Search

Sentences 1,221 found

• Rnisuh matas hnyigan pada ga o ppragak mu psluhay pstalang buji laqi na snaw.

  那山羌的圖案，是我用來訓練他兒子射箭的活動靶子。
• Manu sun su haya tmnqsul seejiq hiya, qsli nak hiyi su binaw, sita ini knarux?

  你為什麼在那邊揑人家，你揑自己看看，會不會痛？
• Slpax mu haya mgrbu ka pucing tama mu o knegbiyan na siida ssipaq na bowyak da.

  我早上幫我父親磨獵刀，當天傍晚他就用來殺山豬了。
• Pnqnay mu sunan musa smluhay tmapaq yayung ka laqi mu o kika mkla bi tmapaq da.

  我讓我孩子跟著你一起去河裡學游泳，才很會游泳了。
• Iya psnquyux ungat qpahan naqih kuxul, ini quyux do naqih su kuxul duri hay ga?

  不要因下雨不能工作而傷心，不下雨時，你又傷心對不對？
• Mmrajing ku bi quyu mlhay o tayal saang ka baki mu “miying su hqilan” sun kuna?

  我正要挑釁百步蛇時，我祖父很生氣的對我說：「你想找死喔？」
• Rnahay ta pha qlubung ka bowyak rmaraw bi qlubung kiya, nhuya tgeuqu tjiyal da.

  那很會繞過套腳陷阱的山豬，我們更要設置套腳陷阱，萬一誤踩捕到。
• Msnruciq ku tunux snaw mu sknux ini trima mssang ku do “trmai ku haya” sun kuna.

  我因先生頭髒臭沒有洗而生氣，他對我說：「幫我洗呀！」
• Smppaci na bi smluhay mtwini rmgrig ka laqi ga o mkla bi mtwini rmgrig sayang da.

  那孩子多次積極的練習熱舞，現在很會跳了。
• Spqtqit mu buut samat psluhay ka laqi mu snaw, tai saw mha tmbhring bi samat hici.

  我要讓我的兒子磨練啃食獸骨，期望將來他很有獵能。
• Mkmprulu ku bi ka musa qmpah o ini sruwa ka tama mu “slhayi thidaw ni psquyux” msa.

  我想戴斗笠去田裡耕作，我爸爸不同意，說：「你要日曬雨淋地磨練。」
• Kgkagi miying quhing binaw luhay na ini trima tunux ka laqi ga, mha knriwa quhing o!

  摸黑找習慣不洗頭孩子的頭蝨看看，會有很多頭蝨哦！
• Pnqlubung mu psluhay hyaan ka laqi mu ga, asi angal bru ka bowyak o mhnuk bi baga na.

  我的孩子讓他學習設套腳陷阱，他的手氣很好就獵到山豬仔。
• “sknwaun mu pqeepah qmpahan ka laqi mu ga matas” msa su o nangi su pdwian laqi hay ga.

  你說：「我要讓我在讀書的孩子做粗重的工作。」你是故意讓孩子懶惰讀書，對齁！
• Manu sun namu haya tmppalah hiya, usa mtbiyax qmpah binaw, mqada namu lukus mtmring o!

  你們怎麼在那裡烤火，去工作看看，你們會流汗脫衣服喔！
• Srhrih su psluhay smmalu sapah ni plaxan su ka laqi su o empaakla smmnalu sapah ki da?

  你讓你的孩子敷衍學習蓋房子又不讓他做，這樣會蓋房子嗎？
• Ppkgkak su pila kukul seejiq tmgsa ka laqi su o iya si haya tmgsa, ma su aji lngu rudan.

  你教孩子從人家的口袋偷錢，不要這樣教，你怎麼不像父母。
• Iya psnpnsuwit ini su kla pnsuwit baga naqih kuxul, bsiyaq su smluhay do mha su mkla da.

  你不要因為不會用手吹口哨而難過，練久了你就會了。
• Ttppudung dha pucing dmuuy tmatak ka dhiya ga o tglhayan dha dmuuy ini qqbruq ka baga dha.

  他們經常用斷裂的獵刀開墾的那些人，他們習慣用，手不會起泡。
• Iya psnpudung isil baga laqi su naqih kuxul, ida mha tgluhay dmuuy isil baga qmpah hici da.

  你不要因為孩子另一隻手斷掉而難過，以後他一定會習慣用另外一隻手工作。
• Msnklung nami mduk rhngun sapah tgluhay na ka swayi mu kuyuh knriwa nami mkeekan payi do miyah pkrimu mnan ptgayaw ka bubu da.

  我們為了妹妹常常「klung」關門而和祖母吵得很厲害時，母親就來分開安撫我們了。