Search

Sentences 20,490 found

• Qnyutan quyu ka sluqih mirit mu wada madas hyaan.

  我的羊被蛇咬傷而死。
• Pddngusi lqian su ka wauwa mdrumut bi qmpah gaga.

  讓那很認真工作的女孩和你的兒子結為夫妻。
• Gnmisan mu mhuma ka mami o asi endka meudus kana.

  我趁冬季種的橘子都活了。
• Ppmisan mu enduray mhuma ka sakus o kingal lituk.

  我要趁著要來臨的冬天種一甲的樟腦樹。
• Pmsaaw mu hmilaw yaku rudan ka qabang dmayi gaga.

  那棉被讓我老人在冬天蓋。
• Ma su asi bi sgmmkay knan, hmuya ka mmkay su uri!

  你怎麼完全依賴我做家事，你為什麼也不做家事呢！
• Seejiq mqmuq kiya o ida iyux bi ppmqmuq knan uri.

  那個口吃的人一直勉強使我也會口吃。
• Saw sqmqmuq thiyan na musa qmpah ka laqi mu snaw.

  我的兒子老是跟口吃的人一起工作。
• Sqnmqmuq saku ka yaku o niqan duri ka mglbu knan.

  你把我當作口吃，還有比我更嚴重的。
• Msnulug nami musa marig lukus alang paru ka hiya.

  我在市區買衣服時與他巧遇。
• Prajing mtgmurang tunux na knrudan ka tama mu da.

  我父親老得開始看到禿頭了。
• Mgnama namu kndadax qgu rudux ka dhiya shiga uri.

  他們昨天也像你們一樣公雞啼叫時先出發。
• Ida hmut msa nan ini pstuq kari na ka kuyuh kiya.

  那女性一直「nan, nan」不停的說話。
• Ppsnanan na mskan knan ka tama mu o dmudug balay.

  父親叮嚀我要細嚼慢嚥。
• Wada ptgknarux gusug rumul mhuqil ka msapuh kiya.

  那位醫生因肝癌而死。
• Tmnknarux ku payi mu 3 hngkawas ni wada ungat da.

  我照顧三年的祖母已經過世了。
• Gnnbnaw mu meysa bluhing tama ka bgay mu lpungan.

  我要給朋友的簸箕是我向爸爸撒嬌獲取的。
• Snkala mu babaw btunux paru ka kacing mhraw knan.

  牛追我時，我就登上大石頭。
• Mha ku lmamu nowma gisang mu nngari qnqan brihut.

  我要去採收松鼠吃留下不多的萊豆。
• Tpgqan mu haka waray cinun qabang snurug payi mu.

  我取了祖母織粗被毯剩下的線。
• Kmnreeru pxal ku bi muda sapah na ka seejiq kiya.

  那個人把我一次進他家就當作是多次。
• Emptpajiq mukan qmamas ka qpahun mu bitaq sayang.

  直到現在，我的工作是專門醃芥菜的。
• Saw sqpajiq btriq hmaun na ka tama gxal mu matas.

  我同學的爸爸老是種青江菜。
• Ga gmpakung dahaw rapit smmalu ka tama mu sayang.

  我父親現在在做樹上橫木捕飛鼠的套頸器。
• Ini pnegpakung psamu sapah ka smmalu sapah qpras.

  水泥蓋的房子不適合用固定房子的M型釘。
• Mgpakux mu ppakux na duhung snagan na ka tama su.

  你父親洗木臼後倒立的方式像我一樣。
• Mgpanguy dqras knrudan payi mu ka payi su uri da.

  你祖母老皺哭喪的臉像我祖母一樣。
• Dmpspapak qmlubung ka dhiya o dmurang ku ka yaku.

  那些人都放套腳陷阱，我就放套頸陷阱。
• Mgpaq bi laqi su drumut tminun ka laqi mu uri da.

  我的孩子也像你的孩子一樣認真織布。
• Mgpaqax liwang babuy mu ka bowyak nangal tama mu.

  我父親捕捉的山豬像我的豬一樣骨瘦如柴。