Search

Sentences 13,301 found

• Ppkeykas dha prgrig babaw btriq lqian ka bubu o ki rngayan dha.

  他們讓孩子在媽媽的腿上「keykas」扭動身體，他們喜歡以此取樂。
• Ttkgkak dha kuung miying quhing laqi ka dbubu o asi grung rabi.

  媽媽們經常傍晚摸黑找孩子的頭蝨直到整夜。
• Pkhma su ini kla pkhma seejiq ka tluan matas o mha mmeenu kida?

  你請不會刨平書桌的人來刨的話會變成怎樣呢？
• Pkhmani ku haka tluan matas laqi mu hug? sduun misu, meiyah su?

  幫我刨平我兒子的書桌好嗎？我雇你，你要來嗎？
• Sknkiyux na gmabul brunguy ka mhada blbul do mstmaq ka duma da.

  他把熟的香蕉擠裝在背簍裡時，有些爛掉了。
• Tkkndadax kana do “Mha namu tkndka qmpah manu?” sun mu smiling.

  都同時出發時，我就問他們：「你們要去一起做什麼工作？」
• Mkla su bi mkraaw yayung o pnkraaw suna psluhay tama su hay ga?

  你很會涉水過河，是你父親訓練你的是嗎？
• Mmksa ku bi tmgsa gmdara babuy o “Aji haka glu na.” sun ku dha.

  我正要教這樣殺豬時，他們對我說：「血管不是那裡。」
• Ppkubuy na wahir djima na o bitaq sgkha ka mgrung ini na kragi.

  他讓藤蔓爬滿桂竹沒有清理直到許多桂竹折斷。
• Nkslagu su binaw isu ga shjilan ga, aji mha mhnuk gndrgan su o!

  如果你懷孕時，空手不做任何事看看，你生產不會順利喔！
• Kklbak psqaran puniq lxlax o asi su ka gquhan paru ka lhbun na.

  要做機關槍的標靶，底下你必須挖很深。
• Ma su kmnlealu ssruwa yahan qmita ka wauwa mu ini kmusa sjiqun?

  你為什麼把我不想嫁人的女兒看成是願意答應嫁人？
• Msnlhang nami karat “mquyux” msa ku o “aji mquyux” msa ka hiya.

  我們為了天氣我說：「會下雨」，他說：「不會」起了爭執。
• Mha ku sgliing uqun tmaan mu dgiyaq, mjijil alang nami ka pais.

  我要去靠我父親藏在山上的食物，因敵人要攻擊我們的部落。
• Qulung embahang lmingis do ki nusa na sglingis hika kuyuh kiya.

  那個女人只要一聽到哭聲時，就即刻去那裡跟著哭。
• Qqliwaq su rudux mntmay qmpahan o iya duuy huling phuqil rudux.

  你要驅趕進入田地的雞時，不要用會咬死雞的狗。
• Ma su plnglung bi knan, kha jiyax ka ini su iyah mtgdowriq dga!

  為什麼讓我思念你，很多天你都沒有出現在我面前！
• Msnlpax nami krut hibang ini uda skrut do brahan mu lmpax duri.

  我們為了鋸木板的手板鋸子不利而發生爭執，我就重新銼利了。
• Manu sun namu haya msnlubuy baga hiya, niqan nnaku yahi mangal.

  你們在那裡爭手套做什麼，我這裡有來拿。
• Ppluhay na pcinun gupuq uraw knan ka baki mu gigit bi ttgsa na.

  我的祖父為了要我習慣編高山細竹的飯盒，他堅持要教我。
• Asaw su ha mnarux ka pnmurang tunux su, kla ida pnaah pncingan.

  以為你禿頭是因病引起的，原來是天生的。
• Wada sgnrhrah dxgal malu qpahan tbarah duma ka alang nami hini.

  我們部落這裡的人，有些為了鬆而好耕種的土地而遷居。
• Gmnpadus na qhuni harung smalu ka seejiq ki o paru bi ranaq na.

  他用松樹做的火把，火燄很大。
• Saw skpakung samu sapah yahan na meysa ka qbsuran tama mu snaw.

  我大伯老是來要固定房子的M型釘。
• Seejiq asi ekan mnhada o ungat tahut musa sgpalah tahut seejiq.

  白吃白喝的人沒有火而去依靠他人的火。
• Ana ima uqun saang ka seejiq o ungat ka ini empangus dqras dha.

  任何人生氣時，沒有不板著臉生氣的。
• Qpaxaw mu pkliwang ka hiyi mu han, akay bi saw tmaq qnthran da.

  我要減肥一下，因我肥的很痛苦。
• Lala para na ka tlulug su ga do npara su nhari ka kragan na da.

  你的葡萄長很多的苗芽，你應該趕快設苗芽爬的架子了。
• Ppasas na knlhkah psluhay peapa laqi o ini tkla mapa mshjil da.

  他讓孩子習慣揹輕的揹物就揹不動重的了。
• Pbyaaw mu psluhay tminun towkan jiyun na nanak ka laqi mu snaw.

  我要讓我生手的兒子練習編織他自己要用的背網。