Search

Sentences 9,993 found

• Saw skkskus ana ini shuda qnsbuq hiyi na ka laqi kiya.

  那個孩子身體虛弱，連沒有下雪也會冷到凍僵。
• Nktu su buut ka isu da, hbaraw laqi ka meekan hiyi ga.

  你應該啃骨頭了，有很多孩子要吃肉。
• Tmnkukung ku rmangay puurung ga mtaqi lhngaw ka shiga.

  我昨天在石穴裡觀賞縮著身體睡覺的貓頭鷹。
• Ppkurih su rudux qmpahan mu o ma su ini thiyi rngagan?

  你讓雞在我的田地裡扒土，你怎麼講不聽？
• Nasi saku ini rngagi o naa ku musa sgkusa rsagan hida.

  如果你沒有告訴我的話，我可能會去跟著那位年輕人一起揹債。
• Ga tmkkuwah mhidaw lukus babaw btunux yayung ka dhiya.

  他們在河床的石頭上晒他們的衣服。
• Tmnkuwak nami peypay mqaras smiyan Mgay Bari ka shiga.

  昨天我們搖著旗子慶祝感恩祭。
• Dkuxul mu thiyan matas ga o pnaah isil klwaan ka duma.

  我喜歡的同學中有些是從別的國家來的。
• Wada ptglatat sbgihur paru mhuqil kingal ka yami hiya.

  我們那裡有一位因颱風天外出而死。
• Sslbi dha mkan hiyi qhuni ka rungay o malu bi dmhagan.

  猴子拉著樹吃果子的樣子非常好看。
• Tmnslbi ku mangal qwarux shiga o huya ku qyuci bnghur.

  昨天我拉下黃藤採取時，差一點被黃蜂螫到。
• Rbagan do mneglbu bi mlukus kana ka seejiq alang hiya.

  那部落的人夏天時很喜歡穿短的衣服。
• Dmlealu bi eusa pngahi qsurux ga o empqhdu mtbiyax da.

  那急著要去釣魚的人，他們事情快忙完了。
• Rait bi ttlhlah na gmeeguy gasil ngahi ka seejiq kiya.

  那個人經常很快速的解開釣繩偷竊。
• Lngisaw su tgsuqi bsiyaq ka laqi su wada matas thiyaq.

  不要為出遠門的孩子過份哭的太久。
• Seeriqan bi mnarux ka seejiq o mnegliwang bi hiyi dha.

  腹痛下瀉的人，他們身體容易消瘦。
• Ini pneglowyan mlukus musa qmpahan ka alang nami hiya.

  我們部落的人去田裏不會穿長袍。
• Tmnlqluq ku 10 rijig bkaruh prihan mu bgurah ka shiga.

  昨天我拔除十隻鋤頭公的柄來換新。
• Wada mu lqlqan ka erut qnalang kacing hntur elug hida.

  擋在馬路那裡的牛欄柱子，我已經拔除。
• Tnlukus pniri kha ga o hiya ka ga smbarig lukus pniri.

  那麼多浮織服的主人，他是在賣浮織服的。
• Sleengan na ka pngahi qsurux do ini tjiyal ana kingal.

  他釣魚打瞌睡，連一條魚沒有釣到。
• Niqan yamu hiya musa sgluus wauwa tksiyuk ka risaw ga?

  你們那裏有為了成熟的小姐入贅的男人嗎？
• Manu ka ga pklxlax bbuyu hunat hiya o sai qmita binaw.

  是什麼摧殘下方那裡的草叢去看看。
• Gmnddungus ku smpug alang hini o 5 ka ini pddungus na.

  我數過這部落還沒成為夫妻的有五對。
• Ini bi kmsnulug tnhiyan na matas bitaq sayang ka hiya.

  他到現在從未巧遇過他的同學。
• Mmsnulug bi plkusan ka lukus pnseisan snpngan hiyi na.

  他量身縫製的衣服很合身。
• Wada ptgmumul mneudus umal mhuqil ka kingal yami hiya.

  我們那裡有一位因含著石虎魚而死。
• Hbaraw bi mnmurang ka alang hiya o trtru bi sayang da.

  那部落原來禿頭的人很多，現在只有兩三個了。
• Ma snalaq bi muhing na ka laqi na msa ku o kla ngusul.

  我想怎麼他孩子的鼻子容易流膿，原來是鼻涕。
• Wada ptgnaqih mnarux mhuqil ka 3 hiyi alang nami hiya.

  我們部落那裏有三個人因重症而死。