Search

Sentences 64 found

• Gnkkarang mu rmuyuk ka kjiraw ttama tqring qhuni.

  我潛伏爬著接近棲息在樹末端的老鷹。
• Mnegkukung bi ttama tqring qhuni ka kjiraw mquyu.

  林鵰喜歡縮著身體停留在樹端上。
• Kkpahing kjiraw ka giman su marig o hlayun su inu?

  你要買的是老鷹的翅膀，哪裏找得到？
• Gmnragak ku smbu puniq kjiraw o kmaxan mu ka duma.

  我用槍獵射在飛行中的老鷹時，有的我射不中。
• Knpuh hnang rapit ttaril qhuni o mdka hnang kjiraw.

  飛鼠停在樹上發出「puh」的聲音像老鷹一樣。
• Hlakay ta pskaya ka kjiraw, malu bi bhangan uyas na.

  我們讓老鷹展翅飛翔因牠的鳴唱聲非常美妙。
• Saw skrudu dowras ka kjiraw o ungat maangal wawa na.

  老鷹總是在懸崖上做窩，沒有人可以拿到牠的幼鳥。
• Tmnrudu ku kjiraw ka yaku o ini ku hjiyal ana kingal.

  我找老鷹的窩時，我連一個也沒發現。
• Kmnpuh ku hnang cyaqunq ttqma tqring qrul o kla kjiraw.

  我以為是烏鴉停在蛇木的頂端發出「puh」的聲音，原來是老鷹。
• Ana niqan kukuh ka kjiraw o ini pnegkracih kmaguh qhuni.

  老鷹雖然有爪，但樹上不會有抓痕。
• Mtutuy skaya ka kjiraw o ‘lowp’ msa hmnang ka pahing na.

  老鷹起飛時，翅膀會發出「lowp」的聲音。
• Gpuh mu qmbahang ttaril tqring qhuni qmburang ka kjiraw.

  我以聽「puh」的聲音棲在樹梢埋伏老鷹。
• Kjiraw o musa tmkatu dowras ini tai seejiq ka tblngan na.

  老鷹去找人看不到的斷崖上生蛋。
• Gmnkuyuh mkan rudux mu ka kjiraw o wada mu buun patus da.

  拔我雞毛吃的老鷹被我用槍擊中了。
• Isu ruyuk na musa smbu kjiraw ga ttama tqring qhuni gaga.

  你去潛伏來射那停在樹端上的老鷹。
• Ppruyuk ta mkla rmuyuk kjiraw ga ttama tqring qhuni gaga.

  那停在樹梢上的老鷹，我們讓會潛伏的人去獵射。
• Dmhagun mu duri kiya ka kjiraw cyiuyas qmlalu skiya baraw.

  等一下我再觀賞在空中飛翔又鳴叫的鷲鷹。
• Nangi na ga mtgkri ka srayux do tpowk wada jilun kjiraw da.

  青蛙稍微在｢kri｣晃動時就被老鷹「tpowk」抓走了。
• Mkmpklug ku bi ka kjiraw nii tmbalung o ini ku bi pklug na.

  我很想發現正值生蛋的老鷹，但從來沒有發現過。
• Ga tmqmul dmanga wawa na qsurux ka kjiraw ga o mk5 jiyax da.

  那用魚餵食牠雛鳥的老鷹，已經餵五天了。
• Rapit o sknrabi na miying uqun ka jiyan do qrapan kjiraw da.

  飛鼠把白天當作夜晚找食物時，會被老鷹抓了。
• Msnqburang qbrangan kjiraw ka dhiya do ini iyah ka kjiraw da.

  他們為了埋伏老鷹而發生爭執時，老鷹就不來了。
• Rlnganay ta qmburang ka kjiraw miyah ttama tqring qhuni gaga.

  我們在起雲時，埋伏來棲息在樹梢上的老鷹。
• Mkmhlak empskaya ka kjiraw ga, tar puniq mu do wada mtucing da.

  當老鷹想展翅起飛時，碰一聲被我用槍擊落了。
• Qulung mtreura mkmrikit ka quyu o ida daan dmijil kjiraw ki da.

  蛇只要在明顯的地方盤睡一定會被老鷹叼走。
• Mnegriqu bi dowras saan na rmudu tmbalung ka kjiraw ni cyaqung.

  老鷹和烏鴉喜歡在懸崖隱密的地方築窩生蛋。
• Spgpahing mu sunan ka kjiraw mquyu o ini ku tduwa smknux knux na.

  我請你取林鵰的翅膀，因我不能聞牠的味道。
• Gnrulung mu qmburang miyah ttama tqring qhuni smbu ka kjiraw nii.

  這隻老鷹是我趁起雲時埋伏在牠棲息的樹梢上射的。
• Ttkwaya na pswiwil pahing kjiraw o mdrumut bi musa qmburang kjiraw.

  為了要做垂吊擺動的老鷹翅膀，他很認真去埋伏老鷹。
• Mha ku tmppuh qmburang kjiraw ttaril tqring qhuni daya hika sayang.

  我現在要去上方埋伏停在樹梢發出「puh」這樣聲音的老鷹。