Search

Sentences 1,381 found

• “knrungut narux tama su o mha maagusug da” msa ka msapuh.

  醫生說：「你父親得的腫瘤會變成癌症了。」
• Smeamih quwaq na mhaal mshjil ka baki mu ga, jyagan mu da.

  我祖父歪著嘴扛重物時，我就幫他了。
• Mha ku gmeawing smqit sibus nngari qnqan rungay ka sayang.

  我今天要去挑猴子吃剩下的甘蔗。
• Dmhagun mu duri kiya ka kjiraw cyiuyas qmlalu skiya baraw.

  等一下我再觀賞在空中飛翔又鳴叫的鷲鷹。
• Tgeepix bi mharaw kacing ka huling ga o musa bi rqnux uri.

  那隻狗追牛也像追鹿一樣緊追不放。
• Ththut gmgrig kana ka wauwa do ki nalax mu dmmhaw yaku da.

  少女們都在扭腰擺動跳舞時我就離開觀賞了。
• Hwniki prgrig binaw ga uqun huwinuk ga ni, mha embrbur da.

  讓那腰痛的給他們扭腰跳舞看看會發作。
• Pxai smgila binaw laqi mha matas ga, aji empskla tdruy da.

  耽擱要去上學的孩子看看，會趕不上車了。
• Msnkhama nami ini grbu mhapuy ka kuyuh mu o asi ku usa da.

  出發前我為了太太不煮早餐起爭執，我就出發了。
• Sknwaai su bi smbut qaraw djima ka laqi mha matas, pgealu.

  你絕對不要對要去讀書的孩子用竹枝重重的鞭打，可憐餒！
• Kana saw palit qraqil siyang ga o gmxani mhapuy dara kida.

  所有的碎豬皮混在豬血來煮。
• Ppeetung su kha sibus ga o mha su hmjiyal inu ka bgbug na?

  那麼多間隔大要補種的甘蔗，甘蔗苗你要去哪裡找？
• Gprpaw mu tmutuy laqi mha ptasan ka tuki hnang ttutuy nii.

  這鬧鐘是在破曉時，我用來叫孩子起床上學的。
• Wana tmprqdug sjiqun euda su o ana ima aji mha malu sunan.

  你只會隨便拿小的給別人的話，任何人都不會對你好。
• Mgqala mu na dmmhaw rungay ga mhrapas dowras ka lupung su.

  你的朋友像我一樣驚訝地站著觀賞猴子在懸崖玩耍。
• Ga sgqala mhiyug dmmhaw kmrut kacing lupung na ka laqi mu.

  我的孩子跟他的朋友站著驚奇地凝視宰牛。
• Iya psnqijing wauwa na msluluy, mha teuqu ka empaabaki da!

  不要為了娶的小姐而起紛爭，準岳父會嘔氣！
• Tmnqituy ku dmmhaw shiga o kla kika mowda hmurah sapah mu.

  昨天我看的颱風預兆，原來就是要吹毀我房屋。
• Manu sun namu haya tmqituy bgihur dmmhaw, ini namu keisug?

  你們為什麼觀看颱風的預兆，你們不會怕嗎?
• Gnquway mu xiluy ka pila o sbarig mu qngqaya jiyun mhapuy.

  我製作鐵夾子賺來的錢，我用來買廚具。
• Mha ku sgradax qulit kmrut qcinuh lupung mu paru ka saman.

  明天我要跟著親家鋸檜木巨木成木板。
• Praraw su usa matas laqi o mha malu manu ka pntasan na da!

  你讓孩子遲到上學的話，他的功課怎麼會好餒！
• Ttrigu dha waru pdmhaw ka lqlaqi o mhulis kana ka rdrudan.

  那孩子們經常表演搖脖子，老人家都很開心。
• Nrowrak binaw snaw su ga, isu kuyuh na o ida su mha msiqa.

  如果妳先生是吹牛的人，身為他妻子的妳一定會很羞恥。
• Knrucing gnutu nirih mu tama o mha mtuku thuun 3 hngkawas.

  我伯父堆積漂流木多得足夠他三年燒火用。
• Kmneaji su mha matas lqian mu o pnsramal mmowsa ka hiya da.

  你認為我的孩子不去讀書其實孩子已經準備好了。
• Spbreebu na srakaw seejiq ka laqi na o ini tgdmhaw ka hiya.

  讓他的孩子弄亂別人的床他卻不在意的。
• Kkdmhaw namu phuqil nami kacing o hiyug saw kgkaga ka yamu.

  你們想看我們殺牛就站過去一點。
• Mmhabuk ku bi do “naku ka habuk bhgay gaga”sun ku kuyuh mu.

  當我要束上腰帶時，我妻子對我說：「那是我的腰帶。」
• Iya jiyax tmhibik laqi ka mha qmpahan, yahi rmangay gbiyan.

  要去工作前不要忙於玩孩子的胖紋，晚上再回來玩。