Search

Sentences 13,689 found

• Iya psnrbu mtakur mangal luqih ka baki su naqih kuxul, saani psapuh nhari.

  不要為了你祖父在破曉時跌倒受傷而難過，趕快帶去治療。
• Ini pnegrbung mnhuqil tnbgan ka baki su, sqada na ayug speekan na cyaqung.

  你祖父不會把死的牲畜掩埋，他會丟到山谷裡給烏鴉吃。
• Niqan duma rungay ka ptgrgrig mdngu qhuni mgrung ni mtucing dowras mhuqil.

  有些猴子因在乾的樹上跳躍斷掉而掉落懸崖而死。
• Kkrhrih na tminun brunguy ni malax ka hiya o qmhdu ku tminun 5 ka yaku da.

  他隨意編背簍後就放棄，我編完五個了。
• Iya psnrhrih tuqir bowyak empgeeluk qmlubung, hdqani mangal bi bowyak hug?

  不要為了在山豬時常經過的窄徑爭搶設套脚陷阱，讓很會捕山豬的人設置好嗎？
• Saw skrhruh ini gseesu brah seejiq ka laqi kuyuh o naqih hari qnita rudan.

  總是在人面前好動不溫柔的女孩子，對老人來說不太好看。
• Nrigaw su mkrhngun seejiq binaw pklug niqan mnarux meeru ga, ki sdmaun su.

  正值傳染病發的時候，如果你挨家挨戶遊盪的話，這是你的惡夢。
• Nrigu su hwinuk powda rnibaw binaw isu niqan hwinuk ga, mha malu bi qtaan.

  你身材好的，如果扭腰搖呼拉圈一定會很好看。
• Bitaq 60 hngkawas Cung-Hwa-Min-Kwu o ini pnegrigu sari sulay ka Truku han.

  中華民國六十年以前，太魯閣族人還不敢扭臀部。
• Sknrihing mu qmita ka wauwa ga o ngiyaw msa ka dowriq na ni kmrimu mhulis.

  我用瞟眼看那位小姐時，她的眼睛向我眨一下帶有情愫的微笑。
• Pnrisuh mu sapuh sunan ka nngalan mu luqih o sknhuway su bi ni ini knarux.

  我讓你擦的傷口，你輕輕的擦不會感覺痛。
• Gmnpriyux ku plukus laqi tnrima gbgbiyan ka yaku ni mmgrbu do bhaan mu da.

  我每天傍晚替孩子洗澡換下來的衣服，我每天早上就拿來洗。
• Msnpriyux nami pila lblak mu pila hbangan na ini tuku do ini ku priyux da.

  我們為了用我的紙幣來換他的硬幣不夠時，我就不換了。
• Nii ku tmriyux yudun snalu yudun djima qsiya ka sayang o mtbiyax ku balay.

  我今天正在把竹水管更換成塑膠管，非常忙。
• Mnrkbuh tngi ka kacing mu ini mu hdli mgul mk3 jiyax do saw paqux uray da.

  我的牛原來飽得大腹便便，三天我沒拴移牠時瘦骨如柴。
• Nrkrak tunux tqral matas ni qmpah binaw laqi su ga, dngaun su bitaq rudan.

  如果你的孩子搔頭抓癢懶得讀書和耕作看看，你會養他到老。
• Iya psnrnaaw hnici rudan empgeeluk, enduwa mseasug, kaway namu utux rudan.

  不要為了祖先留下的森林爭搶，好好地分，祖靈會發怒。
• Emprpiq ku tntakan mu ka paah saman o niqan mu bi mha kingal iyax sngayan.

  從明天起我要砍斷我新墾地周圍的樹枝，我可能會花一個星期的時間。
• Mnegrqbux bi ka qrunang nami hiya o ini peeniq mkan mirit tnjiyal qlubung.

  我們獵場那裡有很多熊，套腳陷阱捕到的山羊被牠吃光。
• Manu saan su prqda mhiyug rhngun dha hiya, qmaya su euda dha o ini su kla?

  你怎麼去人家門口那裡站著，你礙到別人做事你知道嗎？
• Msnrqraq ku babaw kndeaxan tqsuqi mtaqi do paah hi ini ku csrqraq yaku da.

  我因中餐後躺睡過頭，從此以後我就不躺了。
• Gnrqun mu tuyuq smeura ini ku dha qdali mirit ka seusa mu smbu bowyak nii.

  我去獵山豬是因為他們沒有給我吃山羊肉，而羨慕的吞口水。
• Ttrsuk nami hidaw pusu qhuni ngangut sapah o asi nami salu srakaw tbsagan.

  我們經常在庭院的樹下遮陽乘涼，我們就做乘涼的床。
• Msnrubang nami qlubung naqih smnlaan ni ini hgut do smmalu ku nak yaku da.

  我因做的套腳陷阱套圈做得不好不會縮緊，我就自己做了。
• Qulung niqan lhngaw ka siyaw qmpahan do ida mu rbangan dangar qowlit kida.

  只要田邊有石穴，我一定設老鼠的石壓陷阱。
• Trhwani gsilung binaw alang paru ga ni, kasi saw knragan ungat kana sapah.

  那大都市讓海嘯侵襲看看，房子就會像被清洗一樣消失。
• Asi krungut qhuni nanak sbrigan na ka lupung mu, ini sbarig rahuq na hiya.

  我的朋友只賣樹瘤，不賣其他的。
• Msnruwan ku sapah dgril bi ini tuku niqan do slbangan smmalu snaw mu duri.

  我為室內空間不夠住而爭執時，我丈夫又再加寬了。
• “keanguay mu ka wauwa su.”msa o qnita mu ka risaw kiya ga, ki ka smruwa ku.

  他說：「你的女兒作我的弟媳。」我觀察那男孩之後，我才答應。
• Kmndngil sulay sunan ka seejiq o mdaa bi hi ka kneini su cih ptruwas bbuyu.

  別人把你當成黏著不去打獵，理所當然是因為你不想去。(太魯閣俗語)