaw ta ini ku apa samat ksaw ta ka seejiq msa ku o smknux ssamat do mkmrimu mhulis da.

  我想騙他說我沒有揹獵物時，他聞到有獵物味時，他就微微的笑了。
• Msnqmul nami empgeeluk dmanga laqi rbnaw ka yami qbsuran mu kuyuh o ini sruwa knan ka bubu.

  我跟姊姊為了搶著餵食嬰孩而爭執，母親不准我餵。
• Negrahul su asaw kiristu binaw knxalan Rungay siida ga, ki niyah na qmrak ni ini rnaw msru.

  如果你在日治時期為了基督聚會看看，就馬上被警察抓來毒打。
• Msnraraw ku qlubung mu mnlala bi ka rqnux do asi mu lahi ka gasil ni smmalu ku nksa mu han.

  很多次水鹿繞過我的套腳陷阱時，我就把陷阱線卸解及先做狩獵的儀式。
• Wada ptgrsug mkan sari brayaw nhapuy mu qnilaw tabug mu babuy kritun mhuqil ka seejiq kiya.

  那個人因為吃完我餵豬的姑婆芋的煮飼料，中毒拉肚子而死。
• Mmkndadal ku bi sari mhapuy bunga siida, phlisan ku tama “kneini su kla mhapuy ga” sun kuna.

  我正要把芋頭和地瓜煮在一起時，我父親取笑我說：「你真是不會煮的料子。」
• Ppkneywa mu msaang smeisug ka laqi mu saw qhuni rngagan ga do kika hana ga embahang kari da.

  我講他完全無動於衷的孩子，透過嚴厲的責備威嚇時才聽話了。
• “Euda dha mntaril hakaw utux o tmrngani aangal tunux pais ka laqi snaw” msa ka rudan seuxal.

  以前的老人說：「男孩要通過靈橋的話，就要流汗地獵敵人的首級。」
• Gnmumul tmquri tuyan gbiyan ni gmukan ka tgmu, mahun saw saman o mdka pnsaan qmsiya knsibus.

  傍晚把所含的甜粥倒進在葫蘆裡蓋起來，隔天喝起來甜得像加糖。
• Gmnpeysa duhung ni wada na biqan ka seejiq ki o “steeduk na tmikan hlama” msa ka bhangan mu.

  要求木臼且人家已給他的那個人，我聽說他關著門搗糯米糕。
• Pnklaani ta ha dmayaw smikul ga blbil tdruy kacing mapa qngqaya steetu elug ka kacing ga hug?

  我們來幫在上坡路拉載貨牛車的牛推一把好嗎？
• Msnklabi laqi na msdara naqih bi kuxul ka bubu na, “saani psapuh msapuh dowriq nhari” sun mu.

  他媽媽為了掀開她孩子的眼皮出血而難過，我對他說︰「趕快去眼科醫師那裡治療。」
• Ppdusay ta psqama ka bgiya ga megul knuruh sapah gaga msa su o ini su keisug tgaluk sapah ga?

  你說：「我們拿火把來燒長在屋脊的虎頭蜂窩。」你不怕延燒到房屋嗎？
• Msnpeyruh ku mhuqil huling mu buun dha puniq ka musa bi maduk ki o mdka ku wada gmrahuq laqi.

  我為了我那隻很會追獵的狗被他們用獵槍打死，我像失去了一個孩子一樣。
• Mqmqahur ku quri tuma hi o kla su ha ga niqan seejiq do acih ta bi huya sbu seejiq da msa ku.

  我想朝下方丟擲石子時，原來有人在那裡，我覺得差一點丟到別人。
• Msnrhngun nami snalu mu kndgril ini tduwa tmayan napa ka kuyuh mu do slbangan mu smmalu duri.

  因我做的門太窄，揹的東西無法進入而與妻子發生爭執，我重新再加寬了。
• Msnkneywa na msaang laqi ini kla jiyax mdrumut matas msluluy nami ka snaw mu, “hmuya?” sun mu.

  我為了先生無緣無故對認真讀書的孩子嚴重的責備互相吵嘴，我對他說：「為什麼？」
• Asi kpdagit nak snaw ka salu isu sun ku dha o ana kingal klgan pdagit ini kla smmalu ka dhiya.

  他們要我做男用綁腿，是因為他們連一種綁腿都不會做。