Search

Sentences 15,211 found

• Msnmmiyak nami ana qmuyux skgulan kuna mmiyak ka bubu mu.

  我為了媽媽連下雨也叫我到山上工作而和她爭執。
• Mtucing ka laqi kuyuh o “empmmkay sapah wah” msa ka tama.

  女兒出生時，爸爸說：「將來要做家務事啦！」
• Sgmsnulug ku lupung mu smtrung tnhiyan na mrata ka shiga.

  昨天我跟著朋友巧遇他當兵時的同袍。
• “mkmmurang ku bi uri!” msa smeura dmurang ka seejiq kiya.

  那個人羨慕那些禿頭的人說：「我也很想禿頭餒！」
• Knnaku na ka seejiq ga o ana enseejiq ngalan na msa naku.

  說過是我的的那個人，連別人的都說成是他的。
• Nluan kuna ha mkan rungay ka bunga mu o asi ku bi keuwit.

  我的地瓜白白地被猴子吃，我實在很灰心。
• Kmknihur su mkan o rngagi ku, psaun mu mnihur ka uqun su.

  你想要吃辣的告訴我，你要吃的我放辣。
• Empnreeru ku mtmay alang dha paah sayang, niqan risaw mu.

  因我有兒子，從現在起我會很多次進他們的部落。
• Maah ku duri nxal msa su o tai ta tna ku ungat yaku kida.

  你說以後再來，可能我已經不在了。
• Ppspahing na cyaqung plkuh knan ka tama mu o tmgsa balay.

  我父親取烏鴉的翅膀展翅固定，認真的教我。
• Tgpahing bi kkumax baga na ga o mnkan pahing bilaq siida.

  那手常射不中的是小時候吃過翅膀。
• Msnpahung namu kumay mssuri o ini namu keisug uqun kumay?

  你們為了熊膽互相對嗆，不怕被熊吃嗎？
• Gmnpalit qmiyut lukus mu ka huling o huya mu ptdui sowki.

  咬我衣角的狗，我差一點用柴刀背敲牠。
• Mnpangus ku dqras saang o ini tuku knkla mu siida ki han.

  我板著臉生氣是因為我常識不足。
• Empspapak ku lmibaw tkurih ka yaku o emptlnga ka tama mu.

  我要放竹雞的套腳陷阱而我父親放套頸陷阱。
• Truku sbiyaw o ini pnegpayay mhuma, tmukuy masu ni basaw.

  以前太魯閣族沒有種稻，只播種小米和小黍。
• Ana ku tgluhay ka tminun qabang o maapbaya ku ka miri da.

  我雖然織被毯很熟練，但對織浮織就生疏了。
• Mnegpdagit bi ka kuyuh Truku sbiyaw o pnsmkul dha hnaluy.

  以前太魯閣族的女性很喜歡繫緊綁腿使裝扮端正。
• Plxanay ta ana ima knkla paarana djiyun ka laqi ta Truku.

  我們來讓太魯閣族的孩子在增進科技的應用上超越所有的人。
• Qnpeeniq na siyang knan ka lupung mu o skn3 kuna pnniqan.

  我的朋友分配豬肉時拿三份給我。
• Iya psnpeeru mhuma bukuh msluluy, sliqun namu peetung da.

  不要為了補種間隔長不出來的木瓜而吵架，你們間隔會補種得很亂了。
• Gmnpeiyax ku 2 hngkawas ini tukuy masu o mnhuma ku payay.

  我隔了兩年沒有播種小米，我種了水稻。
• Pgsaan kuna qapang dmayi ka baki mu o ki bnegay mu nhari.

  我祖父來向我要棉被，我立刻給他。
• Mkkpgkla nami nak kngkingal ruwan sapah ka pnegaya Truku.

  太魯閣族的習俗，我們各自在家庭宣導。
• Nii ku tmppgriq tluan matas, pqriun mu rhngun ka brah na.

  我在轉動書桌，正面向門。
• Saw skphug qnawal smmalu pakung rapit ka qbsuran mu snaw.

  我哥哥老是弄彎鐵絲做捕飛鼠的固定器。
• Kmpiyut su tminun quwaq brunguy o ungat seejiq empskuxul.

  你想把背簍口編小沒有人會喜歡。
• Kmpkeeru ku rmudu sneunux wauwa mu naqih qtaan rnudu dha.

  我想再燙一次我女兒燙壞過不好看的頭髮。
• Tama lupung mu o sknpkeeru na smquri kulu luan ka duhung.

  我朋友的父親把木臼補雕製像蒸桶一樣。
• Gmnpklug ku mkan bsrux ka qmburang rungay o lala snbu mu.

  我趁猴子來吃構樹果埋伏時，我獵射了很多。