Search

Sentences 13,333 found

• Mndhug bi ka hakaw lbay ga han o daan bgihur paru do maaluway paru ini tduwa daan.

  那吊橋原本很堅固，被颱風侵襲後變得危弱不能通過了。
• Tmnmsnulug su ka lupung hana qtaan sayang o biqan su mqaras ni kmsteita dqras hug?

  你巧遇久未相遇的朋友時，你會給他高興和親切的臉色嗎？
• Mtgnruway bi musa siyaw pnlaq pngahi qsurux gsilung ka seejiq smkuxul pngahi kiya.

  那喜歡釣魚的人經常看到他到海邊釣魚。
• Kmnpaci ku qmita ka seejiq empplaq bi rmngaw ga o kla su ha rmagun nimah na sinaw.

  我把那個人看作是很健談的，原來是酒喝得有些醉意。
• Tppida musa mtbiyax kmtuy masu kana o tdhjiq muda gmeeguy gnutu masu ka empgeeguy.

  我們都在忙碌的收割小米時，小偷趁這機會偷走堆放的小米。
• Sprqdug su mgay mkla bi tminun brunguy ka enlxan su ga o yaa na ngalun kadu rudux?

  你把不要的背簍隨便給很會編織的人，他要拿來當雞窩嗎？
• Tmnpskan ku mdngil bi hlama do mkeangal tuhuy hlama huya mu rqni ka gupun pnha da.

  我因咀嚼糯米糕假牙脫落，差一點被我吞下去了。
• Mmqilit ku bi blbul meekan ku bi siida, “ita ki dBu” meysa ka laqi do sbgay mu da.

  我正要剝香蕉來吃時，我孩子說：「媽，給我」，我就給他了。
• Mmqiri ku bi elug eusa qmpahan mu ga, asi ku lu strung lupung do ki bnrinah mu da.

  我正要彎到田地的路時，突然碰到我的朋友就回頭了。
• Spqtqit mu buut samat psluhay ka laqi mu snaw, tai saw mha tmbhring bi samat hici.

  我要讓我的兒子磨練啃食獸骨，期望將來他很有獵能。
• Msnrgraw ku srakaw dngiyah smqit rbnaw djima ka snduan mu do ini mu biqi snadu da.

  我因雇用的人把做客床的橫條砍了桂竹的新竹，我就不付他工錢了。
• Mnegribu bi laqi ka seejiq kiyig sapah mu kiya o ini qtai sapah rrigaw ka laqi na.

  我家隔壁的那個人很喜歡放任孩子，他的孩子常常遊蕩不在家。
• Knrinah na mkan sinaw ana pdkaran msapuh o bitaq wada ptgusug mnarux rumul mhuqil.

  雖然被醫生禁止反而他喝酒喝得更厲害，一直到因罹患肝癌而死。
• Mmririh ku bi sapah nniqan lupung mu o tnbsqran seejiq sun ku dha do asi ku ktali.

  我正好要承續我朋友住過的家時，有人對我說：「曾經有人上吊」，我就很驚嚇。
• Ryaxi mtucing mgriq tdruy binaw dowras paru ga ni, ungat seejiq maah mangal sunan.

  你在那大懸崖開車掉落看看，沒有人來救你。
• Iya bi hlisi ka ariq seejiq, yaasa malu Utux su ini su strngi ka saw nii qnqrqilan.

  不要嘲笑別人的疤；那些是你有幸無需經歷的傷，同理、感恩。
• Kmnklung su paru bi hnang na mduk ka sapah seejiq o manu pusu su quri tmpusu sapah?

  你把人家的門「klung」關的很大聲，你跟屋主發生什麼事？
• Mmkuwah ku bi payay pnhdagan siida, asi lu ‘kluk’ rulung mnkuung do ki nalax mu da.

  我正要耙開要曬的稻穀突然「kluk」這樣烏雲密佈時，我就立刻放棄了。
• Ida nami bi empsnulug ptasan tgbilaq prajing 9 idas 111 hngkawas ka laqi na tgparu.

  他的大兒子，我們可能會在一百一十一年九月初在小學相遇。
• Nneenru su bi musa tmhri huling paru mnegsaang binaw, ida suna brhagun qmiyut do o!

  如果你多次去惹兇的狼狗看看，牠一定會追著咬你哦！
• Knegnowma na lmamu mami nngari bgihur o kingal jiyax msmsa bi thngay brunguy bilaq.

  他去採被颱風吹襲剩下不多的橘子，一天勉強裝滿小背簍。
• Klaun na ka qnsriqu mnarux na do mnegpanguy bi dqras na naqih kuxul ka seejiq kiya.

  那個人知道他有難醫治的病時，他就難過的哭喪著臉。
• Dhuq ka gbiyan do saw skpowsa musa ngahi tuwil skrian na srayux ka qbsuran mu snaw.

  我哥哥到了傍晚總是去釣鰻魚，用青蛙做餌。
• Tmnpril ku sida qhuni gnrung bgihur paru hnili na ngangut mu o asi ku bi pk2 jiyax.

  我清理颱風堆積在我庭院的斷枝，花了我兩天的時間。
• Pspdagi lukus binaw sapah mqrinut bi ngangah ga ni, kasi suna phyugi sntama baga o.

  捐助衣服給那貧困的啞巴家庭看看，他會立刻對你舉起大拇指喔！
• Mmpudung bi buraw qhuni ka ngalun mu erut qnalang o meeniq inu kida sun ku tama mu.

  我正要拿斷的爛木頭當作圍籬的柱子，我爸爸對我說：「怎麼可能持久。」
• Kmraaw su kingal klgan seejiq o ini tduwa, Truku o ana bitaq knuwan ida Truku kida.

  你想變成異族的話不可以，太魯閣族自始至終還是太魯閣族。
• Kmnrabuh knan ka malu bi lnglungan wauwa ki o krwahan mu balay ka wada tealax knan.

  把我當作情人心地很善良的那位小姐，我很不捨她離開了我。
• Ttrabung na mkan qnada nngari qnqan ka cyaqung o ki seiyah na llingay biyi qmpahan.

  烏鴉經常來工寮附近的原因是為了吃發霉的廚餘。
• Kmnrbug ku bi buwax dhquy masu ka sgbiyan o smnguhi ku, asi ku kla mgrbu saw saman.

  傍晚我本想浸泡搗好的糯小米，我忘了，第二天早上才知道。