Search

Sentences 13,108 found

• Iya psnklung mduk rhngun sapah ka laqi su msaang, ida klgan na hi kida.

  不要為了你孩子「klung」的關門而生氣，他已經習慣這樣了。
• “Ma su smkukung bi tluung smqaya bi pmkayan.” sun na msaang ka empdawi.

  他罵懶惰的人「你怎麼弓著身體坐著妨礙做家事」。
• Saan hmut qmlubung aji tnqrunang o mneglhlah bi gasil qlubung ka Truku.

  太魯閣族人常會解開隨便設在不是屬於他獵場的陷阱線。
• Nlnglung su nhari ka tmabug babuy, baka bi stmay wauwa ka risaw su dga!

  你應該趕快考慮養豬，你的兒子應該娶妻了！
• Ini thiyi rngagan, msaa su ptglupung mhuqil hiya knsa mu o balay bi da!

  他不聽勸，叫他不要因為去朋友那裡發生事故傷害，結果真的應驗了！
• Nluus ta bi wauwa hki msa ku o kika smruwa pstmay risaw ka rudan mu da.

  我期待是一位成熟的小姐那該多好，我的父母就會答應讓男人提親了。
• Kmmsnulug su mnegaya kndsan seejiq o uda pgaya bi ka kndsan su uri han!

  你想巧遇生活守法的人的話，你生活上也先要守法。
• Pnpaci na qmpah ka qpahun na o ini na biyaw qmhdu ni malu bi endaan na.

  他積極做他負責的工作，他很快完成而且做得很好。
• Kmnpadus ku tutu djima gmeuqu qmita ka padus snalu na qaraw djima gaga.

  我把他做的竹枝火把誤看作是竹竿火把。
• Knpadus na qaraw djima smmalu ka seejiq ga o saw tutu btakan knparu na.

  那個人做竹枝火把做得像麻竹一樣大。
• Ppdusi psqama binaw gmiya dnamux sapah ga nii, kasi knssayang tgaluk o!

  拿火把燒茅草屋頂看看，會立刻延燒哦！
• Iya psnpaut hiqur wauwa empgeeluk, ima namu ka pnlealay o hdqani hyaan.

  不要為了手肘向外翻的小姐爭搶，你們誰先認識就讓他吧！
• Tppeetung dmangar qowlit kana o muda ku peetung qmlubung mirit ka yaku.

  大家都在設置間隔大的老鼠石壓陷阱時，我就設置間隔大的山羊套腳陷阱。
• Ga sgpksiyuk sapah lupung na mangal knsyukan sapah ka qbsuran mu kuyuh.

  我姊姊跟著她朋友出租房子拿租金。
• Gnplealu tmlhbun kmari ka btunux ga, rhnagan paah bukuy do mstrutug da.

  那石頭部份挖開鬆動的從後面撬起時，會滾下去了。
• Kmnpluh ku muhing qmita tama mu ga tmqpuji puhak ngusul swayi mu kuyuh.

  我把我父親在挖我妹妹的鼻屎看作是在穿鼻洞。
• Msnpowda ku baga bluhing btaqan ku lingas do smmriq ku tmninun bluhing.

  我因用手摸簸箕而被細刺刺到時，就怪編簸箕的人。
• Sknpowsa mu qlubung bowyak ka kumay o “emptjiyal inu kida” sun ku tama.

  我把設置捕熊的陷阱像設置捕山豬的陷阱一樣時，爸爸對我說：「這樣怎麼會捕到。」
• Sqnpqita na knmalu nuda pgkla na pqita ka qnnaqih nuda na o ana rabang.

  他把承認過犯像好行為一樣表露出來，真難得。
• Mgpririh bgurah lukus laqi su kngkingal iyax sngayan ka laqi lupung mu.

  我朋友的孩子像你的孩子一樣，每週換一次新衣服。
• Aji su kkpudung baga sdhriq dmuuy sowki tmeetu qhuni o psai lubuy baga.

  避免使用柴刀剁木頭會滑落砍到手的話，要帶手套。
• Knpudung na qaqay ka seejiq ga o ini skla qduriq pspruq btunux gmeelug.

  那個人腳斷掉得開路爆破時，來不及逃避。
• Gpuru mu srnabaw smapuh ka nii msa su o aji malu nanak ka puru srnabaw?

  你說你要用這個來治療痛風，痛風不是會自然痊癒嗎？
• Mnegqaguk bi baga mkan butul ka Truku “kika malu bi kuxul ta mkan” msa.

  太魯閣族喜歡用手抓糯米飯糰來吃說：「這樣吃起來心情好。」
• Ana ga mtgqamas balung qsurux ka lungaw na o “ungat” msa lmiing bsu na.

  雖然他瓶子裡看得到醃的魚蛋，他吝嗇地藏起來說：「沒有。」
• Wada ptgqapang qmlubung mirit dowras mhuqil sipaw ga ka tnqrunang kida.

  那獵場的主人，因在對面的懸崖設置很密的山羊套腳陷阱墜崖而死。
• Msalu tdruy ki o pnqbling na smmalu ka tdruy mu o sayang na naqih duri.

  那修車的人把我車子修得偷工減料，很快又壞了。
• Musa ku sgqdal nhapuy lupung mniyah lpungan mu o mqras bi ka lupung mu.

  我陪著朋友請他的客人吃飯，我朋友很高興。
• Msnqduriq nami paru runug empgeeluk mlatat rhngun o qahan duma ka laqi.

  我們因大地震搶著出門逃跑時，有的孩子被踐踏了。
• Qmnqhdu ku qmijing ina mu 3 do asi ku sa ‘wax’ knlhkah ka lnglungan mu.

  我娶完了三個媳婦後我發出「wax」的聲音，心情就輕鬆了。