Search

Sentences 1,205 found

• Sniyuk mu gnealu rudan mu o sbliqan mu balay qmita ka spqaras mu dhyaan.

  我報答父母親對我的愛是我把他們照顧得好使他們高興。
• Muda psmiyan Mgay Bari ka Truku o paah laqi bitaq rudan asi krgrig kana.

  太魯閣族慶祝Mgay Bari時，從小孩到老人都一起跳舞。
• Asi krubang dangar brayaw rudan nami kana ka kngkingal ayug dgiyaq gaga.

  那座山的整個山谷，都是我們耆老預設姑婆芋籽當誘餌的石壓陷阱。
• Ppruqil su liwang pknarux tama ini su sphani o nangi su aji qtaan rudan?

  你使父親身體病的消瘦而不去治療，是你有意不照顧老人家嗎？
• Msnruwaq nami mangal dnuuy rudan ka qbusuran snaw do ini nami pkmalu da.

  我因哥哥拿老人家的財產七成，我們就不和好了。
• Gmnnkala ku dgiyaq Klbiun do qtaan mu ka nniqan rudan ta Truku Truwan da.

  我登上奇萊山時，就看見太魯閣族祖先住過的Truku Truwan部落了。
• Ini hari ppalah psluhay knskiyan eusa dha bbuyu laqi snaw ka rudan Truku.

  太魯閣族的老人不太會讓要去打獵的男孩子，在冷天時習慣烤火。
• Tmnpsru kari knan ka rudan mu ga, kika niqan saw nii malu nuda mu sayang.

  我的父母教訓過我，今天才會有這樣好的行為。
• Ttqala nami dmmhaw rgrig Mgay Bari Truku o asi gqsahur nuda rudan sbiyaw.

  我們站著觀賞太魯閣族感恩祭舞蹈，祖先的文化觸動人心。
• Kkririh namu qrunang pusu rudan o plaqi cih kari ni snapuh ka utux rudan.

  如果你們要承繼祖先的獵區，要對祖靈給一些獻言與祭品。
• Aji kkkmeumal naqih nuda ka laqi su o tgsai bi gaya rudan Truku paah laqi.

  避免你孩子更加行為偏差，從小好好的教太魯閣族的祖訓規範。
• Msnpaqax ku liwang laqi mu o asi ku usa lmingis bqrus rudan qmsqus dhyaan.

  為了我骨瘦如柴的孩子，我就到父母的墳墓那裡哭著對他們發怒。
• Iya psnqahur qmpahan hnici rudan msaang, kika hnici rudan do asi qpahi da.

  別為了老人家留下石子地而生氣，老人家留下的就耕作了。
• Saw skrhruh ini gseesu brah seejiq ka laqi kuyuh o naqih hari qnita rudan.

  總是在人面前好動不溫柔的女孩子，對老人來說不太好看。
• Nrkrak tunux tqral matas ni qmpah binaw laqi su ga, dngaun su bitaq rudan.

  如果你的孩子搔頭抓癢懶得讀書和耕作看看，你會養他到老。
• Iya psnrnaaw hnici rudan empgeeluk, enduwa mseasug, kaway namu utux rudan.

  不要為了祖先留下的森林爭搶，好好地分，祖靈會發怒。
• Msnrudan nami empgeeluk kmlawa rudan do asi nami psriyux pnkingal idas da.

  我們為照顧老人家而爭執，我們就輪流一個月照顧。
• Ga knrxan ka sapah o ini sruwa pgtuwit trak rmgrig ka rudan, smiyus msa.

  家裡有人生病，老人不準揮著毛巾跳舞，說是忌諱。
• Msnhthut empgeeluk qmita huling ga smbalas ka laqi ga o aji tnegsaan rudan.

  孩子為了爭看狗在交配而發生爭執是沒有教養的。
• Iya psnkmeumal tbrinah kari rudan laqi su naqih kuxul, endwai dmudul tmgsa.

  不要為了你孩子過分辜負父母的話而難過，好好教導他。
• Kmnpkdra rdanan knan qmita rudan mu lmingis qaras na knsdrudan mu ka dhiya.

  他們看老人家被我的孝順感動的哭著，當作是我在使老人家受苦。
• Kmrabang su mangal dxgal rudan ka isu qbsuran snaw do mhuya ka swayi su da?

  你身為哥哥的想多佔有父母的地時，你弟弟怎麼辦呢？
• Kingal bi ka laqi nirih mu qbsuran snaw ki o asi ririh kana dnuuy rudan na.

  我堂哥的獨生子就繼承父母的財物。
• Kkmeumal na smtrung kari rudan ka laqi gaga o ga sknriwa bi msru tama na da.

  加倍頂撞父母的那個孩子被他父親毒打了。
• Qmita seejiq empika ka laqi o trrngring hulis kana do kseengan rudan dha da.

  孩子看到跛腳的人都咧嘴大笑，被他們的父母親罵了。
• “rbaay ta ka laqi” msa ku o gmealu ku ina mu kmsdrudan bi do ini ku ruba da.

  我說：「我要咒詛兒子」，我可憐很孝敬老人的媳婦，我就不咒詛了。
• Ppknarux na rmuba hyaan ka utux rudan na o ana paqax liwang ini na asi ngali.

  他被他祖靈咒詛生病，雖然骨瘦如柴沒有馬上取他的命。
• Ttraraw dha mnhuling kari o sksaang dha bi rmngaw laqi ka rudan Truku seuxal.

  以前太魯閣族的父母經常嚴禁孩子講下流的話。
• Mnegrbangay ta qmita ana manu ka laqi na ki o “knlgan na hi” msa ka rudan na.

  他的孩子看任何事喜歡說後悔，他父母說：「他就是這樣的人。」
• Ttrbangay na quri naqih nuda laqi na ka rudan o mnarux bi tunux dha lmnglung.

  父母經常對做壞事的孩子說後悔，他們很頭痛。