Search

Sentences 15,211 found

• Mkmrhrih ku cih mhuma lumak rklu hngali hika yaku.

  我想在那邊的窪地隨便種菸草。
• Ini kla spribaq ta rmngaw ka laqi Truku sayang da.

  現代太魯閣族的孩子聽不懂我們用隱喻的話。
• Sbiyaw ka Truku o gaya dha bi ka prigu sari sulay.

  以前太魯閣族人很忌諱扭屁股。
• Krijig pucing ka squri isu, yaku msalu ka rudu na.

  你來削製獵刀握柄，我來做它的鞘。
• Tmrikit ku kmlawa snliqan utux o 9 ku hngkawas da.

  我照顧殘障者有九年了。
• Mkm5 ku jiyax ka miyah tksadu sunan gmabal trabus.

  我想受雇於你五天的時間拔花生。
• Mnkan ku pngusul shiga o ‘riq, riq’ msa nbuyas mu.

  昨天我吃了蝸牛，肚子發出「riq, riq」的聲音。
• Gaya Truku o mrririh nanak dxgal rudan ka laqi na.

  太魯閣族的習俗是孩子各自繼承老人家的土地。
• Mnegrkrak bi hiyi mu ka yaku o meegul hnici rudan.

  我身上很會患皮膚癢是遺傳。
• Ini pha ramil ka Truku seuxal o saw skrkrak qaqay.

  以前太魯閣族不穿鞋子，腳總是會發癢。
• Rmgrgani peimah ni paataqi ka ga naqih kuxul gaga.

  那在難過的人給他喝酒喝到有醉意，讓他睡覺。
• Dmrmun bi musa bbuyu ga o ana kumay ini dha ksugi.

  那些勇敢去狩獵的人，他們連熊也不怕。
• Tgrmun bi smtrung kumay ga ka risaw nirih mu tama.

  那勇敢迎擊熊的是我伯父的兒子。
• Tmnrmun ku qnmasan qsurux do huaw ka sniyuk na da.

  我吃了鹹魚，後果是口渴了。
• Tnrmun bi mangal lala kumay ki o wada ptgkumay da.

  勇敢殺了很多熊的那個人，因熊而死了。
• Kmprnaaw ku dxgal mu ana kingal lituk ka yaku uri.

  我想把我的一甲地也種成森林，只有一甲地也好。
• Mrngaw ku kari nsbiyaw quri Dnamay o bhangun namu?

  我要講太魯閣族巨人Dnamay的童話故事，你們要聽嗎？
• Mha ku sgrowraw qhuni tntakan tama su, lala nhiya.

  我要到你父親新懇地那裏向他要樹枝，他有很多。
• Gmnrpla ku hiyi wauwa ga, qmpah nami do mqalux da.

  我挑了皮膚白皙的小姐，耕作後變黑了。
• Gmnrprik ku embahang kari na o ki bi saw balay bi.

  我聽了他說的謊話好像是真的。
• Paah mimah lala sinaw do srpun nbayas ka Truku da.

  自從喝很多酒後，太魯閣族有很多人大肚子了。
• Gmnrqbux ku mgsbu keeman mkan kabu o lala buan mu.

  我在夜晚獵射來吃稜果榕果實的果子狸，射了很多。
• Qmnrqbux ku qmita qnqan apu ki o kla qnqan rungay.

  我把柿子當作是果子狸吃的，原來是猴子吃的。
• Grqda mu Truku pteetu kana ka btunux mshuyuq gaga.

  那些尖型的石頭，我都用來做太魯閣族的三石灶。
• Trsukaw ta han, kika dsa ta kacing ka musa psakur.

  我們等待陰天，我們才帶牛去犁田。
• Mmrubang ku bi dangar brihut o tna dha rbangan da.

  我正要設松鼠的石壓陷阱時，他們已經設了。
• Emprubux ku laqi rbnaw paah sayang ka yaku uri da.

  從現在我也要照護嬰孩了。
• Kha ruciq ka baga su o ma su gmrubux lukus bnhaan?

  你的手很髒，你怎麼還去觸摸洗過的衣服？
• Kana dxgal quri baraw o nrudan Truku mkBaraw kiya.

  所有深山的土地都是內太魯閣族祖先所擁有的。
• Maah ku prudu sneunux mu sunan saman o taga ku ha!

  明天我會去你那裡燙頭髮，等我哈！